નવી દિલ્હી: મંગળવારે દેશની રાજનીતિમાં (Politics) નવી ઉથલપાથલ જોવા મળી હતી. વિવિધ વિપક્ષી (Opposition Parties) નેતાઓએ રાજ્ય પ્રાયોજિત હુમલાખોરો દ્વારા તેમના iPhones સાથે છેડછાડ કરવાના પ્રયાસોનો આક્ષેપ કર્યો હતો. આ પછી કોંગ્રેસ (congress) નેતા રાહુલ ગાંધીએ પણ મંગળવારે પ્રેસ કોન્ફરન્સ કરીને કેન્દ્ર સરકાર પર જાસૂસીનો આરોપ લગાવ્યો હતો. જો કે હવે કેન્દ્રીય સંચાર, ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રી (IT Mnister) અશ્વિની વૈષ્ણવે (Ashwini Vaishnav) આ આરોપો પર તીખો વળતો પ્રહાર કર્યો છે.
કેન્દ્રીય સંચાર, ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રી અશ્વિની વૈષ્ણવે કહ્યું કે કેટલાક સાંસદો દ્વારા ઉઠાવવામાં આવેલ મુદ્દો એ છે કે તેમને એપલ તરફથી ચેતવણી મળી છે. તેના સંદર્ભમાં, હું સ્પષ્ટ કરવા માંગુ છું કે સરકાર આ મુદ્દે ખૂબ જ ગંભીર છે, અમે આ મુદ્દાના તળિયે જઈશું. તપાસના આદેશો જારી કરાયા છે. આપણા દેશમાં કેટલાક ટીકાકારો છે જેમને ટીકા કરવાની આદત પડી ગઈ છે. આ લોકો દેશની પ્રગતિને પચાવી શકતા નથી. એપલે 150 દેશોમાં આ માહિતી જાહેર કરી છે. Apple પાસે કોઈ માહિતી નથી. તેણે અંદાજના આધારે આ માહિતી મોકલી છે.
We are concerned by the statements we have seen in media from some MPs as well as others about a notification received by them from Apple. The notification received by them as per media reports mentions about ‘state-sponsored attacks’ on their devices. However much of (1/5)
— Ashwini Vaishnaw (@AshwiniVaishnaw) October 31, 2023
વિપક્ષ પર નિશાન સાધતા કેન્દ્રીય મંત્રી અશ્વિની વૈષ્ણવે કહ્યું કે જ્યારે પણ તેમની પાસે કોઈ મુદ્દો નથી હોતો ત્યારે તેઓ માત્ર દેખરેખની વાત કરે છે. તેઓએ થોડા વર્ષો પહેલા પણ આનો પ્રયાસ કર્યો હતો ત્યારબાદ અમે યોગ્ય તપાસ કરી હતી. ન્યાયતંત્ર દ્વારા પણ આ કેસ પર નજર રાખવામાં આવી હતી, પરંતુ કંઈ બહાર આવ્યું ન હતું. વૈષ્ણવે કહ્યું કે પ્રિયંકા ગાંધી વાડ્રાએ પણ કહ્યું હતું કે તેમના બે બાળકોના ફોન હેક થઈ ગયા છે, પરંતુ આવું કંઈ થયું નથી. માત્ર જુઠ્ઠાણા ફેલાવવામાં આવી રહ્યા છે.
TMC નેતા મહુઆ મોઇત્રા, શિવસેના (UBT) નેતા પ્રિયંકા ચતુર્વેદી, કોંગ્રેસના નેતાઓ શશિ થરૂર અને પવન ખેરાએ જણાવ્યું હતું કે તેમને તેમના ફોન ઉત્પાદકો તરફથી ચેતવણીના સંદેશા મળ્યા છે. આ મેસેજમાં લખ્યું છે કે, ‘રાજ્ય પ્રાયોજિત હુમલાખોરો તેના ફોન સાથે ચેડા કરવાનો પ્રયાસ કરી રહ્યા છે.’ આમ આદમી પાર્ટીના સાંસદ રાઘવ ચઢ્ઢા અને AIMIMના સાંસદ અસદુદ્દીન ઓવૈસીએ પણ કહ્યું કે તેમને પણ આવી જ ચેતવણી મળી છે. આ પછી કોંગ્રેસ નેતા રાહુલ ગાંધીએ મંગળવારે પ્રેસ કોન્ફરન્સ કરીને કેન્દ્ર સરકાર પર જાસૂસીનો આરોપ લગાવ્યો હતો.
Apple એ પણ દાવો કરે છે કે Apple IDs ગેજેટ્સ પર સુરક્ષિત રીતે એન્ક્રિપ્ટેડ છે, જેનાથી વપરાશકર્તાઓની સ્પષ્ટ પરવાનગી વિના તેને ઍક્સેસ કરવામાં અથવા ઓળખવામાં અત્યંત મુશ્કેલ બને છે. આ એન્ક્રિપ્શન વપરાશકર્તાઓના Apple ID ને સુરક્ષિત કરે છે અને ખાતરી કરે છે કે તે ખાનગી અને સુરક્ષિત રહે છે.
