દેશની રાજધાની દિલ્હીની સરહદો ( DELHI BORDER) પર કૃષિ કાયદાઓ વિરુદ્ધ ખેડુતોનો વિરોધ પ્રદર્શન ચાલુ છે. ગાઝિપુર બોર્ડર ( GAZIPUR BORDER) પર 69 મો દિવસ છે અને સિંઘુ બોર્ડર પર 71 મો દિવસ છે. વિપક્ષી નેતાઓની એક ટીમ આજે ગાઝીપુર બોર્ડર પર ખેડૂતોને મળવા પહોંચી હતી પરંતુ પોલીસે તેમને પરત મોકલી છે.
દિલ્હીથી કોસમ્બી તરફ આવતા માર્ગ પર ગાઝિપૂર બોર્ડર પર પોલીસે રસ્તા પર તાર લગાવી દીધા હતા. જે તારને પોલીસે જ ગુરુવારે સવારે કાઢી નાખ્યા હતા.ખરેખર 10 વિપક્ષી પાર્ટીના સાંસદ ગાઝીપુર બોર્ડર પર ખેડૂતોને મળવા પહોંચ્યા હતા. પરંતુ બેરીકેડ્સ અને બેરીકેડ્સવાળા તીક્ષ્ણ તાર અને બીજા અવરોધોને કારણે તેઓ દિલ્હીની સરહદથી યુપી ગેટ સુધી પહોંચી શક્યા ન હતા. આ સમયગાળા દરમિયાન દિલ્હી પોલીસની સતત છબી બગડવાના કારણે ઉચ્ચ અધિકારીઓએ આ તાર કાઢવાનો નિર્ણય કર્યો હતો. લગભગ એક કલાક પહેલા બિલાલ નામના કર્મચારીએ તાર કાઢવાનું કામ શરૂ કર્યું હતું.
હરસિમરત કૌરે ( HARSHIMRAT KAUR) કહ્યું કે 3 કિલોમીટર સુધી બેરિકેડિંગ છે. આવી સ્થિતિમાં ખેડૂતોની હાલત શું હશે. અમને પણ અહીં રોકવામાં આવી રહ્યા છે, અમને તેમને મળવા પણ નથી દેતા.
વિપક્ષી નેતાઓનું એક પ્રતિનિધિમંડળ ગાઝીપુર સરહદે પહોંચ્યું છે. જો કે, પોલીસે વિરોધી પક્ષોના પ્રતિનિધિમંડળને અટકાવી દીધું છે. વિપક્ષી નેતાઓના પ્રતિનિધિ મંડળમાં એનસીપીના સાંસદ સુપ્રિયા સુલે, ડીએમકે સાંસદ કનિમોઝી, એસએડી સાંસદ હરસિમરત કૌર બાદલ અને ટીએમસી સાંસદ સૌગત રોય સહિત ઘણા નેતાઓ શામેલ છે.
ભારતની અંદર પાકિસ્તાનની બોર્ડર પર પણ સખત બેરિકેડિંગ નથી: હરસિમરત કૌર
હરસિમરત કૌરે કહ્યું કે અમારી પાસે આઠ-દસ પાર્ટીઓ છે જે ગાઝીપુર બોર્ડર પર ખેડૂતોને મળવા જાય છે. જ્યાં 13 સ્તરોનું બેરીકેડિંગ કરવામાં આવ્યું છે, આટલું બધુ તો પાકિસ્તાન ભારતની અંદરની સીમા પર પણ નથી. અમને આ મુદ્દો સંસદમાં ઉઠાવવાની તક પણ આપવામાં આવી નથી, જે સૌથી મહત્વનો મુદ્દો છે.
અમે તમામ ખેડુતોને સમર્થન આપીએ છીએ: સુપ્રિયા સુલે
એનસીપીના સાંસદ સુપ્રિયા સુલેએ કહ્યું કે અમે ખેડૂતોને મળીશું. અમે તમામ ખેડુતોને સમર્થન આપીએ છીએ, અમે સરકારને વિનંતી કરીએ છીએ કે તેઓ ખેડૂતો સાથે સંપર્ક કરે.
સિંઘુ બોર્ડર પર સુરક્ષા દળોની તહેનાત ચાલુ છે
સિંઘુ સરહદ પર કૃષિ કાયદાઓ સામે ખેડૂતોના વિરોધને ધ્યાનમાં રાખીને સરહદ પર સુરક્ષા દળોની તહેનાત ચાલી રહી છે. આજે સિંઘુ બોર્ડર પર ખેડુતોને વિરોધ કરતા 71 દિવસ થયા છે.
