વાપી : વાપી (vapi) ઈન્ડસ્ટ્રીઝ એસોસિએશન(VIA)ની ગ્રીન સોસાયટી દ્વારા વાતાવરણ (atmosphere) અને પર્યાવરણને (Environment ) સુધારવા અને પર્યાવરણની સલામતી માટે સતત અનેક પ્રયત્નો કરવામાં આવે છે, અને એના ભાગ સ્વરૂપે, GIDC, NAA, VGEL અને GPCB ના સમર્થનથી, ઔદ્યોગિક વસાહતના પ્રવેશ બિંદુ પર લેન્ડમાર્ક તરીકે, યુપીએલ લિમિટેડ (UPL ltd.), NH નંબર 48 નજીક ક્લેપ્સ હેન્ડ ખાતે ઓક્સિજન પાર્ક (oxygen park) વિકસાવવાનું આયોજન કરવામાં આવ્યું અને લગભગ 4 મહિનામાં ઓક્સિજન પાર્ક તૈયાર કરવામાં આવ્યો છે, જેનું ઉદ્દઘાટ્ન ગુરુવારે ગુજરાત રાજ્યના નાણાં, ઉર્જા અને પેટ્રોકેમિકલ્સ વિભાગના કેબિનેટ મંત્રી કનુભાઈ દેસાઈના (Kanubhai desai) હસ્તે કરવામાં આવ્યું હતું. કનુભાઇનો આજે જન્મ દિવસ પણ હોવાથી ઉપસ્થિત અગ્રણીઓ તેમને શુભેચ્છા પણ આપી હતી. વલસાડ જિલ્લાના એસ.પી. ડૉ.રાજદીપસિંહ ઝાલા આ કાર્યક્રમમાં ખાસ ઉપસ્થિત રહ્યા હતા.
આ પ્રસંગે વી.આઈ.એ.ના માનદ મંત્રી સતિષ પટેલ, ખજાનચી હેમાંગ નાયક, સહ માનદમંત્રી તેમજ વી.આઈ.એ.ની ગ્રીન સોસાયટીના ચેરમેન કલ્પેશ વોરા, વી.આઈ.એ.ના એડવાઈઝરી બોર્ડના મેમ્બર એ.કે.શાહ, શિરીષ દેસાઈ, યોગેશ કાબરિયા, એલ.એન.ગર્ગ અને પ્રકાશ ભદ્રા, વી.આઈ.એ.ના ઇન્વીટી મેમ્બર કમલ શાહ, વી.આઈ.એ.ના એક્સિક્યુટીવ કમિટી મેમ્બર હેમંત પટેલ, કૌશિક પટેલ, સુરેશ પટેલ, મગન સાવલિયા, લલિત કોઠારી, મિતેશ દેસાઈ, વિરાજ દક્ષિણી અને દેવેન્દ્ર પટેલ અને વી.આઈ.એ.ના અન્ય સભ્યો, વી.જી.ઈ.એલ.ના સી.ઈ.ઓ. જતીન મેહતા, વાપીના ડી.વાય.એસ.પી.શ્રીપાલ શેષમાં, જી.આઈ.ડી.સી.વાપીના વિભાગીય અધિકારી આશિષ મારુ, જી.આઈ.ડી.સી. વાપીના પ્રાદેશિક અધિકારી દિનેશ પરમાર, જી.આઈ.ડી.સી.વાપીના કાર્યપાલક ઈજનેર અને નોટીફાઈડ એરિયા ઓથોરિટી વાપીના મુખ્ય અધિકારી દેવેન્દ્ર સાગર અને જી.પી.સી.બી.વાપીના ઇન્ચાર્જ પ્રાદેશિક અધિકારી એચ.એમ.ગાંવિત તથા વાપી પાલિકાના પ્રમુખ કાશ્મીરા શાહ ઉપસ્થિત રહ્યા હતા.
કલ્પેશ વોરાએ તેમના સ્વાગત પ્રવચન દરમિયાન ઓક્સિજન પાર્ક વિશે વિસ્તૃત માહિતી આપી હતી. તેમણે વી.જી.ઈ.એલ.ની સી.એસ.આર. કમિટીના ડિરેક્ટર અને ચેરમેન કનુભાઈ દેસાઈનો ઓક્સિજન પાર્કના વિકાસમાં સહયોગ બદલ આભાર માન્યો હતો. ઓક્સિજન પાર્કની ડિઝાઈન તૈયાર કરનાર સ્ટુડન્ટ્સ કુ. વામા શાહ અને અર્શ કુરેશી તેમજ એન્વાયરોટેક લેન્ડસ્કેપ એન્ડ ડેવલપર્સના ચિરાગ પટેલ કે જેમણે ઓક્સિજન પાર્ક વિકસાવ્યો છે, તેઓને કનુભાઈ દેસાઈના હસ્તે પ્રમાણપત્ર આપી સન્માનિત કરવામાં આવ્યા હતા. કનુભાઈ દેસાઈએ તેમના સંબોધન દરમિયાન વી.આઈ.એ.ની ગ્રીન સોસાયટીના કાર્યની પ્રશંસા કરતા જણાવ્યું હતું કે ભૂતકાળમાં નિષ્ક્રિય અને જર્જરિત હાલતમાં પડી રહેલી જમીનને વિકસાવવાની કલ્પના કરવામાં આવી અને તેના ફળ સ્વરૂપ એક સુંદર પ્રોજેક્ટ ‘ઓક્સિજન પાર્ક’ ની રચના થઇ. અંતે સતિષ પટેલે ઉપસ્થિત મહાનુભાવો અને સભ્યોનો આભાર વ્યક્ત કર્યો હતો.
