એશિયાના સૌથી ધનિક વ્યક્તિ અને રિલાયન્સ ઇન્ડસ્ટ્રીઝના વડા મુકેશ અંબાણી ( mukesh ambani) એ યુકેની બીજી કંપની ખરીદી છે. આ કંપની યુકેમાં હોટેલ અને ગોલ્ફ કોર્સ (golf corse) ની માલિકી ધરાવે છે જ્યાં ‘જેમ્સ બોન્ડ’ ( jems bond) શ્રેણીની બે ફિલ્મ્સનું શૂટિંગ થયું છે. મુકેશ અંબાણીની રિલાયન્સ ઇન્ડસ્ટ્રીઝ ( realince industri) લિમિટેડે બ્રિટનના સ્ટોક પાર્કને 593.05 કરોડ મતલબ 7.9 કરોડ ડોલર માં ખરીદ્યો છે. સ્ટોક પાર્ક એક યુકેની કંપની છે જે હોટલ અને ગોલ્ફકોર્સની માલિકી ધરાવે છે. આ હોટલ રિલાયન્સના ગ્રાહક અને આતિથ્ય સંપત્તિનો એક ભાગ હશે.સ્ટોક પાર્ક યુકેમાં આંતરરાષ્ટ્રીય જૂથની પ્રથમ દેશની ક્લબ છે. સ્ટોક પાર્કનો યુકે ફિલ્મ ઉદ્યોગ સાથે ખૂબ જ નજીકનો સંબંધ છે.
‘જેમ્સ બોન્ડ’ ની બે મૂવીઝનું અહી શૂટિંગ થયું છે
‘જેમ્સ બોન્ડ’ શ્રેણીની બે ફિલ્મ્સનું શૂટિંગ સ્ટોક પાર્કમાં થયું છે. આમાં 1964 નો ‘ગોલ્ડફિંગર’ અને 1997 નો ‘ટુમોરો નેવર ડાઇઝ’ ( શામેલ છે. આ પાર્કમાં સીન કોનરી , જેમ્સ બોન્ડ અને ગ્રેટ ફોર્બ્સ પર ફિલ્માવવામાં આવેલા ગોલ્ફ સીનને સિનેમા જગતનો સૌથી સુંદર ગોલ્ફ સીન માનવામાં આવે છે. આ સિવાય 2001 માં આવેલી બ્રિજેટ જોન્સ ડાયરી ફિલ્મના દ્રશ્યો પણ આ પાર્કમાં શૂટ કરવામાં આવ્યા છે.
પહેલેથી જ ‘હેમલીઝ’ ખરીદ્યો છે
મુકેશ અંબાણી 2019 માં યુકેની બીજી કંપની ‘હેમલીઝ’ ખરીદી ચૂક્યા છે. વિશ્વની અગ્રણી રમકડાની દુકાનમાં હેમલીઝનો સમાવેશ થાય છે. તે યુકેની સૌથી મોટી ટોય સ્ટોર કંપની છે. તાજેતરમાં જ મુકેશ અંબાણીની રિલાયન્સે પણ તેના નવનિર્માણ માટેની તૈયારીઓ શરૂ કરી દીધી છે.મુકેશ અંબાણી તાજેતરમાં જ એશિયાના સૌથી ધનિક વ્યક્તિ બન્યા છે. ગયા વર્ષે શરૂઆતમાં, રિલાયન્સ ગ્રૂપના જિઓ પ્લેટફોર્મ્સને ફેસબુક, ગુગલ અને સિલ્વરલેક જેવી ટેક કંપનીઓ પાસેથી ભંડોળ મળ્યું હતું.
કંપનીએ જણાવ્યું કે રિલાયન્સ હવે બ્રિટનના બકિંઘમશાયરમાં એક હોટલ અને ગોલ્ફ કોર્ષની માલિક છે. નિયામકીય સૂચનામાં કહેવાયું કે રિલાયન્સ ઈન્ડ.લિમિટેડની સંપર્ણ માલિકીની કંપની રિલાયન્સ ઈન્ડસ્ટ્રીયલ ઈન્વેસ્ટમેન્ટ એન્ડ હોલ્ડિંગ્સ લિમિટેડે 22 એપ્રિલ 2021 ના દિવસે બ્રિટનમં સ્થાપિત કંપની લિમિટેડની બધી જવાબદારીઓનું અધિગ્રહણ કરી લીધું છે.
દેશના સૌથી અમીર ઉદ્યોગપતિ મુકેશ અંબાણીએ કોરોનાના દર્દીની મદદ માટે એક સારી પહેલ કરી છે. અંબાણીની રિલાયન્સ ઈન્ડસ્ટ્રીઝ લિમિટેડે જામનગરમાં સ્થિત પોતાની 2 તેલ રિફાઈનરીથી મહારાષ્ટ્રના ટ્રકથી 100 ટન ઓક્સીજન પહોંચાડ્યો છે. નામ ન આપવાની શરતે રિલાયન્સના એક અધિકારીએ જણાવ્યું કે રિલાયન્સ ઈન્ડસ્ટ્રીઝની જામનગર ખાતેની રિફાઈનરીમાંથી ઓક્સિજન મુંબઈને પૂરો પાડવામાં આવી રહ્યો છે. મહારાષ્ટ્રના શહેરી વિકાસ મંત્રી એકનાથ શિંદે જણાવ્યું કે રિલાયન્સ તરફથી રાજ્યને 100 ટન ઓક્સિજન મળશે.
