નવી દિલ્હી, તા. 3 સરકારે બુધવારે ઓક્ટોબરથી શરૂ થતા માર્કેટિંગ વર્ષ 2022-23 માટે મિલોએ શેરડીના(Sugar cane) ઉત્પાદકોને ચુકવવાના લઘુત્તમ ભાવમાં રૂ. 15નો વધારો કરીને રૂ. 305 પ્રતિ ક્વિન્ટલ કરી દીધા છે.આ નિર્ણય(decision) થી શેરડીના આશરે 5 કરોડ ખેડૂતો અને તેમના આશ્રિતોને તેમજ સુગર મિલો અને સંબંધિત આનુષંગિક પ્રવૃત્તિઓમાં કાર્યરત લગભગ 5 લાખ કામદારોને ફાયદો થશે.
શુગર માર્કેટિંગ વર્ષ માટે વાજબી ભાવ
એક સત્તાવાર નિવેદનમાં જણાવ્યું હતું કે, વડા પ્રધાન નરેન્દ્ર મોદીની અધ્યક્ષતામાં મળેલી આર્થિક બાબતોની કેબિનેટ સમિતિએ 2022-23 સુગર માર્કેટિંગ વર્ષ માટે શેરડીના વાજબી અને લાભકારી ભાવ (એફઆરપી)10.25 ટકાના મૂળભૂત વસૂલી દર માટે રૂ. 305 પ્રતિ ક્વિન્ટલ મંજૂર કર્યા છે. 2022-23 માર્કેટિંગ વર્ષ માટે શેરડીના ઉત્પાદનની કિંમત 162 રૂપિયા પ્રતિ ક્વિન્ટલ 10.25 ટકાથી વધુની વસૂલાતમાં પ્રત્યેક 0.1 ટકાના વધારા માટે રૂ. 3.05 પ્રતિ ક્વિન્ટલનું પ્રીમિયમ આપવામાં આવશે.
50 ટકાથી વધુ વળતર આપવાનું વચન
એક નિવેદનમાં કહેવામાં આવ્યું છે કે, ખાંડની સિઝન 2022-23 માટે શેરડીના ઉત્પાદનની એ2+એફએલ કિંમત (એટલે કે, વાસ્તવિક ચૂકવેલ ખર્ચ વત્તા કૌટુંબિક મજૂરીનું અનુમાનિત મૂલ્ય પ્રતિ ક્વિન્ટલ રૂ. 162 છે.”10.25 ટકાના વસૂલાત દરે રૂ. 305 પ્રતિ ક્વિન્ટલની એફઆરપી ઉત્પાદન ખર્ચ કરતાં 88.3 ટકા વધારે છે, જેનાથી ખેડૂતોને તેમની કિંમત કરતાં 50 ટકાથી વધુ વળતર આપવાનું વચન સુનિશ્ચિત થાય છે. ખાંડની સિઝન 2022-23 માટે એફઆરપી વર્તમાન ખાંડની સિઝન 2021-22 કરતાં 2.6 ટકા વધારે છે.
ખાંડની લઘુત્તમ વેચાણ કિંમતનો ખ્યાલ પણ રજૂ
સરકારે હાઇલાઇટ કર્યું છે કે તેણે છેલ્લાં આઠ વર્ષમાં એફઆરપીમાં 34 ટકાથી વધુનો વધારો કર્યો છે. તેણે ખાંડની એક્સ-મિલ કિંમતોમાં ઘટાડો અને શેરડીની બાકી રકમની સંચયને રોકવા માટે ખાંડની લઘુત્તમ વેચાણ કિંમત (એમએસપી)નો ખ્યાલ પણ રજૂ કર્યો છે. એમએસપી અત્યારે 31 રૂપિયા પ્રતિ કિલો છે.
ભારતે ખાંડના ઉત્પાદનમાં બ્રાઝિલને પાછળ છોડ્યું
ખાદ્ય મંત્રાલયે જણાવ્યું હતું કે, ખાંડની નિકાસ, બફર સ્ટોક જાળવવા, ઇથેનોલ ઉત્પાદન ક્ષમતામાં વધારો કરવા અને ખેડૂતોના લેણાંની મંજૂરી માટે સુગર મિલોને રૂ. 18,000 કરોડથી વધુની નાણાકીય સહાય આપવામાં આવી છે.સરકારે એ પણ પ્રકાશિત કર્યું છે કે, વર્તમાન ખાંડ માર્કેટિંગ વર્ષમાં ભારતે ખાંડના ઉત્પાદનમાં બ્રાઝિલને પાછળ છોડી દીધું છે. 2017-18, 2018-19, 2019-20 અને 2020-21ની છેલ્લી ચાર સિઝનમાં અનુક્રમે લગભગ 6 લાખ ટન, 38 લાખ ટન, 59.60 લાખ ટન અને 70 લાખ ટન ખાંડની નિકાસ કરવામાં આવી છે.
