નવી દિલ્હી: (New Delhi) આંખમાં આંસુ, હાથમાં ત્રિરંગો, હૃદયમાં અભિમાન અને દુ:ખ…. તમિલનાડુમાં (Tamilnadu) CDS જનરલ બિપિન રાવત (CDS Bipin Rawat) સાથે હેલિકોપ્ટર દુર્ઘટનામાં (Coonoor helicopter crash) દુનિયાને અલવિદા કહેનારા બ્રિગેડિયર એલ.કે. લિડ્ડરને (Brigadier lk liddar ) શ્રદ્ધાંજલિ આપતા તેમની પત્ની અને પુત્રી સાથે પણ આવું જ હતું. બ્રિગેડિયર લિડ્ડરની પત્ની અને પુત્રીએ દિલ્હી કેન્ટોનમેન્ટના બેરાર સ્ક્વેર ખાતે તેમને હૃદયપૂર્વક શ્રદ્ધાંજલિ આપી હતી. આ પ્રસંગે સંરક્ષણ પ્રધાન રાજનાથ સિંહ સહિત અનેક હસ્તીઓ પહોંચી હતી, પરંતુ દરેકની નજર તેમની પત્ની અને પુત્રી પર હતી, જેમના આંસુ સતત પડતા રહ્યા અને તેઓ શ્રદ્ધાંજલિ આપતા રહ્યા. પત્નીએ શબપેટીને ચુંબન કર્યું, ફૂલો અર્પણ કર્યા અને લાંબા સમય સુધી તેને વળગી રહી.
ત્યારપછી જ્યારે લિડ્ડરના પાર્થિવ દેહ પર મૂકવામાં આવેલો ત્રિરંગો અંતિમ સંસ્કાર માટે લઈ જવામાં આવે તે પહેલા તેમને સોંપવામાં આવ્યો ત્યારે તે માથું નમાવીને લાંબા સમય સુધી રડતી રહી. પતિ ગુમાવ્યાનું દુ:ખ અને દેશની સેવા કરવાનો ગર્વ એમના ચહેરા પર જોવા મળી રહ્યો હતો. 13 વર્ષની પુત્રી આહાના અને પત્નીને છોડીને જનારા લિડ્ડરને હાલમાં જ મેજર જનરલના પદ પર પ્રમોશન મળવાનું હતું, પરંતુ તે પહેલા દેશ અને તેમના પરિવારને આ દુઃખદ સમાચાર સાંભળવા મળ્યા. આ દરમિયાન રક્ષા મંત્રી (Defense minister ) રાજનાથ સિંહ (Rajnath sinh) પણ બ્રિગેડિયરના પરિવારને સાંત્વના આપતા જોવા મળ્યા હતા.
બ્રિગેડિયર ઉપરાંત CDS જનરલ બિપિન રાવત અને તેમની પત્ની મધુલિકા રાવતના પણ આજે અંતિમ સંસ્કાર થવાના છે. અગાઉ તેમના મૃતદેહને ઘરે લઈ જવામાં આવ્યા હતા, જ્યાં સામાન્ય લોકો, સૈન્ય કર્મચારીઓ અને અન્ય હસ્તીઓ તેમના આદર આપશે. આ સિવાય અન્ય ઘણા સૈનિકોના અંતિમ સંસ્કાર તેમના પૈતૃક ઘરે થવાના છે. આનું કારણ એ છે કે સૈનિકોના પરિવારોએ તેમના પુત્રોને તેમના વતન પર વિદાય આપવાનું નક્કી કર્યું છે. આ તમામના મૃતદેહને હેલિકોપ્ટર દ્વારા તેમના ઘરે પહોંચાડવામાં આવશે.
