એનઆઇએ ( NIA ) એન્ટિલિયા કેસમાં આરોપી સચિન વાજે ( SACHIN VAJE ) વિશે અનેક નવા ઘટસ્ફોટ કરી શકે છે. રાષ્ટ્રીય તપાસ એજન્સી સચિન વાજેની મિસ્ટ્રી ગર્લ મીના જ્યોર્જ ( MEENA GEORGE ) ને છેલ્લા ત્રણ દિવસથી સવાલો કરી રહી છે. મીના જ્યોર્જ એ જ મહિલા છે જે મુંબઈની ટ્રાઇડન્ટ હોટલમાં સચિન વાજે સાથે જોવા મળી હતી. પૂછપરછમાં બહાર આવ્યું છે કે સચિન વાજે અને મીના જ્યોર્જનું સંયુક્ત ખાતું અને લોકર પણ છે.
વાજેની ધરપકડ બાદ આ ખાતામાંથી ઓછામાં ઓછા 26 લાખ રૂપિયા ઉપાડવામાં આવ્યા હતા, હવે તેમાં ફક્ત પાંચ હજાર રૂપિયા બાકી છે. આ સિવાય લોકર પણ ખોલવામાં આવ્યું હતું અને ત્યાંથી ફક્ત થોડા દસ્તાવેજો જ મળી આવ્યા છે.
એન.આઇ.એ. વાજે અને મીનાના સંયુક્ત ખાતામાંથી કોણ પૈસા ઉપાડે છે અને શા માટે છે તે માહિતી એકત્રિત કરવામાં વ્યસ્ત છે. એનઆઈએના સૂત્રો પાસેથી મળતી માહિતી મુજબ, મીના પૈસાની ગણતરીનું મશીન લઇને ફરતી હતી અને ટ્રાઇડન્ટ હોટલ ખાતે વાજેને મળવા ગઈ હતી. એનઆઈએએ કહ્યું કે મીના સચિન વાજેના પૈસા સંભાળતી હતી.
એનઆઈએના સૂત્રોએ જણાવ્યું હતું કે સચિન વાજે અને મીના જ્યોર્જ વચ્ચે ખૂબ ગાઢ સંબંધ છે. એજન્સીને શંકા છે કે મીના જ્યોર્જ મુંબઇના બાર, પબ, રેસ્રટોરન્ટમાંથી મેળવેલા પૈસાની કાળજી લેતી હતી. હાલમાં સચિન વાજેને એપ્રિલ સુધી એનઆઈએ કસ્ટડીમાં મોકલવામાં આવ્યો છે.
એનઆઈએના સૂત્રો અનુસાર સચિન વાજે અને મીના જ્યોર્જ વચ્ચે ખૂબ ગાઢ સંબંધ છે. મીના સચિન વાજેના પૈસા સંભાળતી હતી. એનઆઈએને શંકા છે કે મીના જ્યોર્જ મુંબઇના બાર, પબ અને રેસ્ટોરન્ટ માથી મેળવેલા પૈસાની પતાવટ કરતી હતી. ગુરુવારે એનઆઈએ મીરારોડ સ્થિત મીના જ્યોર્જના ભાડે મકાનની પણ તલાશી લીધી હતી.
એનઆઈએ કોર્ટમાં સચિન વાજેએ તેમના વકીલ દ્વારા કહ્યું હતું કે તેમની પાસે સંયુક્ત ખાતું નથી. જો તેનું ખાતું છે, તો પછી એનઆઈએ પ્રારંભિક ફોર્મ બતાવો. જોકે, કોર્ટે દસ્તાવેજો બતાવવાની મંજૂરી આપી ન હતી. છેલ્લા 2 દિવસથી એનઆઈએ મીના જ્યોર્જ સાથે પૂછપરછ કરી રહી છે, અને સચિન વાજેના રહસ્યની તપાસ કરી રહી છે.
