નવી દિલ્હી: ગૂગલે (Google) તેની ઘણી સેવાઓ બંધ કરી દીધી છે. જેમાં ગૂગલ પ્લસ, નેક્સસ અને બીજા ઘણા નામ સામેલ છે. હવે આ યાદીમાં એક નવું નામ ઉમેરાયું છે. કંપનીએ તેના ઓડિયો સ્ટ્રીમિંગ પ્લેટફોર્મ ગૂગલ પોડકાસ્ટને દૂર કરવાનો નિર્ણય લીધો છે.
કંપનીની આ એપને પ્લે સ્ટોર પરથી 50 કરોડ યુઝર્સે ડાઉનલોડ કરી છે. આ એપ અમેરિકામાં 2 એપ્રિલથી ઉપલબ્ધ થશે નહીં. કંપની આ પગલા દ્વારા મોટો નિર્ણય લઈ રહી છે. આ બ્રાંડ આ પ્લેટફોર્મને બંધ કરીને YouTube Musicને પ્રમોટ કરવા માંગે છે.
Google સૂચનાઓ મોકલી રહ્યું છે. કંપનીએ ગયા વર્ષે એક બ્લોગપોસ્ટ દ્વારા આ વિશે માહિતી આપી હતી. અમેરિકા બાદ કંપની અન્ય દેશોમાં પણ તેને બંધ કરશે. Google Podcasts આ વર્ષના અંત સુધીમાં તમામ દેશોમાં બંધ થશે. ગૂગલ છેલ્લા કેટલાક દિવસોથી ઇન-એપ નોટિફિકેશન દ્વારા યુઝર્સને આ અંગે માહિતી આપી રહ્યું છે.
હવે કંપનીએ એપના હોમ પેજ પર ચેતવણી બતાવવાનું શરૂ કરી દીધું છે. ગૂગલ યુઝર્સને તેમના ડેટાને યુટ્યુબ મ્યુઝિક અથવા તેમની પસંદગીની કોઈપણ અન્ય પોડકાસ્ટ સેવા સાથે મર્જ કરવા માટે કહી રહ્યું છે. ધ્યાનમાં રાખો કે આ એપ્લિકેશન હજી પણ Google Play Store અને Apple App Store પર ડાઉનલોડ કરવા માટે ઉપલબ્ધ રહેશે. જો કે, યુઝર્સ તેનો ઉપયોગ કરી શકશે નહીં.
કંપની યુઝર્સને જુલાઈ 2024 સુધીમાં તેમનો ડેટા માઈગ્રેટ કરવાનો વિકલ્પ આપી રહી છે. યુઝર્સ તેમના ડેટાને કોઈપણ અન્ય પ્લેટફોર્મ પર સ્થાનાંતરિત કરી શકે છે. આ વિશે માહિતી આપતાં ગૂગલે કહ્યું હતું કે, ‘વર્ષ 2024માં આગળ વધીને અમે યુટ્યુબ મ્યુઝિક પર પોડકાસ્ટમાં રોકાણ વધારશું. આ યુઝર્સ અને પોડકાસ્ટર બંનેને વધુ સારો અનુભવ પ્રદાન કરશે.
સબસ્ક્રિપ્શન કેવી રીતે ટ્રાન્સફર કરવું?
યુઝર્સ તેમના સબસ્ક્રિપ્શનને સરળતાથી YouTube Music પર ટ્રાન્સફર કરી શકે છે. આ માટે તેઓએ પહેલા Google Podcasts એપ ખોલવી પડશે. પછી તમારે હોમ ટેપ પર જવું પડશે. અહીં તમને Google Podcasts એપ બંધ થવાની સૂચના મળશે. જ્યાં તમને એક્સપોર્ટ સબસ્ક્રિપ્શનનો વિકલ્પ આપવામાં આવશે. ત્યાર બાદ તમારે Export to YouTube Music પર ક્લિક કરવાનું રહેશે. હવે તમે YouTube Music વિકલ્પ પર પહોંચી જશો. તમારે તમારું જીમેલ એકાઉન્ટ સિલેક્ટ કરવું પડશે, ત્યારબાદ તમારું સબસ્ક્રિપ્શન એડ થઈ જશે. ધ્યાનમાં રાખો કે આ પ્રક્રિયામાં થોડો સમય લાગશે.
