પીએમ મોદીનો માલદીવ પ્રવાસ 26 જુલાઈ એટલે કે આજે પૂર્ણ થશે. વડા પ્રધાન નરેન્દ્ર મોદીએ રાજધાની માલેમાં માલદીવની 60મી સ્વતંત્રતા વર્ષગાંઠમાં અતિથિ વિશેષ તરીકે હાજરી આપી હતી જે ચીન સહિત સમગ્ર વિશ્વ માટે એક મજબૂત સંદેશ હતો.
પીએમ મોદીએ તેમની મુલાકાતના બીજા દિવસે માલદીવના ઘણા ટોચના નેતાઓને મળ્યા, જેમાં ઉપરાષ્ટ્રપતિ હુસૈન મોહમ્મદ લતીફ, ભૂતપૂર્વ રાષ્ટ્રપતિ મોહમ્મદ નશીદ અને પીપલ્સ મજલિસ (સંસદ) ના સ્પીકર અબ્દુલ રહીમ અબ્દુલ્લાનો સમાવેશ થાય છે.
મોહમ્મદ મુઇઝુએ માલદીવના વિકાસમાં ભારતની ભૂમિકાનો ઉલ્લેખ કર્યો. તેમણે કહ્યું, “આપણે બધાએ જોયું છે કે ભારતે પહેલા માલદીવને કેવી રીતે મદદ કરી છે. તેમાં કોઈ શંકા નથી કે ભવિષ્યમાં ભારત ખૂબ જ મહત્વપૂર્ણ ભાગીદાર બનશે.”
માલદીવના રાષ્ટ્રપતિ મોહમ્મદ મુઇઝ્ઝુએ કહ્યું, “ભારત એ મુખ્ય પ્રવાસી દેશોમાંનો એક છે જે માલદીવને પર્યટન ક્ષેત્રે મદદ કરે છે. વડા પ્રધાન નરેન્દ્ર મોદીની મુલાકાત તેમાં નોંધપાત્ર વધારો કરશે. મારું માનવું છે કે આ મુલાકાત બંને દેશોના લોકો વચ્ચે પરસ્પર આદાનપ્રદાનમાં પણ વધારો કરશે.”
માલદીવના પ્રવાસન અને પર્યાવરણ મંત્રી થોરિક ઇબ્રાહિમે કહ્યું કે વડા પ્રધાન નરેન્દ્ર મોદીની માલદીવની મુલાકાત યોગ્ય સમયે આવી છે. તેમણે કહ્યું, “પીએમ મોદી માલદીવના સ્વતંત્રતા દિવસે મુખ્ય મહેમાન તરીકે આવ્યા છે. આ ભારત અને માલદીવ વચ્ચેની ઊંડી ભાગીદારીનું પ્રતીક છે.”
જણાવી દઈએ કે મોહમ્મદ મુઇઝ્ઝુએ તેમના ચૂંટણી પ્રચારમાં ઇન્ડિયા આઉટનો સૂત્ર આપ્યો હતો. પદ સંભાળ્યા પછી માલદીવને બેઇજિંગ બેલ્ટ એન્ડ રોડ ઇન્ફ્રાસ્ટ્રક્ચર ફંડિંગ મળ્યું અને જાન્યુઆરી 2025 માં ચીન-માલદીવ્સ મુક્ત વેપાર કરાર પર હસ્તાક્ષર થયા. આવી સ્થિતિમાં માલદીવના સ્વતંત્રતા દિવસે વડા પ્રધાન નરેન્દ્ર મોદીની મુખ્ય મહેમાન તરીકે ભાગીદારી એક નવા રાજદ્વારી સંબંધો સ્થાપિત કરવાના પ્રયાસનો સંકેત આપે છે.
