“સાહેબ, આ આખું મોટું કૌભાંડ છે. સામાન્ય માણસોને સીધી નજરે ખબર પડે એવી નથી. છાપામાં જ્યારે જ્યારે સમાચાર આવે કે અમદાવાદમાંથી ડ્રગ્ઝ સાથે યુવક ઝડપાયો કે વિદેશી નાગરિક ઝડપાયો ત્યારે ત્યારે સમજવાનું કે ગુજરાતમાં ડ્રગ્સ ઘૂસ્યું છે અને સરકારી ચોપડે તો થોડું પકડાયું છે બાકી તો બઝારમાં વેચાયું છે”- એક ગોરખધંધાના જાણકારે આ વાત કરી તો માત્ર આક્ષેપ લાગી. પણ પત્રકારો સાથે અંગત રીતે વાતચીત કરતાં જાણવા મળ્યું કે ગુજરાતમાં ડ્રગ્સનું દૂષણ માઝા મૂકી રહ્યું છે. ગુજરાતમાં અત્યારે દારૂના અડ્ડા બાબતે રાજકીય ઘમસાણ ચાલી રહ્યું છે. ગુજરાતનો ઉચ્ચ મધ્યમ વર્ગ દર વખતની જેમ આ વખતે પણ પોતાની જાતને અલગ તારવી રહ્યો છે ક્યાં તો ચર્ચા શૂરો થઇ વિવાદનું રાજકીય રૂપ સ્પષ્ટ કરી રહ્યો છે પણ જાગૃત માતા-પિતાએ ખરેખર જાગવાની અને અવાજ ઉઠાવવાની જરૂર છે. ગુજરતમાં એક તરફ કોન્ટ્રાકટ સીસ્ટમ દ્વારા લાખો યુવાનોનું ઓછા પગારમાં શોષણ થાય છે. સરકારી નોકરીઓ લગભગ ખતમ કરી દેવામાં આવી છે. શિક્ષણ દિનપ્રતિદિન મોંઘું અને ભણાવવા માટે સાહેબો જ ના હોય એવું. સોશ્યલ મીડિયા દ્વારા સતત નફરત. ધંધા રોજગારમાં માંડી જેવાં અનેક પરિબળો યુવાનોને ફસ્ટ્રેટ કરી રહ્યાં છે. નિરાશ અને દિશાહીન યુવાનો ડ્રગ્સ અને નશીલા પદાર્થ વેચનારા માટે સોફ્ટ ટાર્ગેટ છે અને તેઓ ઝડપથી તેમને પોતાનો શિકાર બનાવે છે. છેલ્લાં વીસ કરતાં વધુ વર્ષથી સત્તામાં રહેલી ભાજપની સરકારના ખાઈબદેલા અધિકારીઓ અને તંત્ર સાથે સાંઠગાંઠ ધરાવતા તેમના મળતિયાઓ હવે કરોડોની કમાણી કરતાં આ ડ્રગ્સ અને નશીલા પદાર્થોના કાળા કારોબારને પોતાનો બનાવી રહ્યા છે. કોઈ પણ રાજ્યમાં સત્તાના સાથ વગર કાળા કારોબારનું નિયત નેટવર્ક ગોઠવાતું નથી અને લાંબો ટાઈમ ચાલતું નથી, ચલાવી શકાતું પણ નથી. એક સાદી વાત સૌ સમજી ચૂક્યા છે કે કાયદો વ્યવસ્થાના અંગ જેવા પોલીસ તંત્રને જો સાદા નાના દારૂ પીનારા મળી જતા હોય તો આટલો મોટો કારોબાર ચલાવનાર ડ્રગમાફિયા ના પકડાય તે બની શકે નહીં. લોકો માને જ છે કે દારૂની જેમ આ નશીલા પદાર્થના કારોબારના હપ્તા પણ ઉપર સુધી પહોંચે છે. બાકી અમદાવાદ જેવા રાજ્યના મુખ્ય શહેરમાં રાજમાર્ગ પર રાત્રે યુવાનોની