સુપ્રીમ કોર્ટે (Supreme Court) સોમવારે અપૂરતી સલામતી વાળા ઉપકરણોવાળી હોસ્પિટલો (Hospital) પર નારાજગી વ્યક્ત કરતાં કહ્યું હતું કે તેઓ પૈસા કમાવવાનો વ્યવસાય બની ગયા છે અને તે બધા માનવીય તકલીફ પર સમૃદ્ધ થઈ રહ્યાં છે. તેમને બંધ કરવું વધુ સારું રહેશે. ટોચની અદાલતે કહ્યું કે નાના રહેણાંક મકાનોમાં ખાનગી હોસ્પિટલો ચલાવવાની મંજૂરી આપવાને બદલે રાજ્ય સરકારો વધુ સારી હોસ્પિટલ આપી શકે છે. જસ્ટીસ ડી વાય ચંદ્રચુડ અને એમઆર શાહની ખંડપીઠે કહ્યું કે હોસ્પિટલો મોટા ઉદ્યોગો બની રહી છે અને આ બધું માનવ જીવનને (Life) જોખમમાં મૂકીને થઈ રહ્યું છે. આપણે જીવનની કિંમતે તેમને સમૃધ્ધ થવા ન દઈ શકીએ. જો આવી હોસ્પિટલો બંધ કરવી વધુ સારું રહેશે.
સુપ્રીમ કોર્ટ ગુજરાતની હોસ્પિટલોમાં આગના કેસમાં સુનાવણી કરી રહી હતી. બિલ્ડિંગ યુઝ પરમિશનને ધ્યાનમાં રાખીને હોસ્પિટલો માટે જૂન 2022 સુધી મુદત લંબાવી દેવા અંગે ટોચની અદાલતે ગુજરાત સરકાર પર નિંદા કરી હતી. ટોચની અદાલતે રાજ્ય સરકારને હોસ્પિટલોને છૂટ આપનાર આ જાહેરનામું પાછું લેવાનું કહ્યું હતું.
ખંડપીઠે કહ્યું કે, એક દર્દી, જે કોવિડમાંથી સ્વસ્થ થયો હતો અને બીજા દિવસે તેને રજા આપવામાં આવવાની હતી, પરંતુ આગને કારણે તેનું મોત નીપજ્યું હતું અને બે નર્સો પણ જીવતી બળી ગઈ હતી. ખંડપીઠે કહ્યું કે આ માનવ દુર્ઘટના છે, જે આપણી નજર સમક્ષ બને છે. છતાં અમે આ હોસ્પિટલો માટે સમય લંબાવીએ છીએ.
હોસ્પિટલો ઉદ્યોગ બની ગઈ છે: કોર્ટ
ખંડપીઠે કહ્યું કે એકવાર મંડમસ (પરમાદેશ) જાહેર થયા પછી તેને આવી કારોબારી સૂચનાથી ઓવરરાઇડ કરી શકાશે નહીં. તમારો મુદ્દો એ છે કે હોસ્પિટલોએ જૂન 2022 સુધીના હુકમનું પાલન કરવાની જરૂર નથી અને ત્યાં સુધી લોકો મરતા અને બળી રહ્યા છે. ખંડપીઠે નિરીક્ષણ કર્યું હતું કે હોસ્પિટલો રિયલ એસ્ટેટ ઉદ્યોગ બની ગઈ છે અને મુશ્કેલીમાં મુકાયેલા દર્દીઓને સહાયતા આપવાને બદલે વ્યાપકપણે અનુભવાયું છે કે તેઓ પૈસા કમાવવાની મશીનો બની ગઈ છે.
