નાગપુર: ભારત ઓસ્ટ્રેલિયા વચ્ચેની ચાર મેચની ટેસ્ટ (India vs Australia Test Series) સિરીઝનો આજથી આરંભ થયો છે. નાગપુરમાં રમાઈ રહેલી પહેલી ટેસ્ટ મેચમાં (Nagpur Test) ટોસ જીતીને ઓસ્ટ્રેલિયાએ પહેલી બેટિંગ કરવાનો નિર્ણય લીધો પરંતુ તે ઊંધો પડ્યો છે. નાગપુર ટેસ્ટ મેચમાં ટોસ જીતીને પ્રથમ બેટિંગ કરવા ઉતરેલી ઓસ્ટ્રેલિયન ટીમ તેની પ્રથમ ઇનિંગમાં 177 રનમાં ઓલઆઉટ થઈ ગઈ હતી. માર્નસ લાબુશેને 49 રન બનાવ્યા હતા. જ્યારે સ્પિનર રવિન્દ્ર જાડેજાએ 5 અને અશ્વિને 3 વિકેટ ઝડપી હતી. સિરાજ અને શમીને 1-1 સફળતા મળી હતી.
નાગપુર મેચમાં પ્રથમ દિવસની રમતના અંત સુધીમાં ભારતીય ટીમે પ્રથમ દાવમાં એક વિકેટ ગુમાવીને 77 રન બનાવી લીધા છે. કેપ્ટન રોહિત શર્મા 56 રન અને રવિચંદ્રન અશ્વિન ખાતું ખોલાવ્યા વગર અણનમ છે. જ્યારે કેએલ રાહુલ 20 રન બનાવીને ટોડ મર્ફીનો શિકાર બન્યો છે. ભારતીય ટીમ હજુ પણ પ્રથમ દાવમાં ઓસ્ટ્રેલિયા કરતા માત્ર 100 રન પાછળ છે. ઓસ્ટ્રેલિયાની ટીમ પ્રથમ દાવમાં 177 રનમાં ઓલઆઉટ થઈ ગઈ હતી.
અશ્વીને 450 વિકેટ પૂરી કરી
ઓસ્ટ્રેલિયાની ટીમે 162ના સ્કોર પર છઠ્ઠી વિકેટ ગુમાવી દીધી છે. સ્પિનર રવિચંદ્રન અશ્વિને એલેક્સ કેરીને 36 રન પર ક્લીન બોલ્ડ કર્યો હતો. આ સાથે અશ્વિનની ટેસ્ટમાં 450 વિકેટ પૂરી થઈ ગઈ છે. અશ્વિન પોતાની 89મી ટેસ્ટમાં 450 વિકેટ ઝડપનાર વિશ્વનો બીજો સૌથી ઝડપી બોલર બની ગયો છે. આ મામલામાં શ્રીલંકાના મુથૈયા મુરલીધરન છે, જેણે 80મી ટેસ્ટ મેચમાં આ વિકેટ લીધી હતી.
મોહમ્મદ સિરાજે ખ્વાજાને ચાલાકીથી આઉટ કર્યો
પ્રથમ ટેસ્ટ મેચની બીજી જ ઓવરમાં ભારતીય બોલર મોહમ્મદ સિરાજે ઓસ્ટ્રેલિયાના બેટ્સમેન ઉસ્માન ખ્વાજાને તેના પ્રથમ બોલ પર LBW આઉટ કરીને ભારતને પ્રથમ સફળતા અપાવી હતી. ખ્વાજા માત્ર 1 રન જ બનાવી શક્યો હતો. વાસ્તવમાં, પ્રથમ કિસ્સામાં, અમ્પાયરે સિરાજ દ્વારા કરવામાં આવેલી એલબીડબ્લ્યુ અપીલને ઠુકરાવી દીધી હતી પરંતુ બોલરે તેના કેપ્ટન રોહિત શર્માને ડીઆરએસ લેવા માટે રાજી કર્યા હતા. આ પછી ટીવી રિપ્લેમાં જોવા મળ્યું કે બોલ પીચ લાઇન પર છે અને લેગ સ્ટમ્પને અથડાવી રહ્યો છે. આવી સ્થિતિમાં થર્ડ અમ્પાયરે ફિલ્ડ અમ્પાયરને પોતાનો નિર્ણય બદલવા માટે કહ્યું. આ રીતે ઉસ્માન ખ્વાજાની વિકેટ પડી, જ્યારે સિરાજે ભારતને મનાવીને ભારતને પ્રથમ સફળતા અપાવી.
સૂર્યકુમાર યાદવ અને કે.એસ. ભરતનું ટેસ્ટ ડેબ્યુ
નાગપુર ટેસ્ટ મેચની વાત કરીએ તો ઓસ્ટ્રેલિયન કેપ્ટન પેટ કમિન્સે ટોસ જીતીને પહેલા બેટિંગ કરવાનો નિર્ણય કર્યો હતો. સિરાજે પહેલા ખ્વાજાને આઉટ કર્યો, પછી મોહમ્મદ શમીએ વોર્નરને બોલ્ડ કરીને ઓસ્ટ્રેલિયાને મોટો ઝટકો આપ્યો. જણાવી દઈએ કે ઓસ્ટ્રેલિયાની 2 વિકેટ માત્ર 2 રનમાં પડી ગઈ હતી. સૂર્યકુમાર યાદવ અને કેએસ ભરતે આજની ટેસ્ટ મેચમાં ભારત તરફથી ડેબ્યૂ કર્યું છે. તે જ સમયે, ભારતીય પ્લેઈંગ ઈલેવનમાં શુભમન ગિલ અને કુલદીપ યાદવને તક મળી નથી.
