Latest News

પેટ્રોલની અછત બાબતેની અફવા ફેલાવશે તો તેમની સામે કાયદેસરની કાર્યવાહી કરાશે તેવી ચેતવણી આપી

વડોદરા, તા. 24

વડોદરા શહેરમાં પેટ્રોલની અછત હોવાની ખોટી અફવાઓના પગલે પેટ્રોલ પંપો પર ભારે ભીડ ઉમટી પડતા ઝઘડા તકરાર મારામારી થવાની ઘટનાઓ બની રહી છે ત્યારે લોકો વધારે પેનિક ન થાય તેના માટે પોલીસ તંત્ર સક્રિય બન્યું છે, શહેરના અલગ અલગ વિસ્તારોમાં પોલીસ દ્વારા માઈક મારફતે જાહેર અપીલ કરવામાં આવી રહી છે કે પેટ્રોલનો પૂરતો જથ્થો ઉપલબ્ધ છે અને નાગરિકોએ ગભરાવાની જરૂર નથી. સાથે જ અફવાઓ પર વિશ્વાસ ન રાખવા અને શાંતિ જાળવવા ખાસ સૂચના આપવામાં આવી છે.
વડોદરા પેટ્રોલની અછત અંગે ફેલાયેલી ખોટી અફવાઓના કારણે પરિસ્થિતિ તંગ બની છે. શહેરના વિવિધ વિસ્તારોમાં મોટી સંખ્યામાં લોકો પેટ્રોલ પંપો પર ઉમટી પડતાં લાંબી કતારો લાગી ગઈ છે અને અનેક સ્થળોએ અફરાતફરી જેવી સ્થિતિ સર્જાઈ રહી છે. પેટ્રોલ ભરાવવાના મુદ્દે કેટલાક સ્થળોએ નાગરિકો વચ્ચે બોલાચાલી, તકરાર અને ઝઘડાના બનાવો પણ સામે આવ્યા છે.
પરિસ્થિતિને કાબૂમાં લેવા માટે પોલીસ તંત્ર સક્રિય બન્યું છે. શહેરના અલગ અલગ વિસ્તારોમાં પોલીસ દ્વારા માઈક મારફતે જાહેર અપીલ કરવામાં આવી રહી છે કે પેટ્રોલનો પૂરતો જથ્થો ઉપલબ્ધ છે અને નાગરિકોએ ગભરાવાની જરૂર નથી. સાથે જ અફવાઓ પર વિશ્વાસ ન રાખવા અને શાંતિ જાળવવા ખાસ સૂચના આપવામાં આવી છે.
પોલીસે વધુમાં સખત ચેતવણી આપી છે કે જો કોઈ વ્યક્તિ પેટ્રોલ ખૂટી ગયું હોવાની ખોટી અફવા ફેલાવશે, તો તેના સામે કાયદેસરની કડક કાર્યવાહી કરવામાં આવશે. નાગરિકોને અફવાઓથી દૂર રહી સહકાર આપવા અનુરોધ કરવામાં આવ્યો છે.