રાજસ્થાનના (Rajasthan) નાગૌરમાં શનિવારે રાત્રે પુત્રએ પોતાના માતા-પિતા અને અપંગ બહેનની કુહાડી વડે હત્યા (Murder) કરી હતી. રવિવારે સવારે જ્યારે દૂધવાળો આવ્યો ત્યારે આરોપીએ તેને કહ્યું કે પરિવારના સભ્યો બહાર ગયા હોવાથી આજે તેને દૂધ લેવાનું નથી. રાજસ્થાનના નાગૌરમાંથી એક ચોંકાવનારી ઘટના સામે આવી છે. પુત્રએ તેના માતા-પિતા અને અપંગ બહેન પર કુહાડી વડે હુમલો કરી હત્યા કરી નાખી હતી. પરિવાર જ્યારે સૂતો હતો ત્યારે તેમના પર હુમલો કરવામાં આવ્યો હતો. શનિવારે રાત્રે ત્રણેયની હત્યા કર્યા બાદ આરોપી પુત્ર આખી રાત મૃતદેહો સાથે રહ્યો હતો. આ પછી તે બિસ્કિટ ખાતા ખાતા સવારે પોલીસ સ્ટેશન પહોંચ્યો અને હત્યા વિશે જણાવ્યું હતું.
પાદુકલાં શહેરમાં રહેતા જ્વેલર દિલીપ સિંહ (45), તેમની પત્ની રાજેશ કંવર (42) અને પુત્રી પ્રિયંકા (15) પર તીક્ષ્ણ હથિયાર કુહાડી વડે હુમલો કરવામાં આવ્યો હતો. રવિવારે સવારે ઘટનાની માહિતી મળતા જ પોલીસ ઘટનાસ્થળે પહોંચી ગઈ હતી અને ત્રણેયના મૃતદેહોને કબજે લીધા હતા. મળતી માહિતી મુજબ આરોપી પુત્ર આખી રાત ઘરમાં જ રહ્યો હતો અને સવારે પોલીસ સ્ટેશન પહોંચ્યો હતો.
સૂત્રોએ જણાવ્યું કે મોહિતે હત્યા કરી હતી અને આખી રાત ઘરમાં મૃતદેહો સાથે રહ્યો હતો. રવિવારે સવારે જ્યારે દૂધવાળો આવ્યો ત્યારે મોહિતે તેને કહ્યું કે પરિવારના સભ્યો બહાર ગયા હોવાથી તે આજે દૂધ લેવા માગતો નથી. આ પછી મોહિત ઘરેથી બિસ્કિટ ખાઈને પદુકલાં પોલીસ સ્ટેશન પહોંચ્યો હતો ત્યાં જઈને તેણે સમગ્ર ઘટના પોલીસને જણાવી હતી.
હત્યારા મોહિતની પોલીસ દ્વારા પૂછપરછ કરવામાં આવી રહી છે. તેના મોબાઈલમાંથી આપઘાતની પદ્ધતિઓની સર્ચ હિસ્ટ્રી પણ મળી આવ્યો હતો. ત્રણેયની હત્યા કર્યા બાદ આરોપીઓએ રાત્રે ઘરે બનાવેલી ટાંકીમાં કૂદીને આત્મહત્યાનો પ્રયાસ પણ કર્યો હતો પરંતુ સફળતા મળી ન હતી. આરોપીને હત્યાનો કોઈ પસ્તાવો નથી. પોલીસ આરોપીને માનસિક રીતે અસ્થિર ગણાવી રહી છે. જોકે આ અંગે પોલીસ દ્વારા વધુ તપાસ કરવામાં આવી રહી છે.