પાર્ટીઓ થાય. હુક્કાબાર લાંબા સમય સુધી ખુલ્લેઆમ ચાલે, શહેરની નામાંકિત કોલેજોના કેમ્પસ આગળ જ યુવાનો ચરસ ગાંજાવાલી સિગરેટ ફૂંકે. આ બધું એમનું એમ તો ન જ ચાલે. આપણે જાણીએ જ છીએ કે પંજાબમાં ડ્રગ્સનું દૂષણ એ હદે વ્યાપ્યું કે “ઊડતા પંજાબ”એ સામાજિક, રાજકીય ચિંતાનો વિષય બન્યું. લોકોએ પોતે જ સત્તાની સાંઠગાંઠ તોડવા રાજકીય સત્તા પરિવર્તન દ્વારા ડ્રગ્સના દૂષણને નાથવાનો ચુકાદો આપ્યો. ગુજરાતે પણ હવે જાગવાની જરૂર છે. આજે નાનાં નાનાં શહેરો અને ગામડાં સુધી આ નશીલા પદાર્થો પહોંચવા માંડ્યા છે. ગુજરાતના ડ્રગ્સના દૂષણ માટે હવે ગુજરાતનાં મુખ્ય અખબારો પણ મુખ્ય સ્ટોરી કરી રહ્યા છે અને જો પ્રજા ઊંઘતી રહેશે તો ગુજરાતને પણ ઊડતા ગુજરાત બનતાં વાર નહીં લાગે. આજે સત્તાની ચાપલુસીએ પોલીસ તંત્રની મજબૂરી બનવા માંડી છે. પોલીસ મિત્રોની ઉજવણીના કાર્યક્રમોમાંથી નવરાશ જ નથી મળતી કે તે ખરા ગુનેગારો પકડવા કમર કસે. ગૃહ ખાતું વ્યક્તિગત ગણાય તેવા લગ્નના મુદ્દાઓ પર કાયદા ઘડવામાં મસ્ત છે. એટલે નશીલા પદાર્થોના કારોબારને રોકવા કાયદાને કડક કરવા કે સમય આધારિત ફેરફાર કરવાની તેની પાસે ઈચ્છાશક્તિ નથી. ભ્રષ્ટાચારમાં વ્યસ્ત તંત્ર કડક કામ લે તે હવે લગભગ અશક્ય લાગે છે ત્યારે સરકારને સતત સાથ આપનારાં લોકોએ જ સરકારનો કાન આમળવાનો સમય પાકી ગયો છે. હવે સરકારી તંત્ર અઢારમી સદીમાં ચાલે છે અને ગુનેગારો ઓનલાઈન ધંધો કરે છે. વળી ગુજરાતમાં દારુબંધી છે અને સમાજમાં દારૂના નશા માટે એક અલગ સૂગ ધરાવે છે ત્યારે યુવાનો વિચારે છે કે જો દારુ પી ને ઘરે જઈશું તો ઘરવાલા બોલશે. દારૂની ગંધ માણસને અલગ તારવી દે છે. એના કરતાં ડ્રગ્સ કે ગાંજો લઈ ઘરે જાવ તો કોઈને ખબર પડતી નથી. પોલીસ પણ ચરસ કે ગાંજા સાથે હોઈ તેને પકડી શકે છે. ચરસ ગાંજો કે વિદેશી ડ્રગ લીધું હોય તેને પકડી શકતી નથી. વળી, આ નવા નશાનાં સ્વરૂપ પણ નવાં છે. ઘરના કે સજ્જન લોકોને પોતાના સંતાનના ખીસ્સા કે પાકીટમાંથી કશું મળે તો પ્રથમ નજરે ખબર પણ ના પડે કે આ નશીલા પદાર્થ છે. એક નાની પ્લાસ્ટિકની ભૂંગળી કે ડબ્બી એ ખરેખર સ્મોક પાઈપ છે. મતલબ કે નાનો આધુનિક હુક્કો. નાના નાના ગામમાં પાનના ગલ્લે ચરસ ગાંજાવાળી સિગરેટ કે પાઈપ ખુલ્લેઆમ મળે છે. પડીકીનો વ્યાપાર બહુ સરળતાથી થાય છે. હવે પહેલાં જેમ નિશ્ચિત જગ્યાઓ નથી કે પોલીસ દરોડા પાડે. હવે વોટ્સેપ કે કોલ દ્વારા બાઈકસવાર યુવાનો ડીલીવરી કરે છે. નવી દરેક અર્બન ગુજરાતી ફિલ્મમાં યુવાનો દારૂ પીતા બતાવાય છે અને હવે તો આ દારૂના ડીલીવરી બોયની પ્રેમ કથાઓ પણ કહેવાતા બોલ્ડ સમાજમાં આનંદપૂર્વક જોવાઈ રહી છે. આ ફિલ્મો આપણા શહેરમાં યુવાનો શું પસંદ કરી રહ્યા છે તે દર્શાવે છે. માટે ડ્રગ્સના દૂષણ માટે સરકાર જેટલું જ બેજવાબદાર વર્તન ગુજરાતનાં માતા પિતા કરી રહ્યાં છે. આ કોલમમાં આપણે વારંવાર ગુજરાતમાં ડ્રગ્સનું દૂષણ ફેલાય છે તેની વાત લખીએ છીએ. કદાચ વાત એની એ જ છે પણ સમસ્યા ગંભીર છે. પ્રજાનો એક વર્ગ સાંપ્રદાયિક્તાના નશામાં ચૂર ,એક વર્ગ કર્મકાંડમાં ચૂર અને દિશાહીન યુવાનો આ નશામાં ચૂર ..આપણે કઈ દિશામાં જઈ રહ્યાં છીએ? આમ તો ગુજરાતમાં વધતી હિંસા, બળાત્કાર, વ્યભિચાર, આડા સંબંધો અને ગુનાખોરીના પાયામાં આ નશાખોરી પણ છે. ફરી કહું છું કે ગુજરાતના દરિયા કાંઠે કે રણમાં આવતું અને પકડાતું આટલું બધું ડ્રગ્સ સાબિત કરે છે કે ગુજરાતમાં ડ્રગ્સનો કાળો કારોબાર વધી રહ્યો છે. સરકાર જાગે પણ મા બાપ તો ખાસ જાગે. આ લેખમાં પ્રગટ થયેલા વિચારો લેખકના પોતાના છે.
“સાહેબ, આ આખું મોટું કૌભાંડ છે. સામાન્ય માણસોને સીધી નજરે ખબર પડે એવી નથી. છાપામાં જ્યારે જ્યારે સમાચાર આવે કે અમદાવાદમાંથી ડ્રગ્ઝ સાથે યુવક ઝડપાયો કે વિદેશી નાગરિક ઝડપાયો ત્યારે ત્યારે સમજવાનું કે ગુજરાતમાં ડ્રગ્સ ઘૂસ્યું છે અને સરકારી ચોપડે તો થોડું પકડાયું છે બાકી તો બઝારમાં વેચાયું છે”- એક ગોરખધંધાના જાણકારે આ વાત કરી તો માત્ર આક્ષેપ લાગી. પણ પત્રકારો સાથે અંગત રીતે વાતચીત કરતાં જાણવા મળ્યું કે ગુજરાતમાં ડ્રગ્સનું દૂષણ માઝા મૂકી રહ્યું છે.
ગુજરાતમાં અત્યારે દારૂના અડ્ડા બાબતે રાજકીય ઘમસાણ ચાલી રહ્યું છે. ગુજરાતનો ઉચ્ચ મધ્યમ વર્ગ દર વખતની જેમ આ વખતે પણ પોતાની જાતને અલગ તારવી રહ્યો છે ક્યાં તો ચર્ચા શૂરો થઇ વિવાદનું રાજકીય રૂપ સ્પષ્ટ કરી રહ્યો છે પણ જાગૃત માતા-પિતાએ ખરેખર જાગવાની અને અવાજ ઉઠાવવાની જરૂર છે.
