તમિલ ફિલ્મ ‘વેટ્ટાયન-ધ હન્ટર’એ રિલીઝ થતાની સાથે જ બોક્સ ઓફિસ પર ધૂમ મચાવી દીધી છે. રજનીકાંત અને અમિતાભ બચ્ચન સ્ટારર ફિલ્મે બોક્સ ઓફિસ પર સારી ઓપનિંગ કરી છે. ઓપનિંગ ડે કલેક્શન બાદ પણ ફિલ્મ સારું કલેક્શન કરી રહી છે. આ ફિલ્મે માત્ર બે દિવસમાં 50 કરોડનો આંકડો પાર કરી લીધો હતો. ફિલ્મ રિલીઝ થયાને 4 દિવસ થઈ ગયા છે અને ચોથા દિવસની ફિલ્મની કમાણી સાથે જોડાયેલા પ્રારંભિક આંકડા પણ સામે આવ્યા છે.
Sacknilk અનુસાર ફિલ્મે 31.7 કરોડ રૂપિયાની ઓપનિંગ લીધી હતી. આ પછી તેણે બીજા અને ત્રીજા દિવસે 24 કરોડ અને 26.75 કરોડ રૂપિયાની કમાણી કરી. ચોથા દિવસની કમાણીની વાત કરીએ તો બપોરે 3.50 વાગ્યા સુધી તે 9.44 કરોડ રૂપિયા પર પહોંચી ગઈ છે. આમ ચોથા દિવસે બપોર સુધીમાં ‘વેટ્ટાયન’ની કુલ કમાણી 91.98 કરોડ રૂપિયા પર પહોંચી ગઈ છે.
‘વેટ્ટાયન’ 100 કરોડનો આંકડો પાર કરશે
ફિલ્મે બે દિવસમાં 50 કરોડનો આંકડો પાર કર્યો અને 4 દિવસમાં 100 કરોડનો આંકડો પાર કરી જશે. આ ફિલ્મમાં ભારતીય ફિલ્મ ઈન્ડસ્ટ્રીના બે ઉસ્તાદ 33 વર્ષ પછી એક સાથે આવ્યા છે. આવી સ્થિતિમાં દર્શકોમાં ફિલ્મને લઈને જે ક્રેઝ હતો તે બોક્સ ઓફિસ ટિકિટના વેચાણમાં પરિવર્તિત થતો જોવા મળી રહ્યો છે.
‘વેટ્ટાયન’ વિચારોની લડાઈ
ફિલ્મમાં અમિતાભ બચ્ચન અને રજનીકાંત સિવાય ફહદ ફૈસીલ પણ મહત્વના રોલમાં જોવા મળશે. આ ફિલ્મનું નિર્દેશન ટીજે જ્ઞાનવેલ દ્વારા કરવામાં આવ્યું છે. ટીજે જ્ઞાનવેલે ‘જય ભીમ’ જેવી ફિલ્મ બનાવી છે. આ ફિલ્મમાં પણ તેની સ્ટાઈલ જોવા મળે છે. ફિલ્મમાં અમિતાભ અને રજનીકાંત વચ્ચેના વિચારોની લડાઈને ખૂબ જ સારી રીતે રજૂ કરવામાં આવી છે. આ ફિલ્મ મૂળ તમિલમાં બની હતી અને હિન્દી, તેલુગુ અને કન્નડ જેવી અન્ય ભાષાઓમાં પણ રિલીઝ થઈ છે.
