નવી દિલ્હી (New Delhi): કેન્દ્રીય મંત્રી અને દલિત નેતા રામદાસ આઠવલેએ (Union minister and Dalit leader Ramdas Athawale) કોંગ્રેસના નેતા રાહુલ ગાંધીને (Rahul Gandhi) બુધવારે એક ઓપન ચેલેન્જ આપી છે. કેન્દ્રીય મંત્રી અને દલિત નેતા રામદાસ આઠવલેએ રાહુલ ગાંધીને કહ્યુ છે કે, ‘હમ દો, હમારે દો’ ના વિચારનો પ્રચાર કરવો હોય તો દલિત યુવતી સાથે લગ્ન કરી બતાવો.
રામદાસ આઠવલેએ કહ્યું, “હમ દો, હુમારે દો સૂત્રનો ઉપયોગ પહેલા કૌટુંબિક આયોજન માટે કરવામાં આવતો હતો. જો તેઓ (રાહુલ ગાંધી) આને પ્રોત્સાહન આપવા માગે છે, તો તેમણે લગ્ન કરવા જ જોઈએ. તેમણે દલિત છોકરી સાથે લગ્ન કરવા જોઈએ અને મહાત્મા ગાંધીજીના (Mahatma Gandhi) જાતિવાદને નાબૂદ કરવાના સ્વપ્નને પૂર્ણ કરવું જોઈએ. તેનો ઉપયોગ યુવાનોને પ્રેરણા આપવા માટે થઈ શકે છે. ”.
આઠાવલેએ વધુમાં ઉમેર્યું કે તેમનું મંત્રાલય રાહુલ ગાંધીને તેમના આંતર જાતિના લગ્ન માટે અ 2.5 લાખ રૂપિયા આપશે. ગયા અઠવાડિયે સંસદ સત્ર દરમિયાન લોકસભામાં બોલતા રાહુલ ગાંધીએ પીએમ મોદી અને અમિત શાહની જોડી પર પ્રહાર કરતા કહ્યું હતું કે દેશ ‘હમ દો, હમારે દો’ અભિગમથી ચાર લોકો ચલાવી રહ્યા છે. જો કે, રાહુલ ગાંધીના ‘હમ દો, હમારે દો’ ના મહેણા પછી ભાજપ નેતાઓ વિફરી ગયા હતા. કોંગ્રેસના નેતાને ટકોર કરતાં ભાજપના નેતાઓએ કહ્યું હતું કે તેઓ ખેતીના કાયદા અંગે જૂઠ્ઠાણા ફેલાવી રહ્યા છે.
રાહુલ ગાંધીના મ્હેણા હુમલાનો જવાબ આપતા નાણાં પ્રધાન નિર્મલા સીતારમણે બાદમાં પોતાના સંબોધનમાં કહ્યું હતું કે કોંગ્રેસ પણ ‘હમ દો, હમારે દો’ અભિગમનું પાલન કરે છે જ્યાં તે રાહુલ અને સોનિયા ગાંધીની સાથે પ્રિયંકા ગાંધી (Priyanka Gandhi) અને રોબર્ટ વાડ્રાની (Robert Vadra) સંભાળ રાખે છે.’બેટી ઔર દામાદ’.
હરિયાણાના પ્રધાન અનિલ વિજે (Anil Vij) પણ કોંગ્રેસ નેતા પર પ્રહાર કરતા કહ્યું હતું કે, “રાહુલ ગાંધીએ કહ્યું છે કે કેન્દ્ર સરકાર‘ હમ દો, હમારે દો ‘ની સરકાર છે. સંભવત રાહુલ ગાંધીને ખબર નથી કે ‘હમ દો, હમારે દો’ સૂત્ર તેમના દાદી ઇન્દિરા ગાંધીએ આપ્યું હતું. અમારું (ભાજપ સરકાર) સૂત્ર ‘સબકા સાથ, સબકા વિકાસ’ છે. રાહુલ ગાંધી પોતાના પરિવારના ઇતિહાસ વિશે જાણતા નથી, ”.
