રાજસ્થાન: ઉત્તર ભારતમાં (North India) તીવ્ર ઠંડી પડી રહી છે. ત્યારે સૌથી ગરમ પ્રદેશ રાજસ્થાનમાં (Rajasthan) પણ જાણે કાશ્મીર (Kashimr) જેવો માહોલ તેવું લાગી રહ્યું છે. આ વર્ષે રાજસ્થાનમાં ભારે ઠંડી પડી રહી છે. રાજ્યના અનેક વિસ્તારોમાં લઘુત્તમ તાપમાન માઈનસ (Minus) સુધી પહોંચી ગયું છે. ફતેહપુર શેખાવટીમાં શીત લહેર અને ઠંડીના પ્રકોપ વચ્ચે માઈનસ તાપમાનને કારણે રેતીના દરેક ટુકડા જામી ગયા છે. રણમાં, જ્યાં ઉનાળામાં તાપમાન 50 ડિગ્રી સેલ્સિયસ સુધી પહોંચે છે, ત્યાં ઠંડા પવનોને કારણે ઠંડક અને જામી જવાનું પ્રમાણ વધ્યું છે.
હવામાન વિભાગ (IMD) અનુસાર, રાજસ્થાનના ફતેહપુર શેખાવતીમાં લઘુત્તમ તાપમાન માઈનસ 1.8 ડિગ્રી સેલ્સિયસ પર પહોંચી ગયું છે. તે જ સમયે, ચુરુમાં માઈનસ 1 ડિગ્રી સેલ્સિયસ સુધીનું તાપમાન પણ નોંધાયું છે. રાજસ્થાનના સૌથી ગરમ શહેર ફતેહપુર શેખાવતીમાં ઝાકળના ટીપાં પર્વતોથી લઈને તમામ પાક સુધી બરફની જેમ જામી ગયા છે. ઠંડીથી બચવા લોકો દિવસભર બોનફાયરનો સહારો લેઈ રહ્યા છે.
રાજસ્થાનના રેતાળ વિસ્તાર ફતેહપુર શેખાવતીમાં મે અને જૂનમાં જાણે પૃથ્વી આગ ફેંકે છે. તાપમાનનો પારો પણ 45 થી 50 ડિગ્રીની રેન્જમાં યથાવત છે, પરંતુ હવે તાપમાનનો પારો માઈનસ 1.8 ડિગ્રીએ પહોંચતા લોકો પરેશાન થઈ ગયા છે. ખેતરોમાં પાક પર પણ ઠંડીની અસર જોવા મળી રહી છે. ખેતરના વાયરો પર બરફના ટીપાં દેખાય રહ્યા છે. ઝાડ, પાન, ફૂલો તમામ વસ્તુઓ થીજી ગઈ છે.
રાજસ્થાનના બિકાનેર, માઉન્ટ આબુ, સીકર જેવા શહેરોમાં તાપમાન શૂન્ય ડિગ્રી સેલ્સિયસ નોંધાઈ રહ્યું છે. હવામાન વિભાગના જણાવ્યા અનુસાર 8 જાન્યુઆરીથી રાજ્યમાં ચાલી રહેલી કોલ્ડવેવ અને ધુમ્મસમાંથી રાહત મળશે. તમને જણાવી દઈએ કે તાપમાન સ્થિર બિંદુએ પહોંચવાને કારણે, સીકર કલેક્ટર અમિત યાદવે સરકારી અને ખાનગી શાળાઓમાં નર્સરીથી આઠમા ધોરણ સુધી 7 જાન્યુઆરી સુધી રજા જાહેર કરી છે.
ફતેહપુર કૃષિ સંશોધન કેન્દ્ર ખાતે લઘુત્તમ તાપમાન માઈનસ 1.8 ડિગ્રી સેલ્સિયસ અને મહત્તમ તાપમાન 19.7 ડિગ્રી સેલ્સિયસ હતું. સીકરમાં લઘુત્તમ તાપમાન માઈનસ 1.5 ડિગ્રી અને મહત્તમ 18 ડિગ્રી નોંધાયું હતું. ગત દિવસની વાત કરીએ તો રાજસ્થાનના ચુરુનું લઘુત્તમ તાપમાન 1.0, બારામાં 1.1 ડિગ્રી સેલ્સિયસ, જયપુર, પિલાની અને કોટાનું લઘુત્તમ તાપમાન 3.6 ડિગ્રી, ગંગાનગર 4.7, ઉદયપુર 5.8, જોધપુર 6.5, જેસલમેર 6.4, A47 ડિગ્રી સેલ્સિયસ નોંધાયું છે. ડિગ્રી સેલ્સિયસ. હવામાન વિભાગના જણાવ્યા અનુસાર આગામી બે દિવસ સુધી રાજ્યમાં કોલ્ડવેવ અને ધુમ્મસની અસર યથાવત રહેશે. જ્યારે આ પછી વેસ્ટર્ન ડિસ્ટર્બન્સ સક્રિય થયા બાદ ઠંડીમાંથી થોડી રાહત મળવાની શક્યતા છે.
