પંજાબની (Panjab) જેલમાં (Jail) કેદીઓ માટે એક મોટા સારા સમાચાર આવ્યા છે. હવે કેદીઓ (Prisoners) તેમના જીવનસાથી સાથે થોડો સમય વિતાવી શકશે. રાજ્યના જેલ વિભાગે મંગળવારથી કેદીઓને તેમના જીવનસાથી (Life Partner) સાથે અલગ રૂમમાં થોડા કલાકો વિતાવવાની મંજૂરી આપવાનું શરૂ કર્યું છે. તમને જણાવી દઈએ કે પંજાબ આ પ્રકારની સુવિધા શરૂ કરનાર પ્રથમ રાજ્ય છે. વિભાગના એક વરિષ્ઠ અધિકારીએ જણાવ્યું કે શરૂઆતમાં ગોઇંદવાલ સાહિબની સેન્ટ્રલ જેલ, નાભાની નવી જિલ્લા જેલ અને ભટિંડાની મહિલા જેલમાં પરવાનગી આપવામાં આવશે. તેમણે કહ્યું કે ગુનેગારો, ગુંડાઓ અને જાતીય અપરાધો સંબંધિત કેસોમાં સજા કાપી રહેલા કેદીઓને આ સુવિધા નહીં મળે.
- હવે કેદીઓ તેમના જીવનસાથી સાથે થોડો સમય વિતાવી શકશે
- સારું વર્તન ધરાવતા કેદીઓને તેમના જીવનસાથી સાથે બે કલાક રહેવાની મંજૂરી આપવામાં આવશે
- બેઠક માટે જેલ પરિસરમાં એક રૂમ પણ નક્કી કરવામાં આવ્યો છે, કેદીના પરિવારના સભ્યો પણ તેની સાથે ભોજન લઈ શકશે
વૈવાહિક સંબંધો મજબૂત રહેશે
અધિકારીએ જણાવ્યું હતું કે સારું વર્તન ધરાવતા કેદીઓને તેમના જીવનસાથી સાથે બે કલાક રહેવાની મંજૂરી આપવામાં આવશે. આ માટે વિભાગે એક રૂમ નક્કી કર્યો છે જેમાં શૌચાલય પણ હશે. અધિકારીએ કહ્યું લાંબા સમયથી જેલમાં રહેલા કેદીઓને પ્રાથમિકતા આપવામાં આવશે. પંજાબ આ સુવિધા શરૂ કરનાર દેશનું પ્રથમ રાજ્ય હશે. આ પહેલ કેદીઓના વૈવાહિક સંબંધોને મજબૂત બનાવશે અને કેદીઓનું સારું વર્તન પણ સુનિશ્ચિત કરશે.
અધિકારીએ કહ્યું કે આવી મીટિંગ માટે આવનાર જીવનસાથીએ તેમના લગ્નનો પુરાવો બતાવવો પડશે અને મેડિકલ સર્ટિફિકેટ પણ આપવું પડશે. તેઓ એચઆઈવી અથવા અન્ય કોઈ જાતીય સંક્રમિત રોગ, કોરોના વાયરસ ચેપ અથવા અન્ય કોઈ ચેપી રોગથી પીડિત નથી તેવો પુરાવો પણ આપવો પડશે.
મળવા માટે અલગ રૂમ
જેલ વિભાગે થોડા દિવસો પહેલા કેદીઓને તેમના પરિવારના સભ્યોને જેલ પરિસરમાં મળી શકે તે માટે એક અન્ય કાર્યક્રમ પણ શરૂ કર્યો હતો. આ કાર્યક્રમ લુધિયાણા જેલથી શરૂ કરવામાં આવ્યો હતો. જે અંતર્ગત કેદીઓ અને અન્ડરટ્રાયલ દર પખવાડિયે લગભગ એક કલાક સુધી તેમના પ્રિયજનોની મુલાકાત લઈ શકે છે. આ બેઠક માટે જેલ પરિસરમાં એક રૂમ પણ નક્કી કરવામાં આવ્યો છે. કેદીના પરિવારના સભ્યો પણ તેની સાથે ભોજન લઈ શકે છે.
