અમદાવાદઃ (Ahmedabad) ગુજરાતના ઠાકોર સમાજે યુવતીઓ (Girls) દ્વારા મોબાઈલ ફોનના (Mobile Phone) ઉપયોગ પર પ્રતિબંધ (Ban) મૂક્યો છે. સમુદાયે પરંપરામાં (Tradition) સુધારો કરવાનો ઠરાવ પસાર કરીને છોકરીઓને મોબાઈલ ફોનનો ઉપયોગ કરવા પર પ્રતિબંધ મૂકવાનો નિર્ણય કર્યો હતો. બનાસકાંઠા જિલ્લાના (Banaskantha District) ભાભર તાલુકામાં આ ઘટના બની હતી.
- ગુજરાતમાં આ સમાજે છોકરીઓ માટે મોબાઈલ ફોન બેન કર્યો
- સમુદાયનું માનવું હતું કે સગીર છોકરીઓમાં સેલ ફોનનો ઉપયોગ ઘણી બધી ખોટી બાબતોનું કારણ બને છે
- બનાસકાંઠા જિલ્લાના ભાભર તાલુકાના લુંસેલા ગામમાં રવિવારે આ ઘટના બની હતી
- લગ્ન અને સગાઈના ખર્ચને નિયંત્રિત કરવા અને લગ્નમાં ડીજે સાઉન્ડ સિસ્ટમ ન રાખવા સૂચવવામાં આવ્યું
સમાજનું માનવું હતું કે પ્રેમ સંબંધો (Love Affair), છોકરીઓ અને છોકરાઓ વચ્ચેની મિત્રતા અથવા આંતર-જ્ઞાતિય લગ્નો (Inter Caste Marriages) સેલફોનના ઉપયોગને કારણે વધી રહ્યા છે. જોકે આ વાતનો સીધો ઉલ્લેખ કાર્યક્રમમાં કરાયો ન હતો. જોકે સમુદાયનું માનવું હતું કે સગીર છોકરીઓમાં સેલ ફોનનો ઉપયોગ ઘણી બધી ખોટી બાબતોનું કારણ બને છે અને તેથી સેલ ફોનના ઉપયોગ પર પ્રતિબંધ મૂકવો જોઈએ. કોંગ્રેસના ધારાસભ્ય ગેનીબેન ઠાકોરની હાજરીમાં સમાજ દ્વારા આ ઠરાવ પસાર કરવામાં આવ્યો હતો. બનાસકાંઠા જિલ્લાના ભાભર તાલુકાના લુંસેલા ગામમાં રવિવારે આ ઘટના બની હતી.
આ ઉપરાંત સમાજ દ્વારા અન્ય કેટલાક નિર્ણયો પણ લેવામાં આવ્યા હતા. તેમણે સગાઈ અને લગ્ન સમારોહમાં મહેમાનોની સંખ્યાને મર્યાદિત કરવાનું પગલું ભર્યું છે. સગાઈ અથવા લગ્ન સમારોહમાં ફક્ત 11 લોકોની હાજરી સૂચવવામાં આવી છે. એટલું જ નહીં સમાજના સભ્યો સારી સંખ્યામાં હોય તેવા દરેક ગામમાં સમૂહ લગ્નનું આયોજન કરવાની સૂચના આપવામાં આવી છે. તેમજ લગ્ન અને સગાઈના ખર્ચને નિયંત્રિત કરવા અને લગ્નમાં ડીજે સાઉન્ડ સિસ્ટમ ન રાખવા સૂચવવામાં આવ્યું છે.
કરારના ભંગ બદલ દંડ
સગાઈ પછી સંબંધો તોડનારા પરિવારો પર સમુદાયે દંડ લાદવો જોઈએ. દંડ તરીકે એકત્ર કરાયેલા નાણાંનો ઉપયોગ શિક્ષણ અને સામુદાયિક સુવિધાઓના નિર્માણ માટે થવો જોઈએ. જો છોકરીઓ ઉચ્ચ શિક્ષણ માટે શહેરમાં જતી હોય તો ગામડાના સમુદાયના સભ્યોએ તેમના માટે વાહન વ્યવહારની વ્યવસ્થા કરવી જોઈએ તેમ પ્રસ્તાવમાં જણાવવામાં આવ્યું છે.
