બાલેન શાહની RSPની જોરદાર લહેર,K. P. Sharma Oli પોતાની સીટ હાર્યા
નેપાળમાં ગુરુવારે યોજાયેલી સંસદીય ચૂંટણી પછી હાલ મતગણતરી ચાલી રહી છે અને શરૂઆતના ટ્રેન્ડમાં મોટો રાજકીય બદલાવ જોવા મળી રહ્યો છે. કાઠમંડૂના પૂર્વ મેયર Balen Shahની આગેવાની હેઠળની Rastriya Swatantra Party (RSP) ભારે બહુમતી તરફ આગળ વધી રહી છે. બીજી તરફ K. P. Sharma Oliની Communist Party of Nepal (Unified Marxist–Leninist) સહિત પરંપરાગત પાર્ટીઓને મોટો ઝટકો લાગ્યો છે.
RSPની જબરદસ્ત લીડ : પ્રારંભિક મતગણતરી અનુસાર RSPએ અત્યાર સુધી 13 સીટો જીતી લીધી છે અને 101 સીટો પર આગળ ચાલી રહી છે. નેપાળના ચૂંટણી આયોગના આંકડા મુજબ Nepali Congressએ 4 સીટો જીતી છે, જ્યારે કમ્યુનિસ્ટ પાર્ટીએ 2 સીટો મેળવી છે.
ચોંકાવનારી બાબત એ છે કે પૂર્વ પ્રધાનમંત્રી K. P. Sharma Oli પોતાની જ ચૂંટણી સીટ હારી ગયા છે. આ પરિણામ નેપાળની પરંપરાગત રાજકીય પાર્ટીઓ માટે મોટો રાજકીય ઝટકો માનવામાં આવી રહ્યો છે.
9 માર્ચ સુધી આખા પરિણામોની શક્યતા: નેપાળના મુખ્ય ચૂંટણી આયુક્ત Ram Prasad Bhandariએ જણાવ્યું છે કે તમામ મતગણતરી 9 માર્ચ સુધી પૂર્ણ થવાની શક્યતા છે. આ ચૂંટણીમાં લગભગ 60 ટકા મતદાતાઓએ મતદાન કર્યું હતું.
તેમણે કહ્યું કે મતગણતરી શરૂ થયાના 24 કલાકમાં 165 સંસદીય સીટોના પરિણામો જાહેર કરવામાં આવશે.
Gen-Z વિરોધ પછી પહેલી ચૂંટણી : નેપાળમાં ગયા વર્ષે યુવાનો દ્વારા કરવામાં આવેલા મોટા વિરોધ પ્રદર્શન બાદ આ પહેલી રાષ્ટ્રીય ચૂંટણી છે. આ Gen-Z આંદોલનના કારણે તે સમયની સરકાર પડી ગઈ હતી.હવે આ ચૂંટણીમાં યુવા નેતા Balen Shahની પાર્ટી ભારે બહુમતી તરફ આગળ વધી રહી હોવાથી દેશમાં “Gen-Z સરકાર” બનવાની ચર્ચા તેજ બની છે.
બે તૃતીયાંશ બહુમતીની આશા: RSPના ઉપાધ્યક્ષ Dol Prasad Aryalએ જણાવ્યું કે પાર્ટીને કુલ 186 સીટો જીતવાની આશા છે. જો આવું થાય તો નેપાળની રાજનીતિમાં મોટો ઐતિહાસિક ફેરફાર ગણાશે.
જીત પછી પણ જશ્ન પર પ્રતિબંધ: RSPએ પોતાના જીતતા ઉમેદવારોને વિજય રેલી કે ઉજવણી ન કરવા સૂચના આપી છે. પાર્ટીના નેતાઓએ કહ્યું છે કે આ જીત જનતાની જવાબદારી છે અને હાલ ઉજવણી કરતાં કામ પર ધ્યાન આપવાનો સમય છે.આ ચૂંટણીને નેપાળની રાજનીતિમાં પેઢી બદલાવનું સંકેત માનવામાં આવી રહ્યું છે, યુવા નેતૃત્વ પરંપરાગત પાર્ટીઓને પણ પડકારતું દેખાઈ રહ્યું છે.
