નવી દિલ્હી : ભારતીય નૌકાદળ (Indian Navy) સોમવારે મુંબઈના મઝગાંવ ડોક્સમાંથી તેની પાંચમી કલવારી-ક્લાસ સબમરીન INS વાગીરને (INS Vagir) કમિશન કર્યા પછી ઉચ્ચ સ્તરે પહોંચી ગઈ છે. તેના કમિશનિંગમાં નૌકાદળે જણાવ્યું હતું કે સબમરીન (Submarine) દુશ્મનને રોકવામાં ભારતના દરિયાઈ હિતોને આગળ વધારવા અને કટોકટીના સમયમાં નિર્ણાયક સ્ટોક આપવા માટે ગુપ્તચર સર્વેલન્સ અને રિકોનિસન્સ (ISR) નું સંચાલન કરવાની તેની ક્ષમતાઓને સતત વેગ આપશે. આ સબમરીન અન્ય છ સબમરીનમાંથી પાંચમા નંબરે છે. તેનું નામ સેન્ડફિશની એક પ્રજાતિના નામ પરથી રાખવામાં આવ્યું છે. જેને સેન્ડ શાર્ક કહેવામાં આવે છે. તે દુશ્મનના રડારને છેતરીને હુમલો કરવામાં સક્ષમ છે.
INS વાગીરને પ્રોજેક્ટ P-75 હેઠળ બનાવવામાં આવી છે
ડીઝલ-ઇલેક્ટ્રિક એટેક સબમરીન INS વાગીરને પ્રોજેક્ટ P-75 હેઠળ બનાવવામાં આવી છે. તે દરિયાની અંદર લેન્ડમાઈન પણ ઇન્સ્ટૉલ કરી શકે છે. તેને 1150 ફૂટની ઊંડાઈ સુધી લઇ જઈ શકાય છે. સ્ટીલ્થ તકનીકોથી સજ્જ હોવાથી દુશ્મનને તેની હાજરી સરળતાથી ખબર નહીં પડે તે રીતની ટેકકનોલોજીનો વપરાશ કરવામાં આવ્યો છે.
દેશી સબમરીન અત્યાધુનિક સુવિધાઓ તકનીકોથી છે સજ્જ
ભારતમાં બનેલી આ સ્વદેશી સબમરીન આધુનિક તકનીકોથી સજ્જ છે આ ઉપરાંત તે દુશમનોને શોધીને તેને ચોકક્સ નિશાન બનાવી શકે છે. ઉપરાંત તેની ખાસિયતો પૈકી એક ખાસિયત એ છે કે તે ઓકિસજન પણ બનાવી શકે છે. તેથી તે વધુમાં વધુ 50 દિવસ સુધી પાણીની નીચે રહી શકે છે. આ બનાવવામાં આવનાર સૌથી ટૂંકી સબમરીન છે. તેની લંબાઈ 221 ફૂટ, બીમ 20, ઊંચાઈ 40 ફૂટ અને ડ્રાફ્ટ 19 ફૂટ છે.
દરિયાની લહેરો ઉપર 20 કિલોમીટર પ્રતિ કલાકની ઝડપે દોડે છે
વધુમાં આ સબમરીનની ખસિયાત પૈકીને તે ચાર MTU 12V 396 SE84 ડીઝલ એન્જિન દ્વારા સંચાલિત છે. ત્યાં 360X બેટરી સેલ છે. આ સિવાય PAFC ફ્યુઅલ સેલ પણ છે. જેથી તે સાઉન્ડ લેસ ટટેક્નિક પણ ધરાવે છે. અને દુશ્મન પર તેજ ગતિએ હુમલો કરીને દાંત ખાટા કરવાની ક્ષમતા ધરાવે છે. અને તે દરિયાની લહેરો ઉપર 20 કિલોમીટર પ્રતિ કલાકની ઝડપે દોડે છે. પરંતુ જ્યારે તે દરિયાની અંદર ડૂબકી મારે છે ત્યારે તેની ઝડપ 37 કિલોમીટર પ્રતિ કલાકની હોય છે.
સબમરીનમાં ટોર્પિડોઝ જે 1967 થી વિશ્વના ઘણા દેશોની નૌકાદળમાં સામેલ છે
INS વાગીરમાં 8 નેવી ઓફિસર ઉપરાંત 35 સૈનિકો તૈનાત રહેવાની ક્ષમતાઓ ધરાવે છે. તેમાં 6×533 mm ટોર્પિડો ટ્યુબ છે. જેમાં 18 SUT ટોર્પિડો છે. આ ટોર્પિડોઝ જે 1967 થી વિશ્વના ઘણા દેશોની નૌકાદળમાં સામેલ છે. તે એક દ્વિ હેતુનું શસ્ત્ર છે જેને જહાજો, સબમરીન અને કિનારા પરથી ફાયર કરી શકાય છે.
