સુરત(Surat): વેસુમાં (Vesu) રહેતી ધો.12ની વિદ્યાર્થીનીને (Student) પ્રેમજાળમાં (Love Trap) ફસાવી ડુમસ (Dummas) રોડની વિકેન્ડ એન્ડ એડ્રેસ હોટલ સહિતની જગ્યાઓ ઉપર અનેકોવાર દુષ્કર્મ કરાયું હોવાનો વધુ એક કિસ્સો સામે આવ્યો છે. ઘટનાની જાણ બાદ વેસુ પોલીસે વાસના પીડિત મુસ્લિમ યુવકની ધરપકડ (Arrest) કરી આગળની કાર્યવાહી હાથ ધરી છે. પોલીસ સૂત્રોએ જણાવ્યું હતું કે, સતત મોબાઇલમાં (Mobile) વ્યસ્ત રહેતી દીકરીના મોબાઇલમાંથી માતાને બિભત્સ ફોટા (Pictures) મળી આવતા આખો કિસ્સો સામે આવ્યો છે.
પોલીસ સૂત્રોના જણાવ્યા અનુસાર ઘટના અઠવાલાઇન્સ વિસ્તારની સ્કૂલમાં ધો.12માં અભ્યાસ કરતી વિદ્યાર્થીની સાથે થઈ હતી. એક મુસ્લિમ યુવકે વિદ્યાર્થીનીને પ્રેમજાળમાં ફસાવી ફોટો વાયરલ કરવાની ધમકી આપી વીડિયો કોલમાં (Video Call) કપડા ઉતરાવવા મજબુર કરી હોવાનું ઉપરાંત સિગારેટ પીવા અને શરીર સંબંધ બાંધવાની માંગણી કરી હતી. આ ચર્ચાસ્પદ કિસ્સાના ગણતરીના કલાકોમાં વધુ એક મુસ્લિમ દ્વારા સગીરાને પ્રેમજાળમાં ફસાવી હવસનો શિકાર બનાવ્યાનો કિસ્સો પોલીસ ચોપેડ નોંધાયો છે.
વેસુમાં રહેતી અને ધો. 12માં અભ્યાસ કરતી 17 વર્ષીય સગીરાને કોમન મિત્ર હસ્તક અશદ અલ્તાફ વિરાણી (ઉં.વ. 19 રહે. બી/2/02, લવલી પાર્ક, ડિવાઇન સ્કૂલની સામે, ઘોડદોડ રોડ, સુરત) સાથે મિત્રતા થઇ હતી. મિત્રતા બાદ બંને વચ્ચે પ્રેમ સંબંધ બંધાતા અશદ સગીરાને ફરવાના બહાને ડુમસ રોડની વિકેન્ડ એડ્રેસ નામની હોટલ ઉપરાંત પોતાના ઘરે તથા તેણીના ઘરે મળવાના બહાને જઇ અનેક વખત શરીર સંબંધ બાંધ્યા હતા.
દરમિયાન ધો.12માં અભ્યાસ કરતી દીકરી અભ્યાસમાં ઓછું અને મોબાઈલમાં વધારે ધ્યાન કેન્દ્રિત કરતી હોવાનું સામે આવ્યું હતું. જેને લઈ માતાએ ફોન ચેક કરતા આખો કિસ્સો સામે આવ્યો હતો.
સગીરા દીકરી અને અશદના બિભત્સ ફોટો જોઇ માતા ચોંકી ગઇ હતી. તુરંત જ પરિવારને જાણ કર્યા બાદ ગત રાતે વેસુ પોલીસ સ્ટેશનમાં ફરીયાદ નોંધાવી હતી. પોલીસે સગીરા સાથે દુષ્કર્મ આચરનાર મુસ્લિમ યુવક વિરુદ્ધ ગુનો નોંધી તપાસ હાથ ધરી છે.