ગુજરતમાં એક તરફ કોન્ટ્રાકટ સીસ્ટમ દ્વારા લાખો યુવાનોનું ઓછા પગારમાં શોષણ થાય છે. સરકારી નોકરીઓ લગભગ ખતમ કરી દેવામાં આવી છે. શિક્ષણ દિનપ્રતિદિન મોંઘું અને ભણાવવા માટે સાહેબો જ ના હોય એવું. સોશ્યલ મીડિયા દ્વારા સતત નફરત. ધંધા રોજગારમાં માંડી જેવાં અનેક પરિબળો યુવાનોને ફસ્ટ્રેટ કરી રહ્યાં છે. નિરાશ અને દિશાહીન યુવાનો ડ્રગ્સ અને નશીલા પદાર્થ વેચનારા માટે સોફ્ટ ટાર્ગેટ છે અને તેઓ ઝડપથી તેમને પોતાનો શિકાર બનાવે છે.
છેલ્લાં વીસ કરતાં વધુ વર્ષથી સત્તામાં રહેલી ભાજપની સરકારના ખાઈબદેલા અધિકારીઓ અને તંત્ર સાથે સાંઠગાંઠ ધરાવતા તેમના મળતિયાઓ હવે કરોડોની કમાણી કરતાં આ ડ્રગ્સ અને નશીલા પદાર્થોના કાળા કારોબારને પોતાનો બનાવી રહ્યા છે.
કોઈ પણ રાજ્યમાં સત્તાના સાથ વગર કાળા કારોબારનું નિયત નેટવર્ક ગોઠવાતું નથી અને લાંબો ટાઈમ ચાલતું નથી, ચલાવી શકાતું પણ નથી.
એક સાદી વાત સૌ સમજી ચૂક્યા છે કે કાયદો વ્યવસ્થાના અંગ જેવા પોલીસ તંત્રને જો સાદા નાના દારૂ પીનારા મળી જતા હોય તો આટલો મોટો કારોબાર ચલાવનાર ડ્રગમાફિયા ના પકડાય તે બની શકે નહીં. લોકો માને જ છે કે દારૂની જેમ આ નશીલા પદાર્થના કારોબારના હપ્તા પણ ઉપર સુધી પહોંચે છે.
બાકી અમદાવાદ જેવા રાજ્યના મુખ્ય શહેરમાં રાજમાર્ગ પર રાત્રે યુવાનોની પાર્ટીઓ થાય. હુક્કાબાર લાંબા સમય સુધી ખુલ્લેઆમ ચાલે, શહેરની નામાંકિત કોલેજોના કેમ્પસ આગળ જ યુવાનો ચરસ ગાંજાવાલી સિગરેટ ફૂંકે. આ બધું એમનું એમ તો ન જ ચાલે.
આપણે જાણીએ જ છીએ કે પંજાબમાં ડ્રગ્સનું દૂષણ એ હદે વ્યાપ્યું કે “ઊડતા પંજાબ”એ સામાજિક, રાજકીય ચિંતાનો વિષય બન્યું. લોકોએ પોતે જ સત્તાની સાંઠગાંઠ તોડવા રાજકીય સત્તા પરિવર્તન દ્વારા ડ્રગ્સના દૂષણને નાથવાનો ચુકાદો આપ્યો.
ગુજરાતે પણ હવે જાગવાની જરૂર છે. આજે નાનાં નાનાં શહેરો અને ગામડાં સુધી આ નશીલા પદાર્થો પહોંચવા માંડ્યા છે.
ગુજરાતના ડ્રગ્સના દૂષણ માટે હવે ગુજરાતનાં મુખ્ય અખબારો પણ મુખ્ય સ્ટોરી કરી રહ્યા છે અને જો પ્રજા ઊંઘતી રહેશે તો ગુજરાતને પણ ઊડતા ગુજરાત બનતાં વાર નહીં લાગે.
આજે સત્તાની ચાપલુસીએ પોલીસ તંત્રની મજબૂરી બનવા માંડી છે. પોલીસ મિત્રોની ઉજવણીના કાર્યક્રમોમાંથી નવરાશ જ નથી મળતી કે તે ખરા ગુનેગારો પકડવા કમર કસે. ગૃહ ખાતું વ્યક્તિગત ગણાય તેવા લગ્નના મુદ્દાઓ પર કાયદા ઘડવામાં મસ્ત છે. એટલે નશીલા પદાર્થોના કારોબારને રોકવા કાયદાને કડક કરવા કે સમય આધારિત ફેરફાર કરવાની તેની પાસે ઈચ્છાશક્તિ નથી.
