Latest News

પૂર વખતે જેકેટ સહિતની વસ્તુઓ તાબડતોડ ખરીદવી પડી હતી



શહેરમાં ચોમાસાની સિઝનમાં બે વાર પૂર આવ્યું અને ત્રીજી વાર એવી સ્થિતિ સર્જાઈ હતી. પૂરની પરિસ્થિતિમાં બચાવ કામગીરી અંગે અને રાહત માટે પાલિકા કર્મચારીઓ સહિત અન્ય માટે રૂપિયા 3.45 લાખના ખર્ચે કુલ 5000 જેકેટ તાત્કાલિક ધોરણે ખરીદવા પડ્યા હતા. આ ઉપરાંત પૂરની પરિસ્થિતિ બાદ ઠેર-ઠેરથી કાદવ કિચડ સહિત સફાઈ કામ અંગે સફાઈ કર્મીઓ માટે જરૂરી પાવડા, ત્રિકમ, તગારા, પંજેટી જેવી ચીજ વસ્તુઓ ખરીદવા ફરજ પડી હતી. આ અંગે રૂપિયા 10 લાખનો ખર્ચ થયો હતો. આમ કુલ રૂપિયા 13.45નું બિલ મંજૂરી અર્થે સ્થાયી સમિતિ સમક્ષ રજૂ કરાયું છે.

વડોદરા શહેરભરમાં ચારે બાજુએ કાચા રોડ રસ્તા પાકા બનાવવા, સેન્ટ્રલ ડિવાઇડર, રોડને લિક્વિડ સિલિકોટ અને વરસાદી ગટરો બનાવવાના કામે પાલિકા દ્વારા રૂ.115 કરોડના જુદા-જુદા કામો માટે ટેન્ડરો મંગાવવામાં આવ્યા હતા. પરંતુ ટેન્ડર પ્રક્રિયા પૂર્ણ થતા રોડ પ્રોજેક્ટ શાખાના આ તમામ કામ પૈકી પશ્ચિમ ઝોનમાં સૌથી વધુ રૂ.40 કરોડની મર્યાદાનું છે. આ તમામ કામ મંજૂરી અર્થે સ્થાયી સમિતિ સમક્ષ રજૂ કરાયું છે.

વડોદરા મ્યુનિસિપલ કોર્પોરેશન દ્વારા ચૂનાની એક લાખ બેગ ખરીદવામાં આવશે. એક બેગમાં 20 કિલો ચૂનો હોય છે. ચૂનાની ફાંક સાથે ગેમેકસીન ભેળવીને જ્યાં સફાઈ કરી હોય ત્યાં અથવા તો રોડ પર છટકાવ કરવામાં આવે છે. કોર્પોરેશન ગેમેક્સીનની પણ દર વર્ષે લાખો રૂપિયાની ખરીદી કરે છે. કોર્પોરેશન દ્વારા સફાઈ બાદ ચૂનાની ફાંકનો જે છટકાવ કરવામાં આવે છે તેમાં ચુનાનું પ્રમાણ વધુ હોય છે ,અને જ્યારે ગેમેક્સિન ઓછો હોય છે .ગેમેક્સિનનો ચૂના વિના સીધો છંટકાવ કરી શકાતો નથી. ચૂનાના રાસાયણિક બંધારણના કારણે ગેમેક્સિન રોડ ઉપર વધુ સમય ટકી શકે છે.