નવી દિલ્હી (New Delhi): 16 જાન્યુઆરીથી દેશમાં રસીકરણ (Corona Vaccination) પ્રક્રિયા શરૂ થવાની છે. આ રસીકરણ કાર્યક્રમ પહેલા આજે મોદીએ બધા રાજ્યોના મુખ્યમંત્રીઓ સાથે બેઠક કરી હતી. બેઠક પછી કેન્દ્રએ SIIને 11 મિલિયન ડોઝનો ઓર્ડર આપ્યો છે. અને સરકારને એક ડોઝ 210/- રૂ.માં પડશે, જેમાં GSTની કિંમત પણ શામેલ છે.
મોદીએ આજે નિવેદન આપ્યુ હતુ કે આપણા દેશમાં આપણા બજેટમાં રસી આપણને મળી છે. ગત અઠવાડિયે DCGI (Drugs Controller General of India) એ કોવિશિલ્ડ (Covishield) અને ભારત બાયોટેકની કોવેક્સિનને (Covaxin, Bharat Biotech) મંજૂરી આપી હતી. SII પુષ્ટિ કરી છે કે તેને કેન્દ્ર તરફથી 11 મિલિયન ડોઝનો ઓર્ડર મળ્યો છે. SII એ કહ્યુ કે તે 60 ફેરામાં આ ઓર્ડર સરકારે નક્કી કરેલા કેન્દ્રો પર પહોંચાડશે.
ભારત સરકારે કુલ વસ્તીમાંથી 30 કરોડ જેટલા લોકોની પસંદગી કરી છે. જેમને આ પ્રારંભિક તબક્કામાં કોરોના રસી અપાશે. આ 30 કરોડ લોકોમાં 50થી વધુ વયના સિનિયર સિટિઝન્સ, કોરોના હોસ્પિટલ્સોમાં ફરજ બજાવતા તબીબો અને તબીબી સ્ટાફ, ફ્રન્ટલાઇન વર્કર્સનો અને ગંભીર બીમારીથી પીડાતા કોરોના દર્દીઓનો સમાવેશ થાય છે.
જણાવી દઇએ કે આ બે રસી સિવાય દેશમાં બીજી આઠ એવી રસી છે, જે એપ્રિલ મહિના સુધી બજારમાં આવી જાય એવી શક્યતા છે. દેશના લગભગ તમામ રાજ્યોમાં કોરોનાના ‘ડ્રાય રન’ ટેસ્ટ થઇ ચૂક્યા છે. આ દરમિયાન સરકારે કર્મચારીઓને રસી આપવાની તાલીમથી માંડીને રસીકરણ દરમિયાન જે કેટલાક પડકારો આવી શકે તેની સામે લડવા માટે તૈયાર કરી દીધા છે. જણાવી દઇએ કે ‘CoWin’ નામનું પોર્ટલ છે, જેમાં રસીકરણનો તમમા ડેટા સ્ટોર રહેશે. કોને, ક્યાં, ક્યારે રસી અપાઇ છે-એનાથી માંડીને કોના નામ રસીકરણના પહેલા તબક્કાની યાદીમાં શામેલ છે.
દેશમાં મુંબઇ, દિલ્હી, હૈદરાબાદ, પૂણે સહિતાના એરપોર્ટ પર પણ રસીના વિતરણ માટે કડક અને નાનામાં નાની વ્યવસ્થાઓ થઇ ગઇ છે. એરપોર્ટ પરથી સામાન્ય બસ સુધી રસી કેવી રીતે લઇ જવી છે-તેનાથી માંડીને જુદા-જુદા રાજ્યોના દરેક વિસ્તાર સુધી રસી પહોંચાડવા માટે કોલ્ડ ચેન ટ્રાન્સપોર્ટેશન વ્યવસ્થા પણ થઇ ગઇ છે. હવે લોકોની નજર સરકારના મફત રસી આપવાના વાયદા પર છે. સમાચાર મળ્યા છે કે આજની મિટીંગમાં આ મુદ્દે ચર્ચા થઇ શકે છે. રાજસ્થાન, દિલ્હી અને છત્તીસઢ રાજ્યોએ સરકારને મફત રસી આપવાની માંગ કરી છે. જ્યારે પશ્ચિમ બંગાળ, દિલ્હી, મધ્ય પ્રદેશ, કેરળ, ઓડિશા, અસમ, તેલંગાણા, તમિલનાડુ અને કર્ણાટક રાજ્યોએ નક્કી કરી લીધુ છે કે આ રાજ્યો પોતે જ સામાન્ય લોકોને કોરોના રસી મફતમાં આપશે.