ભ્રષ્ટાચારમાં વ્યસ્ત તંત્ર કડક કામ લે તે હવે લગભગ અશક્ય લાગે છે ત્યારે સરકારને સતત સાથ આપનારાં લોકોએ જ સરકારનો કાન આમળવાનો સમય પાકી ગયો છે. હવે સરકારી તંત્ર અઢારમી સદીમાં ચાલે છે અને ગુનેગારો ઓનલાઈન ધંધો કરે છે. વળી ગુજરાતમાં દારુબંધી છે અને સમાજમાં દારૂના નશા માટે એક અલગ સૂગ ધરાવે છે ત્યારે યુવાનો વિચારે છે કે જો દારુ પી ને ઘરે જઈશું તો ઘરવાલા બોલશે. દારૂની ગંધ માણસને અલગ તારવી દે છે. એના કરતાં ડ્રગ્સ કે ગાંજો લઈ ઘરે જાવ તો કોઈને ખબર પડતી નથી. પોલીસ પણ ચરસ કે ગાંજા સાથે હોઈ તેને પકડી શકે છે. ચરસ ગાંજો કે વિદેશી ડ્રગ લીધું હોય તેને પકડી શકતી નથી. વળી, આ નવા નશાનાં સ્વરૂપ પણ નવાં છે. ઘરના કે સજ્જન લોકોને પોતાના સંતાનના ખીસ્સા કે પાકીટમાંથી કશું મળે તો પ્રથમ નજરે ખબર પણ ના પડે કે આ નશીલા પદાર્થ છે. એક નાની પ્લાસ્ટિકની ભૂંગળી કે ડબ્બી એ ખરેખર સ્મોક પાઈપ છે. મતલબ કે નાનો આધુનિક હુક્કો. નાના નાના ગામમાં પાનના ગલ્લે ચરસ ગાંજાવાળી સિગરેટ કે પાઈપ ખુલ્લેઆમ મળે છે. પડીકીનો વ્યાપાર બહુ સરળતાથી થાય છે. હવે પહેલાં જેમ નિશ્ચિત જગ્યાઓ નથી કે પોલીસ દરોડા પાડે. હવે વોટ્સેપ કે કોલ દ્વારા બાઈકસવાર યુવાનો ડીલીવરી કરે છે. નવી દરેક અર્બન ગુજરાતી ફિલ્મમાં યુવાનો દારૂ પીતા બતાવાય છે અને હવે તો આ દારૂના ડીલીવરી બોયની પ્રેમ કથાઓ પણ કહેવાતા બોલ્ડ સમાજમાં આનંદપૂર્વક જોવાઈ રહી છે. આ ફિલ્મો આપણા શહેરમાં યુવાનો શું પસંદ કરી રહ્યા છે તે દર્શાવે છે. માટે ડ્રગ્સના દૂષણ માટે સરકાર જેટલું જ બેજવાબદાર વર્તન ગુજરાતનાં માતા પિતા કરી રહ્યાં છે. આ કોલમમાં આપણે વારંવાર ગુજરાતમાં ડ્રગ્સનું દૂષણ ફેલાય છે તેની વાત લખીએ છીએ. કદાચ વાત એની એ જ છે પણ સમસ્યા ગંભીર છે. પ્રજાનો એક વર્ગ સાંપ્રદાયિક્તાના નશામાં ચૂર ,એક વર્ગ કર્મકાંડમાં ચૂર અને દિશાહીન યુવાનો આ નશામાં ચૂર ..આપણે કઈ દિશામાં જઈ રહ્યાં છીએ? આમ તો ગુજરાતમાં વધતી હિંસા, બળાત્કાર, વ્યભિચાર, આડા સંબંધો અને ગુનાખોરીના પાયામાં આ નશાખોરી પણ છે. ફરી કહું છું કે ગુજરાતના દરિયા કાંઠે કે રણમાં આવતું અને પકડાતું આટલું બધું ડ્રગ્સ સાબિત કરે છે કે ગુજરાતમાં ડ્રગ્સનો કાળો કારોબાર વધી રહ્યો છે. સરકાર જાગે પણ મા બાપ તો ખાસ જાગે.
આ લેખમાં પ્રગટ થયેલા વિચારો લેખકના પોતાના છે.