નવી દિલ્હી: ભારતીય ક્રિકેટ ટીમના ખેલાડી શુભમન ગિલ (Shubman Gill) અને બોલિવૂડની (Bollywood) એક્ટ્રેસ સારા અલી ખાન (Sara Ali Khan) વચ્ચે અફેરની ચર્ચાએ જોર પકડ્યું હતું. કારણે કે ઘણીવાર તેઓ બંને સાથે જોવા મળે છે. પરંતુ બંનેએ અત્યાર સુધી પોતાના સંબંધો પર મૌન સેવ્યું છે. ત્યારે હવે સારા અલી ખાન સાથેના અફેરની ચર્ચા વચ્ચે શુભમન ગિલને તેના બોલિવુડ ક્રશ (Crush) વિશે પૂછવામાં આવ્યું હતું. તેણે કહ્યું છે કે તે કઈ અભિનેત્રીને પસંદ કરે છે, એક ઇન્ટરવ્યુ દરમિયાન તેણે કહ્યું કે તેને કોના પર ક્રશ છે. પરંતુ જે નામ સામે આવ્યું છે તે સારા અલી ખાનનું નથી.
આ અભિનેત્રીએ શુભમનને ક્લીન બોલ્ડ કર્યો
એક ઈન્ટરવ્યુ દરમિયાન શુભમન ગિલને પૂછવામાં આવ્યું કે તેને કઈ અભિનેત્રી સૌથી વધુ પસંદ છે. આ સવાલ સાંભળીને પહેલા તો શુભમન શરમાવા લાગ્યો અને પછી મામલો ટાળવાની કોશિશ કરવા લાગ્યો. પરંતુ જ્યારે આ સવાલનું પુનરાવર્તન થયું અને તેને તેની ફેવરિટ એક્ટ્રેસનું નામ પૂછવામાં આવ્યું તો તેણે ‘પુષ્પા’ સ્ટાર રશ્મિકા મંદન્નાનું નામ લીધું. તેણે કહ્યું કે તેને રશ્મિકા મંદન્ના પર ક્રશ છે.
રશ્મિકા તરફથી કોઈ પ્રતિક્રિયા ન હતી
તમને જણાવી દઈએ કે શુભમનના મોઢેથી આ નામ સાંભળીને સારા અલી ખાનના ફેન્સને ઘણો આઘાત લાગ્યો હશે. પરંતુ હજુ સુધી રશ્મિકા મંદન્નાએ શુભમનની આ બાબત પર કોઈ પ્રતિક્રિયા આપી નથી. પરંતુ આ વીડિયો ક્લિપ વાયરલ થઈ રહી છે અને લોકો રશ્મિકાના જવાબની રાહ જોઈ રહ્યા છે.
શુભમને સારા સાથેના તેના અફેર અંગે આ સંકેત આપ્યો હતો
જણાવી દઈએ કે સોનમ બાજવા સાથેના એક શોમાં તેને બોલિવૂડમાં સૌથી યોગ્ય અભિનેતાનું નામ પૂછવામાં આવ્યું હતું. આ માટે ક્રિકેટરે કહ્યું કે “સારા!” ત્યાર બાદ સોનમે તેને પૂછી નાખ્યું કે “શું તું સારાને ડેટ કર્યો રહ્યો છે?” આ પ્રશ્ન સાંભળીને તેણે જવાબ આપ્યો, “…કદાચ”
શુભમન ગિલનું નામ સારા તેંડુલકર સાથે પણ જોડાયું હતું
તમને જણાવી દઈએ કે શુભમન ગિલ અને સારા અલી ખાનના અફેરની ચર્ચા પછી પણ આ ક્રિકેટરનું નામ ઘણી વખત સારા તેંડુલકર સાથે જોડવામાં આવ્યું છે. સારા તેંડુલકર ભારતના દિગ્ગજ ક્રિકેટર સચિન તેંડુલકરની પુત્રી છે. જો કે હજી સુધી આ અફવાઓનું કોઈ સત્તાવાર સમર્થન નથી.
