આલિયા ભટ્ટની (Alia Bhatt) વેબ સિરીઝ (Web Series) પોચર ઓટીટી (OTT) પ્લેટફોર્મ પ્રાઇમ વીડિયો પર રિલીઝ થઈ છે. ફિલ્મે પહેલા જ દિવસે OTT પર ઈતિહાસ રચી દીધો છે. અભિનેત્રી પણ ફિલ્મની સફળતાથી ઘણી ખુશ છે. તેણે સોશિયલ મીડિયા પર પોતાની ખુશી વ્યક્ત કરી છે અને હૃદય સ્પર્શી પોસ્ટ કરી છે. આલિયાએ તેના ચાહકોનો આભાર પણ માન્યો છે.
ઘરેલુ હિંસાની વાર્તા સંભળાવ્યા બાદ આલિયા ભટ્ટે હવે હાથીના ગેરકાયદે શિકારનો પર્દાફાશ કર્યો છે. આલિયાની તાજેતરની વેબ સિરીઝ પોચર 23 ફેબ્રુઆરીએ રિલીઝ થઈ છે. OTT પ્લેટફોર્મ પર આવેલી આ સિરીઝે એક જ દિવસમાં ઈતિહાસ રચી દીધો છે. આ સિરિઝ એક જ દિવસમાં ઓટીટી પ્લેટફોર્મ પર ટોચ પર પહોંચી છે.
એમી એવોર્ડ વિજેતા રિચી મહેતાએ પોચરનું નિર્દેશન કર્યું છે. આ વાર્તા હાથીદાંત માટે હાથીઓની ગેરકાયદેસર હત્યા પર આધારિત છે. તે શુક્રવારથી OTT પ્લેટફોર્મ પ્રાઇમ વીડિયો પર સ્ટ્રીમિંગ થઈ રહ્યું છે. પહેલા જ દિવસે પોચરે OTT પર ઈતિહાસ રચ્યો જે આલિયાની સિદ્ધિને સાતમા આસમાન પર લઈ ગઈ છે.
24 કલાકની અંદર સિરીઝે નંબર 1 પોઝિશન કબજે કરી છે જેને જોઈને આલિયા ખુશ થઈ ગઈ છે. અભિનેત્રીએ સોશિયલ મીડિયા પર તેના ચાહકો સાથે ખુશી શેર કરી અને એક પોસ્ટ શેર કરી છે. અભિનેત્રીએ તેની પાલતુ બિલાડી સાથે ટીવી સામે પોચર જોતા પોઝ આપ્યો છે. તેણે કહ્યું કે તે ખુબજ રોમાંચક અને ઉત્સાહિત છે કે આટલા લોકોનો પ્રેમ મને મળ્યો.
