Latest News

મધ્ય પૂર્વમાં વધતા તણાવ વચ્ચે અમેરિકન નૌસેનાનું શક્તિશાળી વિમાનવાહક જહાજ USS Abraham Lincoln ફરી ચર્ચામાં આવ્યું છે. અમેરિકાનું યુદ્ધજહાજ યુએસએસ અબ્રાહમ લિંકન વિશ્વના સૌથી શક્તિશાળી એરક્રાફ્ટ કેરિયર્સમાં ગણાય છે. આ જહાજ Nimitz-class aircraft carrier વર્ગનું છે અને અમેરિકી નૌસેનાની મુખ્ય હુમલાખોર શક્તિનું પ્રતિક માનવામાં આવે છે. અંદાજે 1,092 ફૂટ લંબાઈ ધરાવતું આ જહાજ દરિયામાં તરતું એક વિશાળ સૈન્ય મથક છે, જે લાંબા સમય સુધી ઈંધણ ભરાવ્યા વગર સતત કામગીરી કરી શકે છે. અમેરિકન નૌસેનાના આ કેરિયર સ્ટ્રાઈક ગ્રુપમાં અંદાજે 70 જેટલા લડાકૂ વિમાનો, સૈંકડો ટોમાહોક ક્રૂઝ મિસાઈલ અને આશરે 8,000 જેટલા નૌસેનાના સૈનિકો સામેલ હોય છે. આ જહાજ દરિયામાં તરતું એક ચાલતું સૈન્ય મથક માનવામાં આવે છે, જે લાંબા સમય સુધી સમુદ્રમાં રહીને હવાઈ અને મિસાઈલ હુમલાની ક્ષમતા ધરાવે છે.

આ કેરિયર પર 60થી વધુ લડાકૂ વિમાનો અને હેલિકોપ્ટરો તૈનાત કરી શકાય છે, જેમાં F/A-18 સુપર હોર્નેટ જેવા અદ્યતન ફાઈટર જેટ્સ સામેલ છે. સાથે જ ટોમાહોક ક્રૂઝ મિસાઈલ જેવી દુરગામી હુમલા ક્ષમતા ધરાવતી હથિયાર પ્રણાલીઓ પણ જોડાયેલી હોય છે. 5,000થી વધુ ક્રૂ અને ટેક્નિકલ સ્ટાફ સાથે આ જહાજ કોઈપણ સમયે હવાઈ હુમલા, દરિયાઈ સુરક્ષા અને સ્ટ્રેટેજિક ઓપરેશન માટે સજ્જ રહે છે. USS અબ્રાહમ લિંકન ક્યારેય એકલું કાર્ય કરતું નથી. તે સંપૂર્ણ કેરિયર સ્ટ્રાઈક ગ્રુપ સાથે આગળ વધે છે, જેમાં ડેસ્ટ્રોયર, ક્રૂઝર અને સબમરીન સામેલ હોય છે. આ સહાયક જહાજો મિસાઈલ ડિફેન્સ સિસ્ટમ, એર ડિફેન્સ કવર અને દરિયાઈ સુરક્ષા પૂરી પાડે છે. આધુનિક રડાર અને ઇલેક્ટ્રોનિક વૉરફેર સિસ્ટમો તેને સંભવિત ખતરાઓ સામે વધુ સુરક્ષિત બનાવે છે. આ એરક્રાફ્ટ કેરિયર પર એક સાથે 60થી 90 જેટલા યુદ્ધવિમાનો અને હેલિકોપ્ટર તૈનાત થઈ શકે છે

સૈદ્ધાંતિક રીતે કોઈપણ સૈન્ય જહાજ નિશાન બની શકે, પરંતુ આટલી મજબૂત સુરક્ષા વ્યવસ્થા હોવાને કારણે સીધો હુમલો કરવો અત્યંત મુશ્કેલ ગણાય છે. છતાં આધુનિક યુદ્ધમાં હાઈપરસોનિક મિસાઈલ, અદ્યતન સબમરીન અને ડ્રોન ટેક્નોલોજી જેવા ખતરાઓને સંપૂર્ણપણે નકારી શકાય નહીં. હાલ વૈશ્વિક સ્તરે વધતા સંઘર્ષને ધ્યાનમાં રાખીને આંતરરાષ્ટ્રીય સમુદાય પરિસ્થિતિ પર નજર રાખી રહ્યો છે, જ્યારે USS અબ્રાહમ લિંકન જેવી વિમાનવાહક નૌકા અમેરિકાની દરિયાઈ સૈન્ય શક્તિનું પ્રતીક બની રહી છે. આ જહાજ એકલું જ નહીં, પણ તેની આસપાસ ડિસ્ટ્રોયર, ક્રૂઝર અને સબમરીન સાથે મળીને “કેરિયર સ્ટ્રાઈક ગ્રુપ” બનાવે છે, જે કોઈપણ દેશમાં ઝડપી અને ભારે હવાઈ હુમલો કરવાની ક્ષમતા ધરાવે છે. વિશ્વના કોઈપણ સમુદ્રી વિસ્તારમાં પહોંચીને, કિનારાથી દૂર રહીને હવાઈ હુમલા કરવા માટે આ જહાજ સક્ષમ છે. તેની શક્તિ એટલી છે કે એક આખા નાના દેશની વાયુસેનાને ટક્કર આપી શકે એવું છે.