Sports

પૂર્વ ક્રિકેટર વિનોદ કાંબલી ફરી વિવાદોમાં, નશામાં પત્નીના માથે કઢાઈ મારવાનો આરોપ

નવી દિલ્હી: પૂર્વ ભારતીય ક્રિકેટર વિનોદ કાંબલી (Former cricketer Vinod Kambli) ફરી એકવાર વિવાદમાં આવ્યા છે. વિનોદ કાંબલીની પત્ની (Wife) એન્ડ્રીયા હેવિટે (Andrea Hewitt) તેના પર દારૂના (Drunk) નશામાં મારમ મારવાનો આરોપ લગાવ્યો છે. વિનોદ કાંબલીની પત્નીએ મુંબઈના બાંદ્રા પોલીસ સ્ટેશનમાં ફરિયાદ નોંધાવી છે. પત્નીનો આરોપ છે કે વિનોદ કાંબલીએ દારૂના નશામાં રાંધવાની તપેલીનું હેન્ડલ તેના પર ફેંક્યું હતું, જેના કારણે તેને માથામાં ઈજા થઈ હતી.

માહિતી અનુસાર, આ ઘટના શુક્રવારે બપોરે 1 થી 1.30 વાગ્યાની વચ્ચે બની હતી જ્યારે કાંબલી કથિત રીતે નશાની હાલતમાં તેના બાંદ્રા ફ્લેટ પર પહોંચ્યો હતો અને તેની પત્ની સાથે દુર્વ્યવહાર કર્યો હતો. વિનોદ કાંબલીએ આ મામલે નિવેદન આપ્યું છે, તેમનું કહેવું છે કે તેમને આ અંગે કોઈ માહિતી નથી.

વિનોદની પત્નીના જણાવ્યા પ્રમાણે ઘરે આવ્યા બાદ તે દોડીને રસોડામાં ગયો અને રસોઈ બનાવવાની તપેલીનું હેન્ડલ લઈને તેની પત્ની પર ફેંકી દીધું. બાંદ્રા પોલીસના એક અધિકારીએ જણાવ્યું કે પોલીસના આગમન પહેલા વિનોદ કાંબલીની પત્નીએ ભાભા હોસ્પિટલમાં તેની સારવાર કરાવી હતી.

વિવાદો સાથે જૂનો સંબંધ રહ્યો છે
51 વર્ષીય વિનોદ કાંબલીનો વિવાદો સાથે જૂનો સંબંધ છે. થોડા સમય પહેલા તેણે એક ઈન્ટરવ્યુમાં જોબ વિશે વાત કરી હતી. કાંબલીએ કહ્યું હતું કે તેની પાસે કોઈ કામ નથી અને તે માત્ર બીસીસીઆઈના પેન્શન પર જીવી રહ્યો છે. થોડા સમય પહેલા જ તે નશામાં ડ્રાઇવિંગ માટે પણ હેડલાઇન્સમાં આવ્યો હતો. વિનોદ કાંબલીએ ભારત માટે 17 ટેસ્ટ રમી છે, જેમાં તેના નામે 1084 રન છે. જ્યારે તેણે ભારત માટે 104 વનડેમાં 2477 રન બનાવ્યા છે. જો ફર્સ્ટ ક્લાસ રેકોર્ડની વાત કરીએ તો તેણે 129 મેચમાં 9965 રન બનાવ્યા છે. વિનોદ કાંબલીએ વર્ષ 2000માં ભારત માટે છેલ્લી મેચ રમી હતી.

Most Popular

To Top