દિલ્હીની કોર્ટે 2020 ના રમખાણો દરમિયાન એક વ્યક્તિને ગોળી મારવા બદલ ધરપકડ કરાયેલા બે લોકોને નિર્દોષ જાહેર કર્યા છે. આ કેસમાં ચુકાદો આપતી વખતે એડિશનલ સેશન્સ જજ અમિતાભ રાવતે રશિયન લેખક ફ્યોડર દોસ્તોવ્સ્કીની પ્રખ્યાત લાઇન “ક્રાઇમ એન્ડ પનિસ્મેંટ” નો ઉલ્લેખ કર્યો હતો.
સેશન્સ જજ અમિતાભ રાવતે કહ્યું, તમે સો સસલામાંથી ઘોડો બનાવી શકતા નથી, સો શંકાઓ એ સાબિતી બની શકતી નથી.’ આ ટિપ્પણી સાથે કોર્ટે હત્યાના પ્રયાસ અને આર્મ્સ એક્ટના આરોપના બંને આરોપીઓને નિર્દોષ જાહેર કર્યા છે.
શું છે કેસ
બાબુ અને ઇમરાન પર ગત વર્ષે 25 ફેબ્રુઆરીએ મૌજપુરમાં થયેલા રમખાણોમાં ભાગ લેવાનો આરોપ મૂક્યો હતો અને તેમના ઉપર તોફાનોના આરોપોથી ઘેરાયેલી, FIRમાં ગોળીબાર કરવાનો આરોપ મૂકવામાં આવ્યો હતો. જો કે, કોર્ટે શોધી કાઢ્યું છે કે કથિત પીડિતાએ બનાવટી સરનામું અને મોબાઈલ નંબર આપ્યો હતો અને તેણે ક્યારેય કોઈ પોલીસ અધિકારીને નિવેદન આપ્યું નથી.
તેના આદેશમાં કોર્ટે કહ્યું, ‘પોલીસ હોસ્પિટલમાં પહોંચી ત્યાં સુધીમાં કથિત પીડિત રાહુલ ગાયબ થઈ ગયો, રાહુલે પ્રારંભિક નિવેદન આપ્યું અને પછી ગાયબ થઈ ગયો, પોલીસે રાહુલને ક્યારેય જોયો નહીં. કોણે અને કોને કોને ગોળી મારી હતી? તેનો કોઈ પુરાવો નથી. ફાયરિંગ અંગે પણ પુરાવા મળ્યા નથી.
કોર્ટે કહ્યું, ‘આ કેસમાં પોલીસ પાસે પુરાવા રૂપે કોન્સ્ટેબલ પુષ્કર છે, પરંતુ તે પણ ગોળીબાર જોયો નથી. પીડિતના વકીલે દલીલ કરી હતી કે બંને તોફાનીઓ ટોળાના ભાગ હતા અને એવી શંકા છે કે ફાયરિંગ માટે બંને જવાબદાર છે. ચાર્જશીટમાં હત્યાના પ્રયાસનો અથવા આર્મ્સ એક્ટના કોઈ પુરાવા નથી.
કોર્ટે બાબુ અને ઇમરાનને કલમ 307 (ખૂનનો પ્રયાસ) અને આર્મ્સ એક્ટ હેઠળ ગેરકાયદેસર હથિયાર રાખવાના આરોપ હેઠળ નિર્દોષ મુક્ત કર્યો હતો , પરંતુ બંનેને તોફાનોના આરોપ હેઠળ સુનાવણીનો સામનો કરવો પડશે.
