ન્યુયોર્કના ચાઇનાટાઉનમાં દક્ષિણ એશિયન વંશનો એક વ્યક્તિ ચાકુથી હુમલો કરતાં ઘાયલ થયો હતો. 31 જાન્યુઆરીએ, સિલિકોન વેલીમાં એક 19 વર્ષિય હુમલાખોરે 84 વર્ષીય વ્યક્તિ પર હુમલો કરી હત્યા કરી હતી. યુ.એસ. માં છેલ્લા એક વર્ષથી આવા કેસ સામે આવ્યા છે . માર્ચથી ડિસેમ્બર 2020 ની વચ્ચે, દક્ષિણ એશિયનો પર ત્રણ હજારથી વધુ હુમલા થયા છે.
એકલા ન્યૂયોર્કમાં, 2019 કરતા 10 ગણા વધુ હુમલા થયા છે. આ હુમલાનો સૌથી વધુ ભોગ ચીન, તાઇવાન અને થાઇલેન્ડ મૂળના લોકો છે. નિષ્ણાંતો કહે છે કે પૂર્વ રાષ્ટ્રપતિ ડોનાલ્ડ ટ્રમ્પે કોરોના માટે ચીનને દોષી ઠેરવ્યું હતું. ત્યારથી, ચીની મૂળના લોકો પર હુમલાઓ વધી ગયા છે. જ્યારે રોગચાળો વધવા લાગ્યો હતો ત્યારે જ FBI એ ચેતવણી આપી હતી કે ચીન અને એશિયનો પર હુમલો થઈ શકે છે.
હુમલાઓ સામે રેલી
આ હુમલાઓના વિરોધમાં શનિવારે ન્યૂયોર્કમાં એક રેલી યોજવામાં આવી હતી. ન્યૂયોર્કમાં એશિયન અમેરિકન કમ્યુનિટિ (ચાઇનીઝ ઓર્ગેનાઇઝેશન) ના સભ્ય લ્યુસી ચિંગે જણાવ્યું હતું કે શહેરમાં પ્રવાસ કરનારાઓ સામે આવી હિંસા જોવા મળી નથી. આ હુમલાઓ 9/11 ના આતંકી હુમલા પછી ઊભી થયેલી પરિસ્થિતિને યાદ કરાવે છે. ન્યુ યોર્ક સિટીના મેયર બિલ ડી બ્લેસિઓએ કહ્યું કે આવા હુમલાઓ આપ્રવાસી માટે અન્યાય છે. બ્લેસિઓએ પણ રેલીને ટેકો આપ્યો હતો. આ પ્રવાસીના નેતા હુમલો અટકાવવા મેયર સાથે બેઠક કરશે.
એશિયન પેસિફિક નીતિ- પ્લાનિંગ કાઉન્સિલ દ્વારા ગુના સામે અભિયાન શરૂ કરાયું છે. આ અંતર્ગત, NYC.Gov/StopAsianHate નામનું વેબપેજ શરૂ કર્યું. કાઉન્સિલના જણાવ્યા મુજબ, ચાઇનીઝ વંશના લોકોના કેન્દ્ર એવા સાન ફ્રાન્સિસ્કોના ખાડી વિસ્તારમાં થયેલા હુમલાઓમાં 25 ટકાથી વધુ છે. ત્રીજા ભાગના અમેરિકન ચાઇનીઝ અમેરિકનો આ વિસ્તારમાં રહે છે. છેલ્લા બે મહિનામાં, અહીં 32 લોકો પર હુમલો અને લૂંટ ચલાવવામાં આવી છે.
બિડેને આ પ્રકારના હુમલા બંધ કરવા અપીલ કરી હતી
વ્હાઇટ હાઉસે વધતા જતા હુમલાઓ પર લગામ લગાવવા પગલાં ભર્યા છે. ગૃહના પ્રેસ સચિવ જેન સાકીએ અહેવાલ માં જણાવ્યુ છે કે રાષ્ટ્રપતિ જો બિડેને એક આદેશમાં કહ્યું હતું કે, ચીનીઓ અને પ્રશાંત ખંડના લોકો સાથે યુનાઇટેડ સ્ટેટ્સમાં ગુના અને જાતિવાદી હિંસા સ્વીકાર્ય નથી. આરોગ્ય વિભાગને કહેવામાં આવ્યું છે કે તેઓ જ્યારે રોગચાળા અંગે ચર્ચા કરશે ત્યારે આ કેટેગરી વિશે વાત નહીં કરે, આમ કરવાથી તેઓ ગુનાની શ્રેણીમાં આવશે.
