નવી દિલ્હી: અમેરિકાના (America) ભૂતપૂર્વ રાષ્ટ્રપતિ (President) ડોનાલ્ડ ટ્રમ્પે ભારત (India) દ્વારા કેટલીક અમેરિકન પ્રોડક્ટ્સ પર લગાવવામાં આવેલા ટેરિફને (Tariff) લઈને ભારતને ધમકી આપી છે. ખાસ કરીને હાર્લી-ડેવિડસન મોટરસાયકલ પર ભારત પર લાદવામાં આવેલા ટેરિફનો ઉલ્લેખ કરતા, તેમણે કહ્યું કે જો તેઓ 2024 ની રાષ્ટ્રપતિની ચૂંટણી જીતશે તો યુએસ ભારતીય ઉત્પાદનો પર પણ વધુ ટેરિફ લાદશે.
મે 2019 માં જ્યારે ટ્રમ્પ યુએસના રાષ્ટ્રપતિ હતા ત્યારે તેમણે ઊંચા ટેક્સને કારણે ભારતને ‘ટેરિફ કિંગ’ કહ્યું હતું. આ સાથે તેમણે અમેરિકાની જનરલાઇઝ્ડ સિસ્ટમ ઑફ પ્રેફરન્સ (GSP)માં ભારતની ઍક્સેસને સમાપ્ત કરી દીધી હતી. GSP હેઠળ અમેરિકા 100થી વધુ દેશોમાંથી આયાત કરાયેલા હજારો માલ પર ટેરિફ લાદતું નથી જે તે દેશોના આંતરરાષ્ટ્રીય વેપારને પ્રોત્સાહન આપે છે. ટ્રમ્પે ભારતને જીએસપીમાંથી હટાવી દીધો હતો અને આરોપ લગાવ્યો હતો કે ભારત યુએસને તેના બજારોમાં વાજબી પ્રવેશ નથી આપી રહ્યું.
‘ભારત ટેરિફ વિના માલ વેચે છે અને અમે…’
એક ઇન્ટરવ્યુમાં ટ્રમ્પે કહ્યું કે તેમણે અત્યાર સુધી ભારત દ્વારા લાદવામાં આવેલા ઊંચા ટેરિફની આકરી ટીકા કરી છે. ટ્રમ્પે કહ્યું, ‘ભારત ખૂબ જ વધારે ટેરિફ લાદે છે અને હું હાર્લી ડેવિડસન પર ભારત દ્વારા લાદવામાં આવેલા ટેરિફ વિશે કહી શકું છું. બીજી વાત હું ઇચ્છું છું કે જો ભારત અમારી પાસેથી ટેરિફ લે છે તો અમે ભારત સાથે આ રીતે વેપાર કેવી રીતે કરી શકીએ. તેઓ અમારા પર 100 ટકા, 150 ટકા અને 200 ટકા સુધી ટેરિફ લાદે છે.
ટ્રમ્પે આગળ કહ્યું, ‘હું કહું છું કે તેઓ તેમની મોટરબાઈક બનાવે છે અને તેઓ તેને આપણા દેશમાં ટેક્સ વિના, ટેરિફ વિના વેચી શકે છે પરંતુ જ્યારે તમે (અમેરિકા) હાર્લી ડેવિડસન બનાવીને તેને ભારત મોકલો છો ત્યારે ભારે ટેરિફ લાગે છે. ભારત અમારા ઉત્પાદનો પર એટલા ઊંચા ટેરિફ લાદે છે કે કોઈ તેને ખરીદવા માંગતું નથી.” ટ્રમ્પે વધુમાં કહ્યું કે જે રીતે ભારત યુએસ પ્રોડક્ટ્સ પર ઉંચી ટેરિફ લાદે છે, યુએસએ પણ ભારતીય ઉત્પાદનો પર તે જ કરવું જોઈએ.
ભૂતપૂર્વ યુએસ પ્રમુખ ડોનાલ્ડ ટ્રમ્પ ઘણા કોર્ટ કેસ અને મહાભિયોગનો સામનો કરી રહ્યા છે. જો કે યુએસના મુખ્ય રાષ્ટ્રીય મતદાન અનુસાર, ટ્રમ્પ રિપબ્લિકન રાષ્ટ્રપતિ પદના ઉમેદવારો અને અડધાથી વધુ GOP (ગ્રાન્ડ ઓલ્ડ પાર્ટી) મતોથી આગળ છે.
