ચેમ્પિયન્સ ટ્રોફી 2025 19 ફેબ્રુઆરીથી પાકિસ્તાનમાં શરૂ થવા જઈ રહી છે. ટુર્નામેન્ટની પહેલી મેચ પાકિસ્તાન અને ન્યુઝીલેન્ડ વચ્ચે કરાચીના નેશનલ સ્ટેડિયમમાં રમાશે. 29 વર્ષ પછી આ પહેલી ICC ઇવેન્ટ છે જેનું આયોજન પાકિસ્તાન કરી રહ્યું છે. આ અગાઉ પાકિસ્તાનમાં યોજાયેલી છેલ્લી ICC ટુર્નામેન્ટ 1996નો વર્લ્ડ કપ હતો. જોકે તે પહેલાં ખરાબ સમાચાર આવ્યા છે. જેના લીધે ચેમ્પિયન્સ ટ્રોફી પર સકંટ ઉભું થયું છે.
પાકિસ્તાન અને અફઘાનિસ્તાન વચ્ચે આતંકવાદી યુદ્ધ શરૂ થયું છે. એકતરફ અફઘાનિસ્તાન પહેલી વાર ચેમ્પિયન્સ ટ્રોફીમાં રમવા પહોંચ્યું છે, તો બીજી તરફ 16 ફેબ્રુઆરીની રાત્રે પાકિસ્તાને અફઘાનિસ્તાન પર બોમ્બમારો કર્યો હતો.
મીડિયા રિપોર્ટ્સ અનુસાર 16 ફેબ્રુઆરીએ રાત્રિના 6:00 વાગ્યે પાકિસ્તાને પક્તિકા અને બર્મલમાં આતંકવાદી છાવણીઓ પર હવાઈ હુમલો કર્યો હતો. આ ઉપરાંત પાકિસ્તાને ઉત્તર વઝીરિસ્તાનના શાવલ વિસ્તારમાં આતંકવાદી ઠેકાણાઓ પર પણ હુમલો કર્યો હતો. પાકિસ્તાનની કાર્યવાહી અહીં જ અટકી ન હતી પરંતુ નંગરહારના લાલપુર જિલ્લામાં તાલિબાન છોકરાઓ અને પાકિસ્તાની સુરક્ષા દળો વચ્ચે અથડામણનો મામલો પણ સામે આવ્યો છે.
100 લોકોનાં મોત
પાકિસ્તાનની કાબુલ ફ્રન્ટલાઈન ન્યૂઝ એજન્સી અનુસાર જ્યારે પાકિસ્તાને વઝીરિસ્તાન વિસ્તારમાં હુમલો કર્યો ત્યારે 100 નાગરિકો પણ માર્યા ગયા હતા. આ વિસ્તારમાં નાગરિકોના ઘરો પર બોમ્બમારો કરવામાં આવ્યો હતો અને દુઃખદ સમાચાર એ છે કે આ કાર્યવાહીમાં દક્ષિણ વઝીરિસ્તાનમાં રહેતા એક પરિવારના 8 સભ્યો માર્યા ગયા. ચેમ્પિયન્સ ટ્રોફી શરૂ થવામાં હવે થોડા કલાકો જ બાકી છે, ત્યારે પાકિસ્તાન-અફઘાનિસ્તાન યુદ્ધ ફરી ભડકી રહ્યું છે, જેના કારણે ચેમ્પિયન્સ ટ્રોફીની સુરક્ષા વ્યવસ્થા પર સવાલો ઉભા થઈ રહ્યા છે .
