હાલોલ: હાલોલ તાલુકાના તાજપુરા ખાતે આવેલ શ્રી નારાયણધામ ખાતે ગુરુપૂર્ણિમાના પાવન અવસરે બે લાખ ઉપરાંત નારાયણભક્તો પ.પૂ.બ્રહ્મલીન શ્રી નારાયણ બાપુજીને ગુરુવંદના કરવા ઉમટ્યા હતા જેમાં બુધવારે સમગ્ર તાજપુરા નારાયણધામ નારાયનબાપુના જયઘોષથી ગુંજી ઉઠ્યું હતું. હાલોલ તાલુકાના તાજપુરા ખાતે પ.પૂ.બ્રહ્મલીન શ્રી નારાયણ બાપુજીના શ્રી નારાયણધામ ખાતે કોરોનાની મહામારી બાદ અષાઢ સુદ પૂનમને બુધવારના રોજ ભક્તિ પૂર્ણ માહોલમાં ગુરુપૂર્ણિમાની ઉજવણી હર્ષોલ્લાસ પૂર્વક કરવામાં આવી હતી જેમાં ગૃરુપૂર્ણિમાના શુભ અવસરની ઉજવણીનું સમગ્ર આયોજન વર્ષોની પરંપરા મુજબ શ્રી નારાયણ આરોગ્યધામ અન્નપૂર્ણા ટ્રસ્ટ તાજપુરા દ્વારા કરવામાં આવ્યું હતું.
જેમાં ગુરુપૂર્ણિમાના પાવન અવસરે બે લાખ ઉપરાંત નારાયણભક્તો મહાન સંત પ.પૂ.બ્રહ્મલીન શ્રી નારાયણ બાપુજીને ગુરુવંદના કરવા ઉમટયા હતા જેમાં ગુરુપૂર્ણિમાના રોજ તાજપુરા ખાતે આવેલ બ્રહ્મલીન પ.પૂ. નારાયણ બાપુની સમાધિ ખાતે ગુરુ વંદના કરવા લાખોની સંખ્યામાં નારાયણભક્તો ઉમટી પડતા તાજપુરાના અવર જવર ના તમામ માર્ગો પર માનવ કીડીયારી ઉભરાયું જોવા મળ્યું હતું અને સમગ્ર નારાયણધામ તાજપુરા નારાયણ બાપુજીના જયઘોષથી ગુંજી ઉઠ્યું હતુ જેમાં છેલ્લા બે વર્ષથી કોરોના મહામારીની વિકટ પરિસ્થિતિને પગલે ગુરુપૂર્ણિમાની ઉજવણી જૂજ નારાયણભક્તો અને ટ્રસ્ટીઓ સહિત મહાનુભવોની હાજરીમાં સાદગીપૂર્ણ માહોલમાં કરવામાં આવી હતી.
