આ વર્ષે જૂન મહિનામાં T20 વર્લ્ડ કપનું (T20 World Cup) આયોજન થવાનું છે. આ ટુર્નામેન્ટ વેસ્ટ ઈન્ડિઝ અને યુએસએમાં રમાશે. આ વખતે ચાહકોને વર્લ્ડ કપમાં ઘણી નવી વસ્તુઓ જોવા મળશે. આ વખતે વર્લ્ડ કપમાં કુલ 20 ટીમો ભાગ લઈ રહી છે. આ પહેલીવાર હશે જ્યારે આટલી બધી ટીમો (Team) વચ્ચે વર્લ્ડ કપનું આયોજન કરવામાં આવશે. આ દરમિયાન ICCએ વર્લ્ડ કપને લઈને કેટલાક નવા નિયમો જાહેર કર્યા છે. જે અંતર્ગત તેણે જણાવ્યું છે કે કઈ મેચોમાં રિઝર્વ ડે (Reserve Days) હશે.
આ મેચોમાં રહેશે રિઝર્વ ડે
ICC મીટિંગ દરમિયાન એ વાતની પુષ્ટિ કરવામાં આવી હતી કે ICC મેન્સ T20 વર્લ્ડ કપ 2024માં સેમિ-ફાઇનલ અને ફાઇનલ માટે અનામત દિવસો રહેશે. વધુમાં ગ્રૂપ સ્ટેજ અને સુપર આઠ તબક્કામાં રમતો યોજવા માટે બીજી ઇનિંગ્સમાં બોલિંગ કરનારી ટીમે ઓછામાં ઓછી પાંચ ઓવરની બોલિંગ કરવી પડશે. જો કે નોકઆઉટ મેચોમાં બીજા દાવમાં ઓછામાં ઓછી 10 ઓવર નાખવાની જરૂર પડે છે. રિઝર્વ ડેનો અર્થ એ છે કે જો કોઈ કારણોસર મેચ તેના નિર્ધારિત દિવસે રદ થાય છે તો તે મેચ અન્ય કોઈ દિવસે એટલે કે રિઝર્વ ડે પર યોજવામાં આવશે.
સ્ટોપ ક્લોક નિયમની વાત કરીએ તો જ્યારે ICCએ ગયા વર્ષે ડિસેમ્બરમાં તેનો અમલ કર્યો હતો. T20માં ફિલ્ડિંગ કરનાર ટીમને એક ઓવર પૂરી થયા બાદ બીજી ઓવર શરૂ કરવા માટે માત્ર 60 સેકન્ડનો સમય મળશે જેમાં તેણે પ્રથમ બોલ નાંખવાનો રહેશે. ઓવરના અંત પછી થર્ડ અમ્પાયર સ્ટોપ વોચ શરૂ કરશે. જો ફિલ્ડિંગ ટીમ 1 મિનિટની અંદર આગલી ઓવરનો પ્રથમ બોલ ફેંકવામાં સફળ થાય છે તો તેને અમ્પાયરની માત્ર બે ચેતવણીઓનો સામનો કરવો પડશે, પરંતુ તે પછી ફિલ્ડિંગ ટીમને દંડ કરવામાં આવશે જે 5 રન હશે. સ્ટોપ વોચ લાગુ કરવાનો નિર્ણય અમ્પાયરો પર રહેશે જેમાં તેઓ એ પણ જોશે કે બેટ્સમેનોના કારણે ઓવર શરૂ કરવામાં વિલંબ થયો છે કે ડીઆરએસને કારણે. આ નિયમ આ વખતે વર્લ્ડ કપમાં જોવા મળશે.
