નુસરત ભરૂચા એક એવું નામ છે જેણે ‘પ્યાર કા પંચનામા’, ‘સોનુ કે ટીટુ કી સ્વીટી’ જેવી ઘણી હિટ ફિલ્મોમાં કામ કર્યું છે. તમને જણાવી દઈએ કે ‘છોરી’ની શાનદાર સફળતા બાદ હવે તે ફિલ્મ ‘જનહિત મેં જારી’ને લઈને ઘણી ચર્ચામાં છે. આ ફિલ્મ સિવાય નુસરત અક્ષય કુમારની ‘રામ સેતુ’ અને ‘સેલ્ફી’ જેવી આગામી ફિલ્મોમાં જોવા મળશે. જ્યારે અમે નુસરત સાથે વાતચીત કરી ત્યારે તેમણે ઘણી રસપ્રદ વાતો શેર કરી હતી. જેના મુખ્ય અંશ પ્રસ્તુત છે :-
તમે ‘છોરી’, ‘અઝીબ દશાતા’ અને હવે ‘જનહિત મેં જારી’માં અભિનેત્રી તરીકે કામ કરી રહ્યા છો, શું હવે તમે પોતાના ખભા પર ફિલ્મો આપવા તૈયાર છો?
આવા પ્રશ્નો અને આવા વિચારો મારા મનમાં ક્યારેય નહોતા આવતા. ઘણા લોકો બોલવા લાગ્યા પછી આવા વિચારો મારા મનમાં આવવા લાગ્યાં. આ પહેલા ક્યારેય મારા પોતાના ખભા પર ફિલ્મ ઉઠાવવાનો વિચાર આવ્યો નહોતો. હંમેશા આખી ફિલ્મ દરેકના ખભા પર વહેંચાયેલી હોય છે, એટલું જ મહત્વનું કામ દિગ્દર્શક, લેખક અને નિર્માતા દ્વારા કરવામાં આવે છે. દરેકની સમાન જવાબદારી છે. હું માત્ર અભિનય જ કરી શકું છું તે પછી પણ ઘણી પ્રોસેસ છે.
તમે કેવા વિચાર સાથે ફિલ્મ ઇન્ડસ્ટ્રીમાં પ્રવેશ્યા? તમે વિચાર્યું હતું કે લોકો તમારી ફિલ્મ જોશે?
‘પ્યાર કા પંચનામા’ બે ભાગ અને ‘આકાશવાણી’ કરી ત્યારે મારું નામ કોઈ જાણતું નહોતુ. હું ફોટોગ્રાફર અને અન્યને પંચનામા ફિલ્મની છોકરી તરીકે ઓળખતા હતા. કારણ કે તેમાં ત્રણ છોકરીઓ હતી અને લોકોને નુસરત નામ જાણવામાં સમય લાગ્યો હતો. કારણ કે ઓળખ કંઈક કરવાથી બને છે, જ્યારે ‘કંપની’ આવી ત્યારે વિવેક ઓબેરોયને ‘ચંદુ’ કહીને બોલાવતા હતા. તેથી હું માનું છું કે તમે જ્યાં સુધી દર્શકો સાથે કનેક્ટ ન થાઓ, ત્યાં સુધી રાહ જોવી પડે છે.
‘રામ સેતુ’માં અક્ષય કુમાર સાથે કામ કરવાનો અનુભવ કેવો રહ્યો?
ખૂબ જ સારો અનુભવ હતો. જ્યારે મેં પહેલીવાર અક્ષય સરને કહ્યું કે હું ખૂબ જ ખુશ છું કે તમે મારા કો – એક્ટર છો અને તે દરેક વસ્તુનું ધ્યાન રાખે છે. આખી ટીમ નાસ્તો અને ભોજન એકસાથે કરતા હોય છે અને બહાર એક તંબુ ગોઠવવામાં આવે છે અને દરેક વ્યક્તિ બેસે છે. હું, દિગ્દર્શક, નિર્માતા, જેકલીન, બધા બેસી છે અને મેનેજરની ટીમ બેસે છે અને સાથે ભોજન લઈએ છીએ. આવી ઘણી બાબતોનું તેઓ ધ્યાન રાખે છે.
તમારા આગામી પ્રોજેક્ટ વિશે અમને થોડું કહો?
‘રામ સેતુ’ હૈ, ‘સેલ્ફી’ અને ‘છોરી 2’ આવી રહી છે. સેલ્ફીના દિગ્દર્શક રાજ મહેતા છે. મેં ભૂતકાળમાં તેમની સાથે એક ફિલ્મ કરી છે. તેમની સાથે ફરીથી કામ કરવા માટે ખૂબ જ ઉત્સાહિત છું, કારણ કે તેઓ A ગ્રેડ ડિરેક્ટર છે અને એક વ્યક્તિ તરીકે પણ સારા છે. હું જેકલીન ફર્નાન્ડીઝ, અક્ષય કુમાર સાથે ‘રામ સેતુ’માં કામ કરી રહી છું. અત્યારે ‘છોરી 2’નું રાઇટિંગ ચાલી રહ્યું છે. તે આવશે ત્યારે તમને જણાવીશ. •
