રાજસ્થાન: આંતરરાષ્ટ્રીય સરહદ(International border) પાર કરીને ભારત(India)માં ઘૂસણખોરી(Intrusion)નો પ્રયાસ કરી રહેલા એક પાકિસ્તાની(Pakistan) નાગરિક(Citizen)ને BSF દ્વારા પકડી લેવામાં આવ્યો છે. રાજસ્થાન(Rajasthan)નાં ભારત-પાકિસ્તાન સરહદ પર આવેલ શ્રી ગંગાનગર જિલ્લાના હિન્દુમલ કોટ વિસ્તારમાંથી પકડી લેવામાં આવ્યો છે. જે બાદ NIA સહિત તમામ તપાસ એજન્સીઓ સતર્ક થઈ ગઈ છે. અત્યાર સુધીની તપાસમાં સામે આવ્યું છે કે તે નુપુર શર્મા(Nupur Sharma)ની હત્યા કરવા ભારત આવ્યો હતો. પોલીસને તેની પાસેથી 11 ઇંચનો ધારદાર છરો, ધાર્મિક પુસ્તકો, નકશા, કપડાં અને ખાદ્યપદાર્થો મળી આવ્યા હતા. 24 વર્ષીય રિઝવાન અશરફ પાકિસ્તાનના પંજાબ(Punjab)ના બહાઉદ્દીન જિલ્લાનો રહેવાસી છે. BSFની તત્પરતાના કારણે તે હિંદુમલકોટ સેક્ટરમાં ખાખાન ચેકપોસ્ટ પર ભારતીય સરહદમાં પ્રવેશ કરતી વખતે પકડાઈ ગયો છે. ગુપ્તચર એજન્સીઓની પૂછપરછ દરમિયાન ઘુસણખોરે નુપુર શર્માની હત્યાનું કાવતરું ઘડ્યું હોવાની કબૂલાત કરી છે.
નૂપુર શર્માને મારવાની યોજના બનાવી હતી
શ્રી ગંગાનગરના એસપી આનંદ શર્માએ કહ્યું કે હજુ પણ તપાસ ચાલી રહી છે. પૂછપરછ દરમિયાન રિઝવાને કબૂલાત કરી છે કે નુપુર શર્માનો એક વીડિયો સોશિયલ મીડિયા પર વાયરલ થયો હતો. નૂપુરના નિવેદન પર પાકિસ્તાનના મંડી બહાઉદ્દીન જિલ્લામાં મુલ્લાઓ અને ઉલેમાઓની એક બેઠકનું આયોજન કરવામાં આવ્યું હતું. જેમાં નુપુર શર્માના નિવેદનની નિંદા કરવામાં આવી હતી. ઉલેમાઓના નિવેદનોથી પ્રભાવિત થઈને તેણે નૂપુર શર્માને મારવાની યોજના બનાવી અને ભારતીય સરહદ સુધી પહોંચી ગયો હતો.
ભારતમાં પ્રવેશવા માટે ગૂગલ મેપ્સનો ઉપયોગ કર્યો હતો
અશરફે આ પ્લાનને પૂરો કરવા માટે ગૂગલ મેપની મદદ લીધી હતી. તે પહેલા પોતાના ઘર મંડી બહાઉદ્દીનથી લાહોર થઈને ભારતમાં પ્રવેશવા માંગતો હતો પરંતુ લાહોરથી ઘૂસણખોરી કરવામાં સફળ થઈ શક્યો ન હતો. જે બાદ તે જિલ્લાની હિંદુ માલકોટ બોર્ડર પર સાહિવાલ થઈને ભારતમાં પ્રવેશવાનો પ્રયાસ કરી રહ્યો હતો. પ્લાન મુજબ, પાક ઘૂસણખોર રિઝવાન ભારતમાં ઘૂસવાનો હતો અને શ્રી ગંગાનગરથી અજમેર દરગાહ જવાનો હતો. અજમેર દરગાહ પર ચાદર ચઢાવ્યા બાદ નૂપુર શર્માને મારી નાખશે.
તપાસ એજન્સીઓ એલર્ટ
પાકિસ્તાની નાગરિક રિઝવાને મંડી બહાઉદ્દીન સ્થિત મદરેસામાં આઠમા ધોરણ સુધી અભ્યાસ કર્યો છે. ઉર્દૂની સાથે તે પંજાબી અને હિન્દી ભાષા પણ સારી રીતે બોલે છે. હાલ તપાસ એજન્સીઓ તેની અલગ અલગ એંગલથી પૂછપરછ કરવામાં વ્યસ્ત છે. તે એકલો છે કે પછી ષડયંત્રમાં સામેલ છે તેની પણ તપાસ કરવામાં આવી રહી છે.
