નવી દિલ્હી: …. કહેતે હે મુજકો હવા હવાઈ…. બોલિવુડમાં (Bollywood) પોતાનો જાદુ ચલાવનાર એકટ્રેસ (Actress) શ્રી દેવીએ આજથી પાંચ વર્ષ પહેલા દુનિયાને અલવિદા કહી દીધું હતું. હાલ પણ શ્રી દેવી પોતાની અદાકારી તેમજ કામના કારણે જે નામના મેળવી હતી તેના કારણે તે ચર્ચામાં આવે છે. જે તે સમયની ટોપની એકટ્રેસમાં પોતાનું સ્થાન મેળવનાર શ્રી દેવીની આજે પુણ્યતિથિ છે. જેના કારણે તેની પુત્રી જાનવી તેમજ તેના પતિ બોની કપૂરે તેની યાદમાં એક પોસ્ટ (Post) શેર કરી હતી. આ પોસ્ટ સાથે જાનવીએ પોતાની માતા માટે ભાવૂક લાઈનો પણ લખી હતી.
જાનવીએ એક ફંકશનનો ફોટો શેર કર્યો હતો. જેમાં તે તેની માતાને જોઈ રહી છે. આ ફોટો શેર કરતા તેણે લખ્યું કે “હું આજે પણ તમને દરેક જગ્યાએ શોધી રહી છું, હું જયારે કોઈ પણ કાર્ય કરું છું ત્યારે વિચારું છું તે મારી માતા જયાં પણ હોય તેને મારા ઉપર ગર્વ થાય, હું જયાં પણ જાવ છું તે તમામ કાર્યની શરૂઆત તેમજ અંત તમારી યાદ સાથે કરું છું” જણાવી દઈએ કે જાનવી એ જે ફોટો શેર કર્યો છે તેમાં તે પોતાની માતા સાથે ખૂબ જ સુંદર લાગી રહી છે.
આ દિવસે બોની કપૂરે પણ એક પોસ્ટ શેર કરી હતી. જણાવી દઈએ કે બોની કપૂર અવાર નવાર તેઓની તેમજ શ્રી દેવી સાથેની યાદો તેમના ફેન્સ સાથે શેર કરતા જ રહે છે પરંતુ આજના ખાસ દિવસે તેઓએ શ્રી દેવીનો એક ફોટો શેર કર્યો છે. તેમજ લખ્યું છે કે જે માણસ મને પાંચ વર્ષ પહેલા છોડીને જતું રહ્યું તે આજ સુધી મારી સાથે છે. તમારો પ્રેમ અને યાદો હંમેશા અમારી સાથે રહેશે.
પિતા પુત્રીની આ પોસ્ટ ઉપર બોલિવુડના ધણાં બધાં સેલિબ્રિટિઓએ રિએકટ કર્યું છે. જણાવી દઈએ કે શ્રી દેવીની છેલ્લી ફિલ્મ મોમી હતી. શ્રીદેવીનું નિધન વર્ષ 2018માં 24 ફેબ્રુઆરીએ થયું હતું. તે દરમિયાન તે દુબઈમાં હતી. તે દુબઈ કોઈના લગ્નમાં હાજરી આપવા ગઈ હતી. અહેવાલો મુજબ, તેણી હોટલના રૂમના બાથટબમાં મળી હતી, જ્યાં તેણીનું શ્વાસ રૂંધાવાથી મૃત્યુ થયું હતું.
