IPLનો રોમાંચ આખી દુનિયામાં છવાયેલો છે. આઈપીએલની (IPL) અત્યાર સુધી 15 સીઝન રમાઈ ચૂકી છે અને હવે 16મી સીઝનની તૈયારીઓ ચાલી રહી છે. આઈપીએલની તર્જ પર આખી દુનિયામાં લીગ મેચોનું (League Matches) પણ આયોજન કરવામાં આવી રહ્યું છે તેમાં ઘણી સફળતા પણ મળી રહી છે. હવે બીસીસીઆઈએ (BCCI) મહિલા આઈપીએલનું આયોજન કરવાની દિશામાં પગલું ભર્યું છે. જો કે અગાઉ BCCI દ્વારા મહિલા ક્રિકેટરો માટે મહિલા T20 ચેલેન્જનું આયોજન કરવામાં આવતું હતું. તે વર્ષ 2018 માં શરૂ થયું હતું. પરંતુ આ આયોજનને અધવચ્ચે બંધ કરવામાં આવ્યું હતું. અત્યાર સુધી તેની ચાર સિઝન રમાઈ ચૂકી છે. પરંતુ હવે મહિલાઓના સંપૂર્ણ IPLના આયોજનની તૈયારીઓ અંતિમ તબક્કામાં છે. બીસીસીઆઈ દ્વારા થોડા સમય પહેલા જ જાહેરાત કરવામાં આવી હતી કે મહિલા આઈપીએલમાં કુલ પાંચ ટીમો (Team) ભાગ લેશે. કઈ ટીમને કેટલામાં ખરીદવામાં આવી છે તેની પણ જાહેરાત કરવામાં આવી છે.
બીસીસીઆઈનું કહેવું છે કે અદાણી સ્પોર્ટ્સલાઈન પ્રાઈવેટ લિમિટેડને અમદાવાદની ટીમ મળી ગઈ છે. તેને 1289 કરોડ રૂપિયામાં વેચાઈ છે. ઈન્ડિયાવિન સ્પોર્ટ્સ પ્રાઈવેટ લિમિટેડને મુંબઈની ટીમ મળી છે. તેની કુલ કિંમત 912.99 કરોડ રૂપિયા છે. IPL ની ત્રીજી ટીમ રોયલ ચેલેન્જર્સ સ્પોર્ટ્સ પ્રા.ને બેંગ્લોરની ટીમ મળી છે. આ ટીમને 901 કરોડ રૂપિયામાં વેચવામાં આવી છે. મહિલા IPLની ચોથી ટીમ દિલ્હીની છે જેને JSW JMR ક્રિકેટ પ્રાઇવેટ લિમિટેડ દ્વારા ખરીદી લેવામાં આવી છે. આ ટીમની કિંમત 810 કરોડ રૂપિયા છે. પાંચમી ટીમ લખનૌની હશે. તે કેપ્રી ગ્લોબલ હોલ્ડિંગ પ્રાઈવેટ લિમિટેડ દ્વારા કબજે કરવામાં આવી છે. લખનૌની ટીમની કિંમત 757 કરોડ રૂપિયા છે.
મહિલા IPL એટલે કે મહિલા પ્રીમિયર લીગ માટે એવું માનવામાં આવે છે કે ફેબ્રુઆરીના પહેલા અઠવાડિયામાં જ હરાજીનું આયોજન કરવામાં આવશે. અત્યાર સુધી જે સમાચાર આવી રહ્યા છે તેમાં કહેવામાં આવી રહ્યું છે કે આ માટે દરેક ટીમ પાસે કુલ 12 કરોડ રૂપિયા હશે જેમાંથી તમામ ટીમોએ પોતાની ટીમ પસંદ કરવી પડશે. જો કે બીસીસીઆઈ દ્વારા આ અંગે હજુ કોઈ જાહેરાત કરવામાં આવી નથી. સાથે જ એ જોવાનું રહેશે કે મહિલા IPL માટે ટીમો કેટલા ખેલાડીઓને ખરીદી શકે છે. આમાં કેટલા ભારતીય રહેશે અને કેટલા વિદેશી ખેલાડીઓ હશે.
શું હશે મહિલા IPLનું ફોર્મેટ?
માહિતી અનુસાર પ્રથમ ત્રણ સિઝનમાં એટલે કે 2023 થી 2025 દરમિયાન 22-22 મેચો રમાશે. મહિલા IPLના લીગ તબક્કામાં દરેક ટીમને બે વખત એકબીજા સામે રમવાની તક મળશે જેનાથી તે 20 થઈ જશે. આ વખતે પોઇન્ટ ટેબલમાં ટોચની ટીમ સીધી ફાઇનલમાં પહોંચશે. લીગમાં બીજા અને ત્રીજા સ્થાને રહેલી ટીમો ફાઇનલમાં રમવા બીજી ટીમનું સ્થાન મેળવવા માટે એલિમિનેટર રમશે. બીસીસીઆઈએ એમ પણ કહ્યું હતું કે માર્ચ મહિનો મહિલા IPL માટે વિન્ડો હશે. મહિલા IPLમાં 2026 સીઝનથી 33-34 મેચો રમાઈ શકે છે. માનવામાં આવે છે કે આ વર્ષે માર્ચમાં પ્રથમ મહિલા IPLનું આયોજન કરવામાં આવશે.
