નવી દિલ્હી: (New Delhi) સુપ્રિમ કોર્ટે (Supreme Court) કર્ણાટકની (Karnataka) શાળાઓ (Schools) અને કોલેજોમાં (College) હિજાબ (Hijab) પહેરવા પર પ્રતિબંધ (Ban) વિરુદ્ધ દાખલ કરવામાં આવેલી અરજી (Application) પર તાત્કાલિક સુનાવણી (Hearing) કરવાનો ઇનકાર કરી દીધો છે. ચીફ જસ્ટિસ (Chief justice) એનવી રમન્નાની બેન્ચે કહ્યું કે અમે આ અરજી પર યોગ્ય સમયે સુનાવણી કરીશું. આ સાથે કોર્ટે અરજી દાખલ કરનારાઓને આ મામલાને મોટા સ્તરે ન ફેલાવવાની સલાહ આપી છે. ચીફ જસ્ટિસ એનવી રમન્નાની બેન્ચે અરજદારોને કહ્યું કે તેને રાષ્ટ્રીય મુદ્દો ન બનાવો. કોર્ટે સ્પષ્ટ કહ્યું કે અરજદારોએ આ મુદ્દે હાઈકોર્ટના નિર્ણયની રાહ જોવી જોઈએ, જ્યાં સોમવારે ફરી એકવાર સુનાવણી થવાની છે.
કોર્ટે કહ્યું કે તે આ મામલે યોગ્ય સમયે સુનાવણી કરશે. કેસની સુનાવણી કરતી વખતે, સર્વોચ્ચ અદાલતે કહ્યું કે, “કર્ણાટકમાં શું થઈ રહ્યું છે તે અમે જોઈ રહ્યા છીએ અને મામલો હાઈકોર્ટમાં પેન્ડિંગ છે.” અરજદારોને સલાહ આપતાં કોર્ટે કહ્યું કે તેઓ આ બાબતને રાષ્ટ્રીય સ્તરનો મુદ્દો બનાવવાનું ટાળે. યોગ્ય સમયે સર્વોચ્ચ અદાલત તરફથી હસ્તક્ષેપ કરવામાં આવશે. જણાવી દઈએ કે, કર્ણાટક હાઈકોર્ટે ગુરુવારે વચગાળાનો આદેશ આપતાં કહ્યું હતું કે, શાળા અને કોલેજોમાં હિજાબ પરનો પ્રતિબંધ ચાલુ રાખો. આ સાથે કોર્ટે સોમવારે ફરી એકવાર આ મામલે સુનાવણી કરવાનું કહ્યું છે.
હાઈકોર્ટના જ વચગાળાના આદેશને પડકારતા કોંગ્રેસના નેતા બીવી શ્રીનિવાસે સુપ્રીમ કોર્ટમાં અરજી કરી હતી. અરજીમાં તેમની માંગ હતી કે સર્વોચ્ચ અદાલતે આ વચગાળાના નિર્ણય પર રોક લગાવવી જોઈએ. નોંધપાત્ર રીતે, હિજાબને લગતો વિવાદ કર્ણાટકની બહાર પણ ફેલાવા લાગ્યો છે. મહારાષ્ટ્ર, આંધ્રપ્રદેશ, દિલ્હી સહિત અનેક રાજ્યોમાં હિજાબના સમર્થનમાં દેખાવો થયા છે. આ પ્રદર્શનોમાં એવું કહેવામાં આવ્યું છે કે હિજાબ એ પસંદગીની બાબત છે અને તે બંધારણ હેઠળનો અધિકાર છે. જેમ કે, તેને મંજૂરી આપવી જોઈએ.
કર્ણાટક હાઈકોર્ટમાં સોમવારે સુનાવણી થશે
આ અગાઉ કર્ણાટકની શાળાઓ (Schools) અને કોલેજોમાં (College) વિદ્યાર્થીનીઓના (Students) હિજાબ (Hijab) પહેરવાના વિવાદ (Controversy) પર આજે પણ હાઈકોર્ટમાં (High court) કોઈ નિર્ણય લેવામાં આવ્યો નથી. કોર્ટે આ કેસની સુનાવણી (Hearing) સોમવાર સુધી મુલતવી રાખી છે. આ સાથે કોર્ટે મહત્વની ટીપ્પણી કરી છે કે વિદ્યાર્થીઓ શાળા-કોલેજોમાંથી ધાર્મિક ડ્રેસનો આગ્રહ ન રાખી શકે. મુખ્ય ન્યાયાધીશ રિતુ રાજ અવસ્થીએ કહ્યું કે શાળા અને કોલેજો તાત્કાલિક ખોલવી જોઈએ અને શિક્ષણ (Education) જરૂરી છે. સૂત્રોના જણાવ્યા અનુસાર, આગામી સુનાવણી સોમવારે બપોરે 2.30 કલાકે થવાની છે અને કોર્ટ તરફથી કોઈપણ નિર્ણય આવી શકે છે.
