દાહોદ: ગરબાડા તાલુકાના નેલસુર ગામની મુખ્ય પ્રાથમિક શાળા નો જર્જરિત ઓરડો તારીખ 21 ના સાંજના એકાએક ધરાશાયી થયો હતો. સદનસીબે આ ઘટનામાં કોઈ જાનહાનિ થઈ નહોતી તાલુકામાં કુલ ૧૩૩ જેટલી પ્રાથમિક શાળાઓમાં કુલ 661જેટલા ઓરડાઓ આવેલ છે જે પૈકી 180 થી વધુ ઓરડાઓ જર્જરિત છે જે હાલ મંજૂરીમાં હોવાનું જાણવા મળી રહ્યું છે. જિલ્લા શિક્ષણ અધિકારીના જણાવ્યા અનુસાર ગરબાડા તાલુકામાં 180 તથા સમગ્ર જિલ્લામાં 470 ઓરડા ઓ હાલ અન્ડર ટેન્ડરિંગની પ્રોસેસમાં છે સરકાર લેવલે થી ગ્રાન્ટ આવશે તે પ્રમાણે ટૂંક સમયમાં કામગીરી શરૂ કરાશે.
