નવી દિલ્હી: સપ્તાહનું પ્રથમ ટ્રેડિંગ સત્ર (First trading session) ભારતીય શેરબજારના (Stock market) રોકાણકારો માટે નિરાશાજનક સાબિત થયું છે. બેન્કિંગ અને આઈટી શેરોમાં વેચવાલીથી બજાર ઘટાડા (Reduction) સાથે બંધ થયું. જો કે આજના કારોબારમાં મિડકેપ અને સ્મોલકેપ શેરોમાં જોરદાર ખરીદારી જોવા મળી રહી છે.
આજના ટ્રેડના અંતે BSE સેન્સેક્સ 362 પોઈન્ટના ઘટાડા સાથે 72,470 અને નેશનલ સ્ટોક એક્સચેન્જનો નિફ્ટી 92 પોઈન્ટના ઘટાડા સાથે 22005 પોઈન્ટ પર બંધ રહ્યો હતો. આજના ટ્રેડના અંતે બજારમાં ઘટતા શેરોની સંખ્યા વધુ હતી. નિફ્ટી મિડકેપ ઈન્ડેક્સ 494 પોઈન્ટ અથવા 1.05 ટકા વધીને 47,807 પોઈન્ટ પર અને નિફ્ટી સ્મોલકેપ 100 ઈન્ડેક્સ 61 પોઈન્ટ અથવા 0.41 ટકાના ઉછાળા સાથે 15,118 પોઈન્ટ પર બંધ થયો હતો. આજે ઓટો, આઈટી, ફિન સર્વિસ, ફાર્મા, એફએમસીજી, મીડિયા અને પ્રાઈવેટ બેન્કના શેર દબાણ સાથે બંધ થયા છે. PSU, મેટલ, રિયલ્ટી, એનર્જી અને ઈન્ફ્રાના શેર ઉછાળા સાથે બંધ થયા છે.
ક્ષેત્રની સ્થિતિ
આજના કારોબારમાં મેટલ્સ, રિયલ એસ્ટેટ, ઈન્ફ્રા, કન્ઝ્યુમર ડ્યુરેબલ્સ, ઓઈલ એન્ડ ગેસ, હેલ્થકેર અને ઓટો શેરોમાં ખરીદારી જોવા મળી હતી. જ્યારે બેન્કિંગ, આઈટી, મીડિયા, એફએમસીજી, ફાર્મા શેરોમાં ઘટાડો નોંધાયો હતો. મિડકેપ અને સ્મોલકેપ શેર્સમાં જોરદાર ખરીદી જોવા મળી છે. સેન્સેક્સના 30 શેરોમાંથી 10 વધ્યા અને 20 નુકસાન સાથે બંધ થયા હતા. જ્યારે નિફ્ટીના 50 શેરોમાંથી 20 શેર લાભ સાથે અને 30 નુકસાન સાથે બંધ થયા હતા.
રોકાણકારોની સંપત્તિમાં વધારો
શેરબજારના મુખ્ય સૂચકાંકોમાં ઘટાડો થયો હોવા છતાં રોકાણકારોની સંપત્તિમાં વધારો થયો છે. BSE પર લિસ્ટેડ શેરોનું બજાર મૂલ્ય રૂ. 382.52 લાખ કરોડ હતું. જે છેલ્લા સત્રમાં રૂ. 382.13 લાખ કરોડ હતું. એટલે કે આજના સત્રમાં શેરબજારની માર્કેટ મૂડીમાં રૂ. 39000 કરોડનો વધારો થયો છે. BSE ડેટા અનુસાર આજે કુલ 4090 શેરોમાં ટ્રેડિંગ થયું હતું. જેમાં 1422 શેરો ઉછાળા સાથે બંધ થયા હતા. જ્યારે 2538 શેરો નુકસાન સાથે બંધ થયા હતા. 130 શેરના ભાવમાં કોઈ ફેરફાર થયો નથી.
ગેનર્સ અને લૂઝર્સ
સેન્સેક્સ પેકમાં બજાજ ફાઇનાન્સ, એલએન્ડટી, એનટીપીસી, એક્સિસ બેન્ક, બજાજ ફિનસર્વ, ઇન્ડસઇન્ડ બેન્ક, ટાટા મોટર્સ, એચસીએલ ટેક, નેસ્લે અને ટાટા સ્ટીલના માર્કેટીંગમાં તેજી જોવા મળી છે. જ્યારે, ITC, ટાઇટન કંપની, HUL, સન ફાર્મા, સન ફાર્મા, JSW સ્ટીલ, મારુતિ સુઝુકી, ICICI બેંક, SBI, M&M, Reliance, Tech Mahindra, TCS, Asian Paints, Infosys, UltraTech Cement, HDFC બેંક, કોટક મહિન્દ્રા બેંક, વિપ્રો, ભારતી એરટેલ અને પાવર ગ્રીડ લાલ નિશાનમાં બંધ થયા છે.
