કર્ણાટક (KARNATAKA) માં પ્રવાસ કરતા જોડા સાથે અપમાનજનક વર્તનનો મામલો પ્રકાશમાં આવ્યો છે. બીજા ધર્મની યુવતી સાથે મુસાફરી કરતો 23 વર્ષીય યુવકને એક શખ્સે ઘણાં ઘા મારી છરાબાજી સાથે ક્રૂરતાથી માર માર્યો હતો. જેની ફરિયાદના આધારે હજી સુધી પોલીસે આ કેસમાં ચાર લોકોની ધરપકડ કરી છે.
આ ચોંકાવનારો અને હિંસક કિસ્સો મેંગલુરુ (MENGLURU)નો છે. આ જોડું મેંગલુરુથી બેંગ્લોર (BANGALORE) જઇ રહેલી બસમાં સફર કરી રહ્યું હતું. મેંગલુરુ પોલીસ કમિશનર શશી કુમારે કહ્યું કે આ કેસમાં હજુ સુધી ચાર લોકોની ધરપકડ કરવામાં આવી છે. જો કે આ કપલ 1 એપ્રિલના રોજ બસમાં મુસાફરી (BUS JOURNEY) કરી રહ્યું હતું. રાત્રે 9:30 વાગ્યે બસ રોકી હતી અને બંનેને બસમાંથી નીચે ઉતારી પાડવામાં આવ્યા હતા.
એક તરફ દેશમાં લગ્નની લાલચે ધર્મ પરિવર્તન(RELIGION CONVERSION)નો મુદ્દો ટોક ઓફ ધ ટાઉન બન્યો છે ત્યાં બીજી તરફ આ કિસ્સો બનતા ચકચાર મચી જવા પામી છે, જેમાં બીજા ધર્મની યુવતી (DIFFERENT RELIGION GIRL) સાથે મુસાફરી કરતા યુવકને તિરસ્કારનો ભોગ બનવું પડ્યું હતું અને બન્નેને અચાનક બસમાંથી ઉતારી દેવામાં આવ્યા હતા. બંનેને ઉતાર્યા બાદ યુવકને ક્રૂરતાથી માર મારવામાં આવ્યો હતો, અને કોઈક ધાર્મિક લાગણી પ્રત્યેની કુનિષ્ટ ઇચ્છાએ અહીં હિંસક સ્વરૂપ ધારણ કરી નિર્દોષ યુવકને અનેક વાર છરીના ઘા માર્યા હતા. દરમિયાન, યુવતીએ તેને બચાવવાનો પ્રયાસ કરતાં જ તેને પણ ઇજા પહોંચી હતી. પોલીસના જણાવ્યા મુજબ કારમાં ચાર લોકો આવ્યા હતા અને તેઓએ બસ અટકાવી હતી.
યુવક અને યુવતી બસમાંથી નીચે ઉતર્યા હતા અને યુવકને માર માર્યો હતો જેમાં તેની પાછળના ભાગે હુમલો કર્યો હતો. પોલીસના જણાવ્યા મુજબ પીડિત હોસ્પિટલમાં દાખલ છે અને હવે તેની હાલત સ્થિર છે. પોલીસે તપાસ કરી જણાવ્યું હતું કે આ બંને સહપાઠીઓ છે. યુવતી બેંગ્લોર જઇ રહી હતી અને તેનો મિત્ર તેની મદદ કરવા જઇ રહ્યો હતો.
મહિલાએ પોલીસને જણાવ્યું હતું કે તે છેલ્લા ઘણાં વર્ષોથી તે યુવકને ઓળખતી હતી. આ કેસમાં પોલીસે આરોપી વિરુદ્ધ હત્યાનો પ્રયાસનો ગુનો નોંધ્યો છે. આ સાથે જ આ મામલાની તપાસ માટે એસીપીની આગેવાની હેઠળ વિશેષ ટીમ બનાવવામાં આવી છે.
