દેશનો પહેલો વર્ટિકલ લિફ્ટ સી બ્રિજ તમિલનાડુમાં બની રહ્યો છે. રેલવે મંત્રાલયનું કહેવું છે કે તેનું 81 ટકા કામ પૂર્ણ થઈ ગયું છે. તીર્થધામ શહેર રામેશ્વરમને દરિયાઈ માર્ગે દેશ સાથે જોડતો પમ્બન બ્રિજ 100 વર્ષથી વધુ જૂનો બની ગયો છે. તેની બાજુમાં નવો પુલ બનાવવામાં આવી રહ્યો છે. દેશનો આ પહેલો એવો બ્રિજ હશે જે મધ્યથી ઉપર આવશે અને તેની નીચેથી દરિયાઈ જહાજો પસાર થઈ શકશે.
પંબન બ્રિજ દેશમાં હાઇટેક એન્જિનિયરિંગનો નમૂનો છે. આ મંડપમ શહેરને પમ્બન ટાપુ અને રામેશ્વરમ સાથે જોડે છે. જૂના પંબન પુલની સમાંતર નવો પુલ તૈયાર કરવામાં આવી રહ્યો છે. આ બ્રિજમાં 18.3 મીટરના 100 સ્પાન અને 63 મીટરના નેવિગેશનલ સ્પાન હશે. તે હાલના પુલ કરતા ત્રણ મીટર ઉંચો હશે જેથી જહાજો સરળતાથી પસાર થઈ શકે. જૂનો પંબન પુલ 24 ફેબ્રુઆરી, 1914ના રોજ કાર્યરત થયો હતો. પરંતુ હવે તેની હાલત સારી નથી અને તેના પર 10 કિમી પ્રતિ કલાકની ઝડપે ટ્રેનો દોડાવવામાં આવી રહી છે.
નવા બ્રિજનો અંદાજિત ખર્ચ 560 કરોડ રૂપિયા છે. જહાજોના ક્રોસ નેવિગેશન માટે વર્ટિકલ લિફ્ટ સ્પાન ટેકનોલોજીનો ઉપયોગ કરવામાં આવ્યો છે. આ બ્રિજમાં 75 મીટર લાંબો સેન્ટ્રલ સ્પાન હશે, જે બ્રિજની નીચેથી જહાજો સરળતાથી પસાર થઈ શકશે. આ પુલ પર 25 મીટરના 100 સ્પાન હશે. બંગાળની ખાડીમાં અવારનવાર તોફાન આવે છે. તેને જોતા બ્રિજના પિલરમાં સ્ટેનલેસ સ્ટીલનો ઉપયોગ કરવામાં આવી રહ્યો છે.
જૂના પમ્બન બ્રિજને 1964માં દરિયાઈ તોફાનમાં નુકસાન થયું હતું. તેનો એક ભાગ દરિયામાં ધોવાઈ ગયો હતો. ત્યારબાદ ઇ શ્રીધરને તેને ફરીથી ઠીક કરીને મજબૂત બનાવ્યું હતું. આજે પણ ટ્રેનો આ પુલ દ્વારા રામેશ્વરમ પહોંચે છે. આ પુલ પરથી દરરોજ 12 જોડી ટ્રેન પસાર થાય છે. પરંતુ નબળા પડવાના કારણે હવે આ બ્રિજ પરથી માત્ર 10 કિમી પ્રતિ કલાકની ઝડપે જ ટ્રેનો દોડી શકશે. દરિયાની ખારાશને કારણે હવે તેને કાટ લાગવા લાગ્યો છે. નવા બ્રિજ પરથી ટ્રેનો 80 કિમી પ્રતિ કલાકની ઝડપે દોડી શકશે.
આ દેશનો પ્રથમ વર્ટિકલ લિફ્ટ બ્રિજ છે. આમાં મધ્યમાં 72.5 મીટરના સ્પાનને તેની બંને બાજુઓ પર સ્થાપિત લિફ્ટ્સ દ્વારા ખૂબ જ ઉપરની તરફ વધારવામાં આવશે. આ સાથે જહાજો તેની નીચેથી પસાર થઈ શકશે. આ પુલ 2.05 કિલોમીટર લાંબો હશે. આ પુલ મંડપમ રેલ્વે 0સ્ટેશન અને રામેશ્વરમ રેલ્વે સ્ટેશન વચ્ચે સમુદ્ર પર બનાવવામાં આવી રહ્યો છે. તેમાં એવી ટેક્નોલોજી છે કે તેમાં જો તેજ ગતિએ પવન ફૂંકાય તો આપોઆપ એલર્ટ સિગ્નલ જારી થઈ જાય છે.
