ગયા વર્ષે પૂર્વ અને દક્ષિણ – પૂર્વ એશિયામાં એક અબજથી વધુ મેથામ્ફેટામાઇન ગોળીઓ જપ્ત કરવામાં આવી હતી, જે આંચકો આપતો રેકોર્ડ આંકડો છે. યુનાઇટેડ નેશન્સ કહે છે કે પ્રાદેશિક સિન્થેટિક ડ્રગના વેપારમાં આ આશ્ચર્યજનક વધારો દર્શાવે છે! મેથામ્ફેટામાઈન એમ્ફેટામાઇન કરતાં વધુ ઝડપી અને સ્થાયી અસરો સાથે કૃત્રિમ દવા, ઉત્તેજક તરીકે ગેરકાયદેસર રીતે ઉપયોગમાં લેવાય છે. UN OFFICE ON DRUGS AND CRIME દ્વારા બહાર પાડવામાં આવેલા તાજા અહેવાલ મુજબ લોઅર મેકોંગ ક્ષેત્રના દેશોમાં કંબોડિયા, લાઓસ, વિયેતનામ, થાઈલેન્ડ અને મ્યાનમારમાં મેથનું ઉત્પાદન અને હેરફેર ઝડપથી વધ્યું છે. તે એશિયાના ડ્રગ કાર્ટેલને અબજો ડોલરના મૂલ્યના સિન્થેટિક માદક દ્રવ્યોથી બજારને છલકાવવામાં સક્ષમ બનાવે છે.
પૂર્વ અને દક્ષિણ – પૂર્વ એશિયામાં મેથામ્ફેટામાઇન અને સિન્થેટિક ડ્રગના વેપારનું પ્રમાણ અને પહોંચ આશ્ચર્યજનક છે અને તેમ છતાં જો આ પ્રદેશો તેમનો અભિગમ ન બદલે અને મૂળ કારણોને સંબોધિત ન કરે તો તે વિસ્તરણ કરવાનું ચાલુ રહી શકે છે. જેમણે આ બિંદુ સુધી પહોંચવાનો રસ્તો બનાવી આપ્યો છે. સંગઠિત અપરાધ જૂથોએ તાજેતરની રાજકીય અસ્થિરતાનો લાભ લીધો છે. જેમ કે મ્યાનમારમાં લશ્કરી બળવો જેણે કેટલાક સરહદી પ્રદેશોને મોટા ભાગે કાયદા વગરના શોષણ કરવા માટે સરળ છોડી દીધા છે! જે બીજા દેશમાં ઘૂસણખોરી સ્વાભાવિક છે. જ્યારે ગગડતા ભાવ ગ્રાહકો માટે લલચામણું નોતરું છે! દક્ષિણ – પૂર્વ એશિયામાં દાખલા તરીકે મલેશિયા અને થાઈલેન્ડમાં જ્યારે દવાની શુદ્ધતા ઊંચી રહે છે. ક્રિસ્ટલ મેથામ્ફેટામાઈનના ભાવમાં સતત ઘટાડો થયો તેનો અર્થ એ છે કે ઉચ્ચ – શુદ્ધતા ધરાવતા દ્રવ્યો પરવડતા ભાવે ઉપલબ્ધ છે!
સંગઠિત અપરાધ સિન્ડિકેટ્સ પાસે એવા તમામ ઘટકો છે, જે આ વ્યવસાયમાં વધારો ચાલુ રાખવા માટે જરૂરી છે. જેમાં ઉત્પાદન કરવા માટેનો પ્રદેશ, રસાયણોની ઍક્સેસ, સ્થાપિત હેરફેરના માર્ગો અને ઉત્પાદનને ખસેડવા માટેના સંબંધો અને લક્ષ્ય બનાવવા માટે ખર્ચ કરવાની શક્તિ સાથે વિશાળ વસ્તીનો સમાવેશ થાય છે. તેઓ પ્રદેશને જુએ છે અને સંભવિત નફા પર નજર રાખે છે! દક્ષિણ – પૂર્વ એશિયા એટલે 11 દેશોમાં 680 મિલિયનથી વધુ લોકોની વસ્તી ધરાવતું વિશાળ ક્ષેત્ર! મેથેમ્ફેટામાઇન એ અબજો અબજ ડોલરનો તેજીનો વેપાર છે, જેણે અફીણ અને તેનાથી ઉત્પન્ન હેરોઇનનો ઉપયોગ અને નિકાસ બંને માટે પ્રબળ ગેરકાયદે ડ્રગ બનાવવા માટે સ્થાનાંતરિત કર્યું છે.
સિંગાપોર, ઇન્ડોનેશિયા અને વિયેતનામમાં કેટલાક ગુનાઓ માટે મૃત્યુદંડની સજા છે! વિશ્વના કડક ડ્રગ કાયદાઓ ધરાવવા માટે આ પ્રદેશ જાણીતા હોવા છતાં આ નશીલો ઉદ્યોગ ફૂલ્યો છે! એશિયાની અત્યાર સુધીની સૌથી મોટી ડ્રગ બસ્ટ પૈકીની એક લાઓસમાં ગયા ઓક્ટોબરમાં થઈ હતી, જ્યારે સ્થાનિક પોલીસે એક જ દરોડામાં અડધા કરોડથી વધુ મેથામ્ફેટામાઈન ગોળીઓ જપ્ત કરી હતી! UN એજન્સીએ નોંધ્યું છે કે કંબોડિયા ડ્રગ ઉત્પાદનની વધતી સંખ્યાનું ઠેકાણું છે. ગયા વર્ષે ત્યાં એક ગુપ્ત પ્રયોગશાળાને તોડી પાડવામાં આવી હતી. કેટામાઇન અને સંભવિત અન્ય દવાઓના ઉત્પાદન માટે એક ઔદ્યોગિક – સ્કેલ સુવિધા સ્થાપિત કરવામાં આવી હતી.
આફત જ્યારે કોરોના બની માનવીઓ પર ત્રાટકેલી હતી ત્યારે પણ માનવતાના શત્રુઓ આખા માનવસમાજને નશાની લતમાં ધકેલી નાણાં, કાળા વેપારનો રસ્તો બનાવી રહ્યા હતા! નશીલા પદાર્થોનું સેવન કરનારાઓની સંખ્યા અધધ… કહી શકાય તેટલી વધી! તે ચક્ર સતત વધતું રહ્યું છે. પછી એશિયાના ઘણા દેશોમાં વહીવટવ્યવસ્થા લથડી છે, હજી રાજકીય અસ્થિરતા છે. ફુગાવો અને અરાજકતા ડ્રગ ઉદ્યોગ માટે ખુલ્લો રસ્તો બની ગયો છે. અનેક દેશની સીમાઓ પર નશીલા પદાર્થોના જથ્થા પકડાયા છે, બંદરો પર પકડાયા છે. આ ચકરાવો પોતાની અસર વધારે ઝેરીલી બનાવે તે પહેલાં તેને મૂળથી નાબૂદ કરવા માટે દક્ષિણ – પૂર્વ એશિયાના દેશોની સરકારોએ ડ્રગ માફિયાઓને શોધવા જ પડશે. નાથવા પડશે.
– કુસુમ ઠક્કર
