કૈરો: દેશની ન્યાયપાલિકાએ રવિવારે જણાવ્યું હતું કે, ઈરાનની (Iran) રાજધાનીમાં (Capital) રાજકીય કેદીઓ (Prisoners) અને સરકારવિરોધી કાર્યકરોને રાખવામાં આવ્યા છે તે કુખ્યાત જેલમાં એક ભીષણ આગમાં (Fire) ચાર કેદીઓ માર્યા ગયા હતા. શનિવારની સાંજે તેહરાનની એવિન જેલમાંથી વ્યાપકપણે જ્વાળાઓ અને ધુમાડાઓ નીકળતા જોવા મળ્યા હતા. કારણ કે, પોલીસ કસ્ટડીમાં એક યુવતીના મૃત્યુથી શરૂ થયેલા દેશવ્યાપી સરકારવિરોધી વિરોધ પ્રદર્શન પાંચમા સપ્તાહમાં પ્રવેશ્યું હતું. ઓનલાઇન વીડિયોમાં જેલના વિસ્તારમાં ગોળીબાર અને વિસ્ફોટના અવાજો સાંભળી શકાય છે.
કેદીઓ વચ્ચેની લડાઈ પછી આગ ફાટી નીકળી
રાજ્ય મીડિયાએ જણાવ્યું હતું કે, કેટલાક કલાકો પછી આગ ઓલવાઈ ગઈ હતી અને કોઈ અટકાયતી ભાગી શક્યો ન હતો.
અધિકારીઓએ જણાવ્યું હતું કે, દેખીતી રીતે જેલમાં ચાલી રહેલા વિરોધ પ્રદર્શનથી ઘટનાઓને રોકવાના પ્રયાસમાં કેદીઓ વચ્ચેની લડાઈ પછી આગ ફાટી નીકળી હતી. ઇવિન ખાતે સેંકડો લોકોને રાખવામાં આવી રહ્યા છે, જ્યાં માનવ અધિકાર જૂથોએ કેદીઓ સાથે વારંવાર દૂરવ્યવહારની જાણ કરી હતી.રાજ્યના મીડિયાએ મૂળરૂપે નવ લોકો ઘાયલ થયાના અહેવાલ આપ્યા હતા, પરંતુ ન્યાયતંત્રની વેબસાઇટ મિઝાનડોટન્યૂઝએએ રવિવારે જણાવ્યું હતું કે, ચાર કેદીઓ ધુમાડામાં ગૂંગળાઈ જવાથી મૃત્યુ પામ્યા હતા.
દસ કેદીઓને હોસ્પિટલમાં દાખલ કરવામાં આવ્યા
અને 61 અન્ય ઘાયલ થયા હતા. વેબસાઇટમાં કહેવાયું છે કે, મૃત્યુ પામેલા ચારેય લૂંટના ગુનામાં જેલમાં હતા.
મિઝાને અહેવાલ આપ્યો હતો કે, દસ કેદીઓને હોસ્પિટલમાં દાખલ કરવામાં આવ્યા હતા, જેમાંથી ચારની હાલત ગંભીર હતી. તેમાં કહેવામાં આવ્યું છે કે કેટલાક કેદીઓએ ભાગવાનો પ્રયાસ કર્યો હતો પરંતુ તે નિષ્ફળ ગયો હતો.
