નવી દિલ્હી(NewDelhi): આજે તા. 11 જાન્યુઆરી ગુરુવારની બપોરે દિલ્હી એનસીઆરમાં (DelhiNCR) ભૂકંપના (Earthquake) આંચકા અનુભવાયા હતા. આંચકો અનુભવતા જ લોકો ઘરની બહાર દોડી ગયા હતા. આંચકા અનુભવાતા લોકોમાં ભય વ્યાપી ગયો હતો.
ગુરુવારે ફરી એકવાર દિલ્હી-એનસીઆર, પંજાબ(Punjab), ચંદીગઢ (Chandigadh) અને જમ્મુ-કાશ્મીરમાં (JammuKashmir) ભૂકંપના કારણે ધરતી ધ્રૂજી ગઈ. ભૂકંપના આ આંચકા લાંબા સમય સુધી અનુભવાયા હતા. ભૂકંપ આવતા જ લોકો ઘર અને ઓફિસમાંથી બહાર આવી ગયા હતા. હાલમાં કોઈ જાન-માલના નુકસાનના સમાચાર નથી.
ભૂકંપનું એપીસેન્ટર અફઘાનિસ્તાનનું ફૈઝાબાદ
ભૂકંપનું કેન્દ્ર અફઘાનિસ્તાનના (Afghanistan) ફૈઝાબાદમાં (Faizabad) હતું અને હિંદુકુશ (Hindukush) ક્ષેત્રમાં તેની તીવ્રતા રિક્ટર સ્કેલ પર 6.2 હતી. આ સિવાય જમ્મુ-કાશ્મીરના પુંચ (Punch) જિલ્લાના પીર પંચાલ વિસ્તારના દક્ષિણમાં પણ ભૂકંપના આંચકા અનુભવાયા હતા. ભૂકંપના આ આંચકા માત્ર ભારતમાં જ નહીં પરંતુ પાડોશી દેશ પાકિસ્તાનમાં (Pakistan) પણ અનુભવાયા હતા. અહીંથી કેટલીક એવી તસવીરો સામે આવી છે જેમાં લોકો પોતાના ઘર અને ઓફિસની બહાર ભાગતા જોવા મળે છે.
પાકિસ્તાનમાં પણ ભૂકંપના આંચકા અનુભવાયા
પાકિસ્તાનમાં પણ ભૂકંપના જોરદાર આંચકા અનુભવાયા હતા આ સિવાય જમ્મુ-કાશ્મીરના પુંછ જિલ્લાના પીર પંચાલ વિસ્તારના દક્ષિણમાં પણ ભૂકંપના આંચકા અનુભવાયા હતા. ભૂકંપના આ આંચકા માત્ર ભારતમાં જ નહીં પરંતુ પાડોશી દેશ પાકિસ્તાનમાં પણ અનુભવાયા હતા. અહીંથી કેટલીક એવી તસવીરો સામે આવી છે જેમાં લોકો પોતાના ઘર અને ઓફિસની બહાર ભાગતા જોવા મળે છે.
ભૂકંપ શા માટે અને કેવી રીતે થાય છે?
ભૂકંપ શા માટે અને કેવી રીતે આવે છે તે જાણવા માટે પૃથ્વીની રચનાને સમજવી પડશે. પૃથ્વી ટેકટોનિક પ્લેટો પર સ્થિત છે. તેની નીચે પ્રવાહી લાવા છે અને તેના પર ટેક્ટોનિક પ્લેટો તરે છે. ઘણી વખત આ પ્લેટો એકબીજા સાથે અથડાય છે. વારંવાર અથડામણને કારણે, કેટલીકવાર પ્લેટોના ખૂણાઓ વળે છે અને જ્યારે ખૂબ દબાણ હોય છે, ત્યારે આ પ્લેટો તૂટવા લાગે છે. આવી સ્થિતિમાં, નીચેથી આવતી ઊર્જા બહાર નીકળવાનો માર્ગ શોધે છે. જ્યારે આ વિક્ષેપ બનાવે છે, ત્યારે તે ભૂકંપ દ્વારા અનુસરવામાં આવે છે.
