સુરત: એન્ફોર્સમેન્ટ ડિરેક્ટોરેટ સુરત સબ-ઝોનલ ઓફિસના અમલીકરણ નિયામક (ED) એ આજે પ્રિવેન્શન ઓફ મની લોન્ડરિંગ એક્ટ (PMLA), 2002 ની જોગવાઈઓ હેઠળ મકબુલ અબ્દુલ રહેમાન ડોક્ટર અને તેમના પરિવારના સભ્યોની રૂ. 2.13 કરોડની ત્રણ સ્થાવર મિલકતો જપ્ત કરી છે. 100 કરોડ રૂપિયાથી વધુની ગુનાની રકમ (POC) ને સંડોવતા અનેક સાયબર ક્રાઇમ છેતરપિંડીના કેસોમાં તપાસ ચાલી રહી છે.
- POC ને ક્રિપ્ટો કરન્સી USDT માં રૂપાંતરિત કરી વિવિધ ‘હવાલા ઓપરેટરો’ દ્વારા રોકડ રૂટ કરીને લોન્ડરિંગ કર્યું હોવાનો આરોપ
- ED ની તપાસ દરમિયાન, મકબુલ અબ્દુલ રહેમાન ડોકોટર, કાશિફ મકબુલ ડોક્ટર, મહેશ મફતલાલ દેસાઈ અને ઓમ રાજેન્દ્ર પંડ્યા નામના ચાર આરોપીઓની ધરપકડ કરાઈ હતી
સુરત પોલીસના સ્પેશિયલ ઓપરેશન ગ્રુપ દ્વારા હાથ ધરવામાં આવેલી તપાસના આધારે, ED એ PMLA, 2002 ની જોગવાઈઓ હેઠળ મકબુલ અબ્દુલ રહેમાન ડોક્ટર અને અન્ય લોકો સામે તપાસ શરૂ કરી હતી.
આ કેસમાં, મકબુલ ડોક્ટર, તેમના પુત્રો કાશિફ મકબુલ ડોક્ટર અને બસમ મકબુલ ડોક્ટર અને અન્ય સાથીઓએ ડિજિટલ ધરપકડ, ફોરેક્સ ટ્રેડિંગ, કાયદા અમલીકરણ એજન્સીઓની નકલી નોટિસ મોકલીને નિર્દોષ વ્યક્તિઓને ધમકી આપવા જેવા વિવિધ સાયબર છેતરપિંડી દ્વારા ભોળા લોકો સાથે છેતરપિંડી કરી છે. સુપ્રીમ કોર્ટ ઓફ ઇન્ડિયા, ED સહિતની એજન્સીઓના નામે નિર્દોષ લોકોની હેરાનગતિ કરી ઠગાઈ કરી હોવાનો આરોપ છે.
POC ને લોન્ડરિંગ કરવાની તેમની પદ્ધતિના ભાગ રૂપે, તેઓએ POC એકત્રિત કરવા અને એકઠા કરવા માટે તેમના કર્મચારીઓ/સહયોગીઓ/ભાડે રાખેલા વ્યક્તિઓના નામે બેંક ખાતા ખોલ્યા/વ્યવસ્થા કરી હતી. વધુમાં,આ બેંક ખાતાઓનું સંચાલન કરવા માટે, આરોપીઓએ સમાન પદ્ધતિનો ઉપયોગ કરીને પ્રી-એક્ટિવેટેડ સિમ કાર્ડ મેળવ્યા છે.
PMLA હેઠળ તપાસ દરમિયાન, એવું પણ જાણવા મળ્યું છે કે મકબુલ ડોક્ટર, કાશિફ મકબુલ ડોક્ટર અને અન્ય લોકોએ ગુનાહિત પ્રવૃત્તિઓમાંથી ઉત્પન્ન થયેલા POC ને ક્રિપ્ટો કરન્સી (USDT) માં રૂપાંતરિત કરીને નિયમનકારી તપાસથી બચવા અને મની લોન્ડરિંગને સરળ બનાવવા માટે વિવિધ ‘હવાલા ઓપરેટરો’ દ્વારા રોકડ રૂટ કરીને લોન્ડરિંગ કર્યું છે.
અગાઉ, ED તપાસ દરમિયાન, મકબુલ અબ્દુલ રહેમાન ડોકોટર, કાશિફ મકબુલ ડોક્ટર, મહેશ મફતલાલ દેસાઈ અને ઓમ રાજેન્દ્ર પંડ્યા નામના ચાર આરોપીઓની PMLA, 2002 હેઠળ મની લોન્ડરિંગના ગુના બદલ ધરપકડ કરવામાં આવી હતી.આ મામલે વધુ તપાસ ચાલુ છે.
