હરિદ્વાર: (Haridwar) હરિદ્વારમાં ચાલી રહેલો કુંભ મેળો (Kumbh Mela) હવે સરકાર માટે નવો ચિંતાનો વિષય સાબિત થઈ રહ્યો છે. નિરંજની અને આનંદ અખાડાએ પહેલેથી જ તેમના વતી કુંભની સમાપ્તિની ઘોષણા કરી દીધી છે. જોકે, કેટલાક લોકો મેળાની અકાળ સમાપ્તિ માટે તૈયાર નથી. દરમ્યાન જૂના અખાડાએ કહ્યું છે કે મેળો એક નિશ્ચિત સમય માટે જ ચાલશે. ચૂંટણી રેલીઓને (election Relly) ટાર્ગેટ કરતા તેણે કહ્યું કે પહેલા ચૂંટણી રેલીઓ બંધ કરવામાં આવે. સમય પહેલાં કુંભમેળો સમાપ્ત કરવામાં આવશે નહીં અને 27 એપ્રિલે શાહી સ્નાનમાં અખાડાના (Akhada) તમામ સાધુ (Saint) ભાગ લેશે.
ઉત્તરાખંડના હરિદ્વારમાં વડા પ્રધાન મોદીએ સાધુ સંતો અને સામાન્ય લોકોને અપીલ કરી હતી કે હવે કુંભ મેળાને પ્રતિકાત્મક રાખવામાં આવે. પીએમની આ અપીલથી ભાજપ અને વિશ્વ હિન્દુ પરિષદની મુશ્કેલીઓ વધી છે. કારણ કે હજી પણ કેટલાક અખાડાઓ કુંભ ચાલુ રાખવાની ઇચ્છા ધરાવે છે અને કેટલાક તેને સમાપ્ત કરવા માંગે છે. સંતોને મનાવવા માટે ભાજપે તેના સ્તરે જુદા જુદા અખાડાઓ સાથે વાતચીત શરૂ કરી છે. વિશ્વ હિન્દુ પરિષદે સ્પષ્ટપણે કહ્યું છે કે કુંભ એક સંપૂર્ણ અવધિ છે, તે કોઈના કહેવા પર ઘટતો નથી કે વધતો નથી. અમે લોકોને અપીલ કરીએ છીએ કે તેઓ સાવધાની સાથે આવે અને જાય.
કોરોના વિસ્ફોટથી ત્રસ્ત, કેન્દ્ર સરકાર વહેલી તકે મેળાનું સમાપન કરવા માંગે છે, પરંતુ તે ઇચ્છતું નથી કે તેના માટે કોઈ સરકારી નિર્દેશ જારી કરવામાં આવે. કેન્દ્રનો આશય છે કે સંતો જાતે મેળાના અંતની ઘોષણા કરે. આ બાબતે સંતોને સમજાવવાનું કામ તિરથ સરકારને સોંપવામાં આવ્યું છે જે તેમના માટે મુશ્કેલીનું કારણ બની રહ્યું છે. સરકારની વાટાઘાટો હવે તમામ અખાડાઓ સાથે ચાલી રહી છે, પરંતુ ઘણા અખાડાઓ નારાજ છે કે સરકારે શરૂઆતમાં તેમને વિશ્વાસમાં લીધા નથી.
આ સાધુ-સંતોને મનાવવા માટે ઉત્તરાખંડ સરકાર છેલ્લા બે દિવસથી ગુપ્ત બેઠકો કરી રહી છે. વડાપ્રધાનની અપીલ પણ એક પ્રયાસ તરીકે જોવામાં આવી રહી છે, પરંતુ હમણાં તમામ અખાડાઓમાં સંમતિ બનતી હોવાનું જણાતું નથી. સૌથી શક્તિશાળી ગણાતા જૂના અખાડાને સ્પષ્ટ કરી દીધું છે કે તે સમય પહેલાં કુંભમેળો સમાપ્ત કરવામાં આવશે નહીં અને 27 એપ્રિલે શાહી સ્નાનમાં અખાડાના તમામ સાધુ ભાગ લેશે. દરમ્યાન સંતોનું કહેવું છે કે ચૂંટણીની રેલીઓને બંધ કરાવવામાં આવે.
