માનામાં ગુમ થયેલા ચારેય કામદારોના મૃતદેહ આજે રવિવારે 2 માર્ચના રોજ મળી આવ્યા છે. આ સાથે બચાવ કામગીરી પૂર્ણ થઈ ગઈ છે. આ હિમપ્રપાતની ઘટનામાં આઠ કામદારોના મોત થયા હતા. જ્યારે 54 કામદારોમાંથી 46 કામદારોને બચાવી લેવામાં આવ્યા છે.
ઉત્તરાખંડના ચમોલીમાં 28 ફેબ્રુઆરીએ થયેલા હિમપ્રપાતમાં ફસાયેલા કામદારોને બહાર કાઢવાનું કામ ત્રીજા દિવસે પણ ચાલુ રહ્યું હતુ. 54 માંથી 46 કામદારોને બચાવી લેવામાં આવ્યા છે જ્યારે આ દુર્ઘટનામાં 8 લોકોના મોત થયા છે. પહેલા ગુમ થયેલા કામદારોની સંખ્યા 55 હોવાનું જણાવવામાં આવ્યું હતું પરંતુ શુક્રવારે જાણવા મળ્યું કે હિમાચલના કાંગડાના રહેવાસી સુનિલ કુમાર કોઈને જાણ કર્યા વિના કેમ્પમાંથી પોતાના ગામ ગયા હતા. પરિવારે આ માહિતી આપી.
રવિવારે સારા હવામાનને કારણે બચાવ કામગીરી વહેલી શરૂ થઈ ગઈ હતી. ડ્રોન, રડાર સિસ્ટમ, સ્નિફર ડોગ્સ, પીડિતોની શોધ અને થર્મલ ઇમેજ કેમેરાનો ઉપયોગ કરીને શોધખોળ કરવામાં આવી રહી છે. 7 હેલિકોપ્ટર પણ તૈનાત કરવામાં આવ્યા છે. સેના અને વાયુસેના ઉપરાંત, ITBP, BRO, SDRF અને NDRF ના 200 થી વધુ સૈનિકોએ ઘટના સ્થળે બરફ જાતે ખોદીને ગુમ થયેલા કામદારોને શોધી કાઢ્યા હતા.
આ અકસ્માત 28 ફેબ્રુઆરીના રોજ સવારે 7:15 વાગ્યે ચમોલીના માના ગામમાં થયો હતો. બોર્ડર રોડ ઓર્ગેનાઇઝેશન (BRO) ના કાર્યકરો મોલી-બદ્રીનાથ હાઇવે પર એક કન્ટેનર હાઉસમાં રોકાયા હતા ત્યારે બરફનો પહાડ સરકી ગયો હતો. બધા કામદારો તેનો ભોગ બન્યા હતા. માનામાંથી બચાવાયેલા 46 કામદારોને જોશીમઠની આર્મી હોસ્પિટલમાં દાખલ કરવામાં આવ્યા છે. એક મજૂરની હાલત ગંભીર બન્યા બાદ તેને ઋષિકેશ એઈમ્સમાં રિફર કરવામાં આવ્યો. જોશીમઠ આર્મી હોસ્પિટલમાં પેનલિસ્ટ ડોકટરોની એક ટીમ તમામ કામદારોની સારવાર કરી રહી છે.
બધા કામદારો સ્વસ્થ છે પરંતુ એક કામદારની ગંભીર હાલતને કારણે તેમને ઋષિકેશ એઈમ્સમાં દાખલ કરવામાં આવ્યા છે. હાલમાં આર્મી હોસ્પિટલમાં સારવાર લઈ રહેલા દર્દીઓને એક-બે દિવસમાં રાહત થશે. ગંભીર સ્થિતિના કિસ્સામાં કેટલાકને આર્મી હોસ્પિટલમાં રાખવામાં આવશે.
જોશીમઠ આર્મી હોસ્પિટલના મેજર અમિત કુમાર મિશ્રાએ કહ્યું, ‘અમારી પાસે હાલમાં 45 દર્દીઓ છે. જેમાંથી 3 ગંભીર છે. તેમાંથી એકને લીવરમાં ઈજા થઈ છે. રક્તસ્ત્રાવ થયો હતો અને અમે તેને સંભાળી લીધો. તેમની હાલત હવે સારી છે. બાકીના બધા દર્દીઓની હાલત સારી છે. જો તેને સારવાર માટે વધુ મોકલવાની જરૂર પડશે તો અમે તે કરીશું. હાલ બધાની હાલત ખતરાથી બહાર છે.
