ટી20 વર્લ્ડ કપમાં ભારત માટે આવનારી ઝિમ્બાબ્વે સામેની મેચ અત્યંત નિર્ણાયક બની ગઈ છે. આવી સ્થિતિમાં પૂર્વ ભારતીય ઓલરાઉન્ડર Irfan Pathanએ ટીમના બેટિંગ ઓર્ડર અંગે મહત્વપૂર્ણ સલાહ આપી છે.તેમના મતે ભારતના કેપ્ટન Suryakumar Yadavએ નંબર 3 પર બેટિંગ કરવા આવવું જોઈએ, જેથી ટીમના ટોપ ઓર્ડરમાં સંતુલન આવી શકે.
ભારતને ટૂર્નામેન્ટની શરૂઆતમાં જ મોટો ઝટકો લાગ્યો હતો અને હવે સેમિફાઇનલમાં પહોંચવા માટે દરેક મેચ જીતવી જરૂરી બની છે. ખાસ કરીને બેટિંગ લાઇન-અપમાં કેટલીક કમજોરીઓ સામે આવી છે. હાલના ટોપ ઓર્ડરમાં સતત ડાબોડી બેટ્સમેન આવતા હોવાથી વિરોધી ટીમને બોલિંગ સ્ટ્રેટેજી બનાવવામાં સરળતા મળી રહી છે.આ પરિસ્થિતિમાં પાઠાણે જણાવ્યું કે જો Suryakumar Yadav નંબર 3 પર ઉતરશે તો બેટિંગમાં વૈવિધ્ય આવશે અને મધ્યક્રમ વધુ મજબૂત બનશે. તેઓ અગાઉ પણ આ સ્થાન પર સફળ રહ્યા છે અને ઝડપી રન બનાવવાની ક્ષમતા ધરાવે છે. તેમની આક્રમક બેટિંગથી ટીમને શરૂઆતથી જ ગતિ મળી શકે છે.
બેટિંગ સિવાય બોલિંગ વિભાગ અંગે પણ પાઠાણે મહત્વપૂર્ણ સૂચન આપ્યું છે. તેમના મુજબ ટીમમાં Axar Patelને ફરીથી સામેલ કરવો જોઈએ. અક્ષર પટેલ બોલિંગમાં ડાબોડી બેટ્સમેન સામે અસરકારક સાબિત થાય છે અને જરૂર પડે ત્યારે બેટિંગમાં પણ ટીમને મદદ કરી શકે, તેમને ‘ફ્લોટર’ તરીકે પણ ઉપયોગ કરી શકાય,જે ટીમ માટે ફાયદાકારક બની શકે છે. પાઠાણે કહ્યું કે ટીમ મેનેજમેન્ટ કદાચ Kuldeep Yadav અથવા Sanju Samsonને તક આપવાનો વિચાર પણ કરી શકે છે, પરંતુ વધુ ફેરફાર કરવાથી ટીમના સંતુલન પર અસર પડી શકે છે. તેથી માત્ર એક જ મહત્વપૂર્ણ ફેરફાર કરવો યોગ્ય રહેશે.
હવે સૌની નજર ભારત અને ઝિમ્બાબ્વે વચ્ચેની આ હાઈ-વોલ્ટેજ મેચ પર છે. જો ભારત આ મેચ જીતે છે તો સેમિફાઇનલ માટેની આશા મજબૂત થશે, પરંતુ હાર મળતા ટૂર્નામેન્ટનો રસ્તો મુશ્કેલ બની શકે છે. આવી સ્થિતિમાં ટીમના બેટિંગ ઓર્ડરમાં લેવાતો નિર્ણય ખૂબ જ મહત્વનો સાબિત થઈ શકે છે.
